وجر الحب 🍒

الحلقة 73🍒

🌷#وجر_الحب 🌷
♦️الكاتبة : #ايوتة ♦️
🍒#الحلقة_73🍒
ممنوع النقل بدون اذن 🚫❌

اوار: شمجيبو عندك
روبين : شي ..جا يطل عليا اكهو
اوار: شنوة هذي يطل عليك شمدخلو فيك
روبين : صديقي جا يطل عليا فيها حاجة
اوار: بلالهي متقوليش صديقي هذي متاع ####
روبين : شنية نكذب صديقي راهو
اوار قحرلها : هدرت مع حيط انا شقتلك عليه اه
روبين : اففف اوار
اوار ضرب الفولون فجعها حتى صاحت :متخلينيش نغلط معاك
روبين قحرتلو و صاحت عليه  : لا اغلط شنوة تستنى
اوار: روبييين صوتك ميعلاش عليا فهمت
روبين : لا مفهمتش انا تصيح و تضرب و انا لا
اوار: روبيييين... شاف فيها شوفة ترعب ...اخر مرة نلقاك معاه فهمت وراس امي لمرة جاية نحرقو قدامك
روبين قحرتلو
اوار: فهممممت
روبين خافت و عملت براسها ايه و دارت تشوف من بلار
اوار  يعرف بلي تغششت اما لازم يعمل معاها هكا بش تسمعلو لكلام و متتلاقاش مع #### متاع صقر
وصلو وهي جيست محبست الكرهبة نزلت مسح على وجهو و نزل هو زادة
اوار: روبين ايجا هوني ..اما هي تمشي كانو هو مش معاها
اوار: روبين نهدر معاك راني  ..
تمشي ولا علابالها وصلت لغرفتها و دخلت
روبين : امي زينب
زينب : ايجا بنتي .. عدلت روحها و قعدت و جات روبين عنقتها
دخل عليهم اوار عينيه مضلمين مشا عندها و جبدها من زندها
اوار: شنوة حركات ### لي تعمل فيهم
روبين : سيبني
زينب : شبيكم يا لولاد اوار ولدي سيب طفلة
اوار سيبها : لمرة جاية بش توقف وقت نقولك اوقف فهمت
روبين: بالاهي في بالك تمشي فيا بتيليكوموند حتى نحبس وقت تقولي
اوار: طوال لسانك يا لالة اما بش نقصهولك
زينب : اي انتو لثنين شبيكم اوار شبيك تحكي معاها هك
اوار: امي مدخلش روحك بش نتفاهم معاها وحدي
روبين : جرب سعدك
زينب : ايجا بنتي حذايا ..
روبين راحت خوافة لقاتها فرصة بش تهرب منو
اوار: ايجا هوني
زينب : مش جاية بنتي راهي مراح تعمللها شي
روبين خرجت لسانها لاوار
اوار: خرجو على روحك بش نقصو  منبعد
روبين حقراتو و دارت عند زينب : شنوة حوالك امي زينب رتحتي شوية
زينب : لاباس بنتي
روبين : مقلقتش من جو لكلينيك
زينب : لا تي فما طبيب هوني بقلاوة
اوار: عيب يا زينب كبيرة راكي
روبين: انتا شايب هيا مزالها صغيرة
اوار قحرلها و يتحلف فيها
روبين : ايه كمليلي على البقلاوة
اوار عينيه تحلو على وسعهم : شقلت الالة
زينب: شنحكي و شنوة نخلي يفتق يفتق اكا الشعر و اكا الضحكة تي كلشي فيه يهبل تي نذوب كي يقلي زنوبة
اوار: زنوبة خلاص
روبين  : سخفتيني نشوفو
اوار: روبيين متخلينيش نوض عندك
هوما هكاك و دخل عليهم الطبيب البقلاوة
زينب قرصت روبين : هذا هو ... روبين عينيها ولاو قلوب و اوار شوي هك و ينوض يدفها
الطبيب ادم : زنوبة كيفاش صبحتي ليوم
زينب : لاباس الحمدالله
ادم صافح اوار ماو شافو من قبل و يعرف بلي ولدها اما اول مرة يشوف روبين تبسملها و هي زادة تبسمتلو واوا يتخيل في روحو كيفاه يدفنها
ادم :بنتك هذي ؟
روبين جات تهدر اما قص عليها اوار
اوار: لا مرتي
ادم : اا مرحبا بيك مدام
روبين : يعيشك ... و شافت في اوار قحرتلو
كمل عمللها فحص و خرج
اوار: تتبسم و عينيك قلوب هكا روبين
روبين: شنية ماو لازم نخلي اختياراتي مفتوحة
اوار ناض عندها و هي زربت تخبات عند زينب قبل مايجبدها نوقز تيليفونو و روبين شكرت ربي كي منعت
اوار: متحطش روحك هربت  بش نرجعلك و خرج
زينب : ربي يخليكم لبعضاكم
روبين : امين
زينب : بنتي شقررت تعملو غدوة
روبين: شنية
زينب : فعيد ميلادو
روبين : غدوة ؟؟؟؟ اما هو قالي بلي ..
زينب : كذب عليك طبيعتو ميحبش يقول على عيد ميلادو
روبين شافت فالساعة : راح لحال يا ربي نبدا نخمم فشنوة رح نعمل
زينب: اعمل شي بينكم انتو لزوج اكهو ميحبش يكونو ناس راهو
روبين: باهي مارسي برشا امي زينب كي قتيلي... دخل عليهم اوار
روبين : اتهلا فروحك باهي
زينب : باهي بنتي

