وجر الحب 🍒

الحلقة 51🍒

🌷#وجر_الحب 🌷
♦️الكاتبة : #ايوتة ♦️
🍒#الحلقة_51🍒
ممنوع النقل بدون اذن 🚫❌

بعد مافطرو قعدو مع بعض يشربو تاي

زينب : عجبك لفطور
روبين : عجبني برشا كلشي بنين مرسي مدام زينب تعبتي روحك
زينب : بش نتغشش منك توا شنوة قتلك على مدام هذي
روبين : باهي ...امي زينب
اوار الضحكة من لوذن لوذن استحلاها برشا القعدة مع امو و حبيبتو
(السيد صدق بلي حبيبتو 😂😂 )
زينب : شبيك تضحك وحدك كالمهبول
اوار: عيب امي قدامها
روبين ضحكت و اوار قحرلها
زينب : شنوا عيب هذي متاعك تي بش نحكيلها بخايصك لكل مش هكا بنتي
اوار: بفف محا..
قصت عليه روبين : اي احكيلي امي زينب نحب نعرف
زاد قحرلها
زينب : مرة كنا في بيت الجبل...
اوار: لا امي مش لحكاية هذيك ...
زينب  : اششش ... كما قتلك بنتي كنت انا نعمل فالعشا و هو خرج يلعب و كان عندنا شوي دجاجات كان صيف و هو كان 5سنين خرج منعرف كيفاه نحى شورت
اوار: امي يعيشك متكملهاش
زينب : تي اسكت خلي نكمل
اوار: ايي وش تهدر اسكت ..كملي امي زينب تحمست
اوار قحر لروبين اما هي ولا على بالها
اوار : بش نعتلك تحمست متاعك ... روبين مقيماتوش خلاص تحب تعرف الحكاية
زينب : كيما قتلك نحا شورتو و منعرف شنوة عمل لدجاجاتي ايا و دجاجاتي شوية متوحشين جراو ورا و عضوه
روبين : ههههه اه يا ربي ههههه
اوار: كملت لحكاية  هيا نوصلك
زينب : تي موصلتش لطرف لمليح من لحكاية
روبين: منين عضوه ههههه
زينب شافت في اوار لي يعملاها براسو لا : عضوه من هذيك لبلاصة هههههه
روبين تفلقت بالضحك: 🤣🤣🤣😂😂😂😂 حتى بكات
اوار: هكا يا امي ..باهي
روبين : اه يا ربي 😂😂😂😂  اووه 😂😂😂😂 مقدرتش
ااوار مقحرلها : كملت الالة 😒
زينب : خليها تضحك .. انا بش نروح لتوالات ... وناضت خلاتهم
روبين تمسح فدموعها : مسكين هههههه 😂😂 عضاتك دجاجة 😂😂😂 باينة وجعاتك 😂😂😂😂
اوارخطفها و حطها في حجرو : ايجا نعتلك كيفاه وجعتني ...و طاح في رقبتها يعض
روبين : اييي ههههه اوار وجعتني
اوار: ماك تحب تعرف اذا وجعتني دجاجة ... مرة يبوس مرة يمص مرة يعض
روبين : ايي اوار عيب امك هوني
اوار: العيب فالعيب مراني نعمل فشي 😇
روبين : ابعدني ولا والله منخليك تبوسني مرة اخرى
اوار: باهي علخاطر امي كهو اما خلي نكونو وحدنا
روبين : خماج 😒
ضحكة اوار لعلعت الدار
زينب : ضحكوني معاكم
اوار: كنت نب...
اما قصت عليه روبين : كان يضحك على روحو كي تفكر العضة
ضحكت زينب
اوار قحرلها
كملو يحكيو و يقصرو مع بعض ...
حتى جاه تيليفون شافو محمود ناض و خرج
اوار: نعم
محمود : منسيتش حاجة
اوار: لا
محمود : اما انا لي نعرفو انك نسيت حاجة
اوار:قلي شنية نسيت
محمود : الطفلة شنوة عملت معاها ولا نسيت
اوار قلبو دق بالقاوي : لا منسيتش
محمود : طولت برشا يا ثعلب
اوار العصب ركبو حب يقولو انو ميقدرش بلي الطفلة لي يقولو اقتلها رجعت روحو اما ....
محمود : بما انك متجيش للحفلة خلص عليها غدوة ولا بش نبعث وحد من رجال و يفريها في ثانية ...اخر فرصة ليك ...
و صكر عليه  ...
اوار خبط تيليفون فالحيط رجع فتات و ضرب بوكس فالحيط
حب يعيط حب يكسر اما روبين هوني ميقدر يعمل شي ...