🌷#وجر_الحب 🌷
♦️الكاتبة : #ايوتة ♦️
🍒#الحلقة_4🍒
ممنوع النقل بدون اذن 🚫❌واقف يستقبل فالمعاريض ب بسمة عريضة فرحتو ماتوسعهاش السما و هو يستقبل فالتهاني مرتو و شريكة عمرو بجنبو كي لعادة
جاه عمر واحد من شركاءو : مبروك عليك يا شريك و ابتسم لنادية
احمد :يبارك فيك
عمر : مدام باينة فيك فخورة ببنتك
نادية ابتسمت : عندك فيها شك هادي
عمر :الحقيقة لوكان جات بنتي واحد مايقدر يهبطلي خشمي من السما ضحكو و احمد و نادية حسو بفخر شديد
كملو يستقبلو فالمعازيم
في دارو لبس كوستيم كحل عدل ذرعين الشوميز وحط فيهم بوطون لي ترمز ليه "ثعلب " هز الكارطابل كلاسيك لي فيها السلاح وخرج متوجه لفيلا متاع سلطاني واجد بش ينفذ مهمتو بلا اي رحمة وبقلب بارد
ركب كرهبتو و حرق الكياس و خلا وراه غير لعجاج
وصل نزل بكل وهرة يمشي بكل ثقة وقف بحذا طابلة
الحفلة جاية فالجاردان بنظرة ثاقبة سكانا المعازيم كاملين فاتت عليه خدامة هز من عندها كاس و سقساها وين جاية بيت البانو
الخدامة : من هداك الباب على يسارك يقابلك باب هداك هو
مشا بلا ما يشكرها لازم يعرف الدار من داخل بش يحدد موقعو و تسهل عليه المهمة ، دخل لقا كولوار كبير مقابلاتو صالون و على يمينو دروج مقسمين على زوج اول حاجة راح لصالون و زاد راح لبيوت لي كاينين لتحت كامل كي كمل قرر يستكشف الفوق مع جا طالع بطلتنا جات نازلة تقفل في براسليها كان دار وراه مع رجع شاف قدامو تخبط فيها و حكمها من زنودها و طاحت العين فالعين (العين فالعين و تلاقينا لثنين 😂) لابسة روب خضرة تهوبل مع هي لاطاي تاعها حوتة 😂 جاتها قد قد طالقة شعرها البرتقالي على طولو و مدايرة مكياج خفيف بزينها السامبل تخطف العين فلحظة سرح فزينها و نسا علاه جا لثما ولا شقاعد يعمل ولا وين رايح ، الثعلب لي جامي تشتت تركيزة جات هاد الصغرونة خطفتلو تركيزو كليا
في نفس اللحظة رجع تركيزو و مشا و خلاها بش ميلفتش الانتباه
بقات باهتة لدقيقة تفكر شكونو السيد الغامض لي سحرها بعينيه لي كي الرماد كملت هبطت و مشات بحذا امها و باباها و استقبلت صحابها...
YOU ARE READING
وجر الحب 🍒
Romanceكروونيك جديدة من تاليفي انا : اية (ايوتة😘)... اول كرونيك ليا تحت عنوان #وجر_الحب نشالله تعجبكم و تدعموني .... باش دمر مشاعركم كليا 💃💃شدو قلوبكم واحكموا انفاااسكم رح تعيشوا قصتها وتعشقوا تفاصيلها 😍😍 رح نجمعلكم فيها أسرار وغموض....أكشن 🗡..مافي...