وجر الحب 🍒

الحلقة 23🍒

🌷#وجر_الحب 🌷
♦️الكاتبة : #ايوتة ♦️
🍒#الحلقة_23🍒
ممنوع النقل بدون اذن 🚫❌

ايمن : قتلك لا
مرام : بالاهي !!!! يخي من جدك انت اعطيني تيليفون
ايمن : قلت كلمة ومش بش نعاودها توا برا لخدمتك
مرام طلعلها الزبل
مرام : اعطينييييي تيلييييفووووونيييييييي 
جرا قفللها فمها
ايمن : هبلت انتي  تعيط في وسط لكلينيك
مرام : ممممممم....مممممممم...مممممم
و تتحرك
ايمن : يزي من تخرنينك قتلك مش بش تشوفو التيليفون
عضتلو يدو
ايمن : اححح ... مرااااااام
مرام قحرتلو وتلاحت عليه تعض كل بلاصة جات في فمها
ايمن : مرااااام .... يخي هبلللللللت
روبين فالمكتب تسمع فالعياط خرجت لقات مرام فوق ايمن و هو يعيط عليها
راحت تجري تفك فيهم كي شافوها حبسو
روبين : مرام هبلت شبيك تعض فالراجل
مرام جبدت روحها و قحرت لايمن : نحالي تيليفوني تحب نخليه
ايمن تقحيرتو كافية بش تبينلها بلي لازم تسكت
روبين : شنوة بيناتكم انتو اه 
وقفو قدامها في زوج مهربين عينيهم
نطقو مع بعض
مرام و ايمن : حتى شي
روبين : يخي صغيرة انا قدامكم تقولولي حتى شي تي من قبل دقايق كنتو بش تقتلو بعض
مرام : قلو يعطيني تيليفوني
ايمن : مش بش تاخذو
مرام :بش ناخذو
ايمن : جرب سعدك
مرام : توا تشوف وش بش نعمل
ايمن : بالاهي وش بش تعمل انتي بمخ النملة لي عندك
مرام شهقت و قحرتلو : مخ النننننممممملة !!!!!! باهي يا السي ايمن توا تشوف
روبين دور راسها من ايمن ل مرام و من مرام لايمن دوخوها
روبيين : ايييي انتو لثنين شبيكم تعملو كي الصغار
بقاو مقحرين لبعضاهم
روبين : ايمن اعطيها تيليفونها
ايمن : شنييييييية !!!!!!
مرام : ايه اعطيني تيليفوني
روبين : شنية لي بينكم حتى نحيتلها تيليفونها
ايمن : قتلك حتى شي
مرام قحرتلو
روبين : اعطيها تيليفونها مدام مبينكم حتى شي
جبد التيليفون و عطاهولها
مراام : ااااا مارسي برشا روبين و باستها
روبين : نحب بقلاوة هيا بش نروحو بش نموت لو منكلهاش
مرام و ايمن بقاو يشوفو وراها
روبين : يخي شبيكم سكتو بش نروحو والله شتهيتها برشا و بش ندفع انا باهي هكا
بقاو يشوفو وراها و عينيهم مفتوحين كانو شافو شبح ولا مدري شنية
روبين : يخي شبيكم شفتو روح ولا شنيو و دارت شهقت كي شافاتو واقف وراها بعيد عليها شوية
واقف بكل وهرة و رجولية  لابس لينات و كلشي اسود و طبعا فاستو لكوير و شعرو هابط على وجهو حبت غير تحط فيه يدها
هاز بواط في يدو مدري شنية فيها
مشا في جهتها و قلبها بدا يدق بسرعة فائقة 😂