🌷#وجر_الحب 🌷
♦️الكاتبة : #ايوتة ♦️
🍒#الحلقة_22🍒
ممنوع النقل بدون اذن 🚫❌
الليل كامل و هو يخمم في هدرة البوص و من جديد صورتها احتلت مخو لي كل مايغمض جفن تجيه في بالو
احتلت مخو الصغرونة بكل تفاصيلها و خاصة شعرها الاحمر لي زاد بهاها
ناض من فراشو و راح لمكتبو جبد الملف تفكر انو فما صور و هو مشافهمش جبد الدرج لي فيه المهمات الغير مكتملة
حوس على حرف ^ر^
و لقاه : روبين سلطاني
فتح الملف لقا معلوماتها الشخصية قلب الورقة لقا تصاورها اما الحاجة لي لفتت انتباهو هو شعرها المجعد
فما برشا فطوات بالشعر المجعد لي زاد فيها النص حب غير يمسو و يلعب بيه شبهو فالخواتم (كيما يقولولي انا على شعري 😑😑) اما تفكر انو لما شافها شعرها مكانش مجعد كان عادي
شاف فالساعة لقاها 8:30 تع الصباح خبا الملف من جديد و راح يوجد روحو لبس كي العادة كلشي اسود سروال و تريكو و فاستو هز تيليفونو و هبط ركب موطوه و ديريكسيون لمقر المافيا
...........
وصل نزل الرجال لي كانو ثم كامل خبطو ريسانهم حركة متاع الاحترام ماهو هو اليد اليمنى تع البوص و كلشي يستشيرو عليه محمود لانو مخو مبرمج على المافيا و هاد الخدمة
مشا باتجاه القبو فتحو ولقا ايهاب ضرب الراجل متاع لبارح ضربة رهوجاتو و طاح بيه بالكرسي
اوار : شنوة مبغاش يحكي #####
ايهاب : محب ينطق شي غير انو كان مجبور
اوار : شنية مجبور هادي ...دار لراجل و هزو
شكون جبرك انططططططق يا ####
الراجل حالتو مهدومة وجهو زرق من الضرب و فمو منفخ كل اللي ينجم يعملو يحرك راسو بلا
نحا يديه و هو طاح من جديد دار خارج و وراه ايهاب
ايهاب : بش نقتل ##### و نتهنى
اوار : جيبلو دكتور يعالجو منقدروش نقتلوه حتى نعرفو عند شكون يخدم و خبر الهكرز يجبدو لي كان وراه
ايهاب : باهي ايجا فما اجتماع مع مراد لازم نروحولو
اوار : منجمش انتا روح وحدك
ايهاب : ايي نسيت بش تروح تخلص على هديك الطفلة
اوار شاف فيه و بلا ماينطق راح و خلاه
ركب موطوه و حرق الكياس
في الطريق يخمم كيف راح يقتلها كيفاه راه يشوف في عينيها لي سحروه و يطلق كرتوشة في راسها
نوقز تيليفونو لي فيقو من سرحتو قارا على جنب و هز
محمود : اوار قالولي كنت فالمقر و خرجت
اوار : شفت ال#### متاع لبارح و طلعت
محمود : بش نلقاو شكون وراه بش نحتاجك تروح للمستودع الجديد تفقدو و اعرف المكان اذا يناسبنا
اوار : باهي ... الشرطة عرفت على الانفجار
محمود : بالطبيعة اما حليتها مع البوليسي لي معانا لم الحالة على اساس خيوط لي تحرقو
اوار :باهي
محمود : بش تخلص على الطفلة اليوم زي ما تفاهمنا و لمرة هدي بش نغلقو الملف
اوار : باهي و سكر
فوت يدو على شهرو بغزول و دار لفت انتباهو محل حلويات
تفكر لما قالت انها بش تقص شعرها على جال البقلاوة
بلا تفكير قادوه رجليه للمحل شرالها بقلاوة و رجع لموطوه حرق الكياس و ديريكسيون للكلينيك...
أنت تقرأ
وجر الحب 🍒
العاطفيةكروونيك جديدة من تاليفي انا : اية (ايوتة😘)... اول كرونيك ليا تحت عنوان #وجر_الحب نشالله تعجبكم و تدعموني .... باش دمر مشاعركم كليا 💃💃شدو قلوبكم واحكموا انفاااسكم رح تعيشوا قصتها وتعشقوا تفاصيلها 😍😍 رح نجمعلكم فيها أسرار وغموض....أكشن 🗡..مافي...
