وجر الحب 🍒

الحلقة 37🍒

🌷#وجر_الحب 🌷
♦️الكاتبة : #ايوتة ♦️
🍒#الحلقة_37🍒
ممنوع النقل بدون اذن 🚫❌

نزل محمود و قابلو كمال
كمال : يخي شنية محمود متعرفش تحبس تلقي السلام
محمود : لا منعرفش و توا اسحب رجالك خلي نفوت
كمال ضحك شوية : توتو يخي متعرفش هذي طريق شكون
محمود :لا نعرف
كمال : بالاهي و متعرفش زادة انو لي يفوت منا لازم يدفع و .... طل من وراه شاف الكاميون ... بالاخص اذا معاك سلعة
محمود : اذا عينك على سلعة انسى بش تاخذ منها
كمال : تحب تفوت تعطيني نصها
محمود : قداش قديم كل مرة نفس شرط
كمال : شنعمل نحب القديم
محمود : بش تسحب رجالك وتروح لانو الشرطة تعرف انو انا فايت من هوني
كمال : ضحكتني ... تي شرطة متعرفش طريق هذا
محمود تبسم و هكاكا بعد وقفت بجنبهم سيارة شرطة نزل منها شرطي
الشرطي : نشوف فما نقاش هوني
محمود : لا سيدي الشرطة جيست سي كمال محبش يحل طريق
كمال شاف فيهم و دار عند محمود : يخي بشرطي تحب تفوت
الشرطي : مسيو مذابيك تحل طريق والا ...
كمال : والا شنية
الشرطي : بش نبعث للفرقة و توا تجي  ...هز جهاز الشرطة و راح يبعث اما كمال هز سلاحو و قوصو للقلب
محمود رجع لورا و اوار و ايهاب قدمو و هزو سلاحهم
كمال وجه سلاحو لمحمود : توا شنية بش تعمل اه
محمود هز سلاحو وقوصو و بدات حرب الرجال لكل يقوصو
اوار كان ورا الكرهبة و يقوص اما مشافش وراه
ايهاب : اوااااار
اوار دار و يقطعو السكين من يدو
ضرب الراجل ب بوكس طاح و هكاك جا ايهاب و قوص عليه
رجال كمال كي شافو انهم راح يخسرو ركبو كراهبهم و حرقو الكياس
محمود جا عند اوار : اوار شكون ضربك
اوار : منعرفش طحان جا من ورايا
محمود : باهي اركب بش نديوك للكلينيك
اوار : لا خدش صغير كهو
محمود : اركب سع
ركبو و الديريكسيون لمقر المافيا

                ........
بعد يومين ...
قاعدة فالمكتب حاطة يدها على خدها و تنفخ 
روبين : اففف شبيه سخطة مجاش
مرام جات زادمة : على من تحكي
روبين : شي ...
مرام : مجاش البقلاوة
روبين : لا ...
مرام : انتي دغفة علاه تصكر عليه توا يقول انك متحبش تحكي معاه
روبين : اما انا مقصدتش ...
مرام : تي او راح و خلاك ابقاي توا قابلي لحيوط
روبين : اففف .... ناضت هزت حوايجها و فاست متاعها و جات خارجة
تمشي و تنفخ متعرفش انو فما لي يشوف فيها و يضحك...