🌷#وجر_الحب 🌷
♦️الكاتبة : #ايوتة ♦️
🍒#الحلقة_13 🍒
ممنوع النقل بدون اذن 🚫❌
فاتو يامات ...
قاعدة فمكتبها غامة روحها بالخدمة دق بابها
روبين : تفضل
سليم : فاضية بنتي نجم ندخل
هزت راسها لقاتو سليم القاسمي شريك باباها لي كان معاها هو و عايلتو من لي كانت صغيرة و وقفو معاها كي فقدت والديها
روبين : عمو سليم تفضل ناضت عنقاتو اتفضل اقعد و قعدت فالكرسي لي مقابلو
سليم : وين رحت و نسيتنا
روبين : مستحيل ننساكم اما تعرف مع الخدمة
سليم : باهي بش نعذرك المرة هادي اما ابقى طل علينا يا بنتي
روبين تبسمت : باهي بش نزعجكم كل يوم
سليم : شنوة ازعاج هادي راك بنتي
تبسمت اكثر : باهي
روبين : شحوالها طاطا سميرة و خلود
سليم : لاباس يسلمو عليك اما زعلانين منك
روبين : مش بقصدي عمو اك تشوف منخرج من هوني حتى الليل ساعات نبات هوني
سليم : مش قتلك ارواح تعيش معانا منو دار قريبة من خدمتك
روبين : يعيشك عمو سليم خيرك مننساهش اما نحب نقعد في دارنا
سليم : باهي بنتي منضغطش عليك اما دار دارك و ديما مفتوحة حطها في بالك
روبين تبسمت : نعرف ... خذيتك بالكلام تشرب حاجة
سليم : لا بنتي تعيشي بش نحكي معاك فموضوع و نروح
روبين : تفضل
سليم : اممم .... بنتي تعرف بعد موت والدك .... الشركة ولات بتصرفك و لازم تبدا تمشيها
روبين : عمو سليم معينيش فالشركة انا بخدمتي و مانفهم شي فديك الخدمة انتا مشيها
سليم : باهي بنتي اما ... لازملي توكيل منك بش نجم نمشيها
روبين : باهي انتا جيب الاوراق وانا ماعليا كان نوقع
سليم مات بالفرحة : باهي تفاهمنا توا منعطلكش انا نروح
ناضت و رافقاتو لباب الكلينيك
سليم : ابقى على خير بنتي
روبين :بالسلامة
رجعت لخدمتها و هو ركب كرهبتو
عيط لمنجد : وجدلي اوراق توكيل
منجد : توكيل ؟
سليم : روبين راح تعملي توكيل بش نمشي الشركة و صكر و ديمارا ...
ابتسم بشر ..خطتو نجحت
YOU ARE READING
وجر الحب 🍒
Romanceكروونيك جديدة من تاليفي انا : اية (ايوتة😘)... اول كرونيك ليا تحت عنوان #وجر_الحب نشالله تعجبكم و تدعموني .... باش دمر مشاعركم كليا 💃💃شدو قلوبكم واحكموا انفاااسكم رح تعيشوا قصتها وتعشقوا تفاصيلها 😍😍 رح نجمعلكم فيها أسرار وغموض....أكشن 🗡..مافي...