روبين راحت عند اوار و حكمت يدو : هيا رورو
اوار عمل باي لامو و خرجو
اوار: شبيك تتبسم وحدك
روبين :جبت نمرو متاع ادم
اوار عينيه ضلامو و العصب ركبو عروق رقبتو تكبسو روبين شافت فيه و تفلقت بالضحك 
روبين 😂😂😂😂😂 اه يا امي 😂😂😂😂
اواررتاح كي عرف بلي تفدلك مشا وخلاها
روبين مزالت تضحك : ايي اوار ههههههههه
اما هو ماشي و مخليها
روبين :اوااار خلاص نفدلك استناني
اوار .......
روبين : استنى عيش حبي ... محبش حتى جات فكرة شيطانية فبالها ... قعدت فالارض و حكمت رجلها
روبين : اييي اهئ اهئ رجلي
اوار كي سمعها دار لقاها فالارض الخوف ركبو فثانية كان عندها
اوار: شبيك يا روحي
روبين : اهئ اهئ طحت اهئ توجعني برشا
اوار: قلي وين  يعيش حبي ...ملامحو كلها خوف ندم لي خلاها وراه
شاف في وجها لقاها تضحك بالساكت الراحة تغلغلت في بدنو
اوار: مش رح تحشم على روحك
روبين : سامحني حبيبي نفدلك اكهو
اوار: تعرف لي نكره تفدليكك لي هك خوفتني عليك
روبين : يوزينو لي يخاف عليا و حكمتلو خدودو و باستهم
اوار وقف  :اوقف يا مجنونة
روبين : مانوقفش
اوار: روبين
روبين : ماها
اوار: مش وقت لعب اوقف
روبين : هزني.. شاف فيها لقاها مش تفدلك مسح على وجهو و هزها دورت رجليها على خصرو و يديها على رقبتو تكبسو عروقو و السخانة بدات تطلعلو
اوار: صغرونتي شيطانة بش يقولو توا حبيبتو مهبولة
روبين : يقولو لي يحبو لمهم انتا تحبني
اوار: نعشقك يا روحي
باست رقبتو و عضتها
اوار: روبين امم  حبسي
روبين: تشهيتها شنوة متتشهاش انتا
اوار: نتشهي اما مزالني صابر
روبين: شتقصد ماك بستني
اوار: ههه لا يا روحي توا انتي تشهيتي و عضيتي اما انا كون نعمل كيفك توا راكي حبلة بولدي فكرشك وانتي تمشي كالبطريقة فداري
روبين حشمت : مسخ 😳
اوار ضحك و حللها باب الكرهبة باس خدودها لحمر و ركب هو زادة