🌷#وجر_الحب 🌷
♦️الكاتبة : #ايوتة ♦️
🍒#الحلقة_85🍒
ممنوع النقل بدون اذن 🚫❌
كمل الدوش لبس دبشو برفن و رجع عندها لشومبرة راح طبطب عليها
اوار: روبين حل لباب
فاتت دقيقة حتى تحل البا و خرجت مشافتش فيه راحت للخزانة جبدت سيرفات و هزت اديداس متاعها لي جاباتو مبارح و رجعت جيهتو و هو لي يتبع فيها لحظة بلحظة جا يهدر اما خبطت باب دوش فوجهو ... مسح على وجهو ومشا قعد فالسرير يستنى فيها تخرج و يراضيها ...
خرجت لابسة دبشو لي جات فيه كيووت علخر تبسم كي شافها .. شعرها لي طالقاتو على طولو عينيها لمنفخين من لبكا .. حس قلبو تقسم ... مشات هزت تيليفونها و ساكها و هبطت ...نفخ و هز روحو لاحقها عرفها متغششة برشا مش بش يحكي معاها توا ... نزل و هي تمشي و تتزعبل قدامو راح تهبلو ..صكر الباب و لقاها ديجا قدام الكرهبة تستنى فيه يحلها ... مشا جيهتها ..
اوار: حبي
روبين : .....
اوار: عيش حبي متتجاهلنيش
روبين : ....
اوار: روبين نحكي معاك راني عيب تتجاهلني
روبين تحل فالباب ...نفخ و مسح وجهو و حللها الكرهبة ركبت و خبطاتو فوجهو ...مشا لجيهتو ركب هو زادة و حطلها حزام الامان و بدا يسوق كل شوي يشوف فيها اما شعرها مغطي وجها .... بعد ساعة وصلو نحات الحزام و جات تهبط اما حكملها يدها ..
اوار: عيش حبي شوفي فيا
اما هي مدورة وجها حط يدو على ذقنها اما هي طلقت اه مبينة بلي توجعت
اوار: وجعتك يا روحي خلي نشوف
روبين : سيبني منحبش نهدر معاك ...
اوار العصب ركبو دورلها وجها : شنوة هدرت ##### هذي
روبين : قتلك سيبني سيبنيي
اوار كي شاف الدموع في عينيها ندم برشا علي عملو : باهي باهي يا روحي بش نسيبك توا اما سامحني عيش حبي ... قرب راح يبوس خدها اما هي دزاتو و هبطت ...
شافها كيفاه هربت منو حب يتبعها و يعنقها لين ترخف بين يديه حب يلصق فيها يوم كل حتى تسامحو اما مش بش يضغط عليها توا ...
خبط الفولون ندمان كره روحو كي دزاتو ... شعل الكرهية و حرق الكياس ..بش يخليها تسامحو ... بش تسامحو صغرونتو وترجع لحضنو ....
من جهة اخرى ...
فمقر المافيا خارج بعد ماكمل هدر مع محمود لي قالو انو فما خيط صحيح لمرة هذي .. يمشي و يخمم فروبين لي راح تقرح برشا كي تعرف انو لقى قاتل والديها ..و بش تتقرب منو اكثر .. بش يكسبها و تولي متاهو ... قطع عليه احلامو كي شافو نزل من الكرهبة بكل وهرة ذكر صباح كيف صكرت فوجهو و هي مزالها نهدر عرف انو ساقط متاع اوار لي نحالها تيليفون جا ماشي جيهتو وصل قدامو
اوار: ابعد
صقر : شنوة حركات متاعك يخي تحسب كي تنحيلها تيليفون بش تمنعني من اني نقولها
اوار: قتلك ابعد
صقر : بش نقولها فهمت اعمل لي تحبو اما هي بش تعرف
اوار : ابعد احسنلك
صقر : بش تخليك و تجي عندي فهمت بش تولي متاعي ... روبين بش ترجع متاعي
اوار العصب ركبو و عينيه ظلامو : جبتها لروحك ... و تلاح فيه يضرب و يعاول لين زرقلو وجهو و خرجلو دم من فمو و عو متاكد لي كسرلو خشمو جاو رجال فكوه عليه لي كان راح يقتلو
اوار: سيبووووني .... صاح عليهم فجعهم سيبوه .. قدم عندو و هزو من رقبتو
اوار: نسمعك نطقت اسمها مرة اخرى نكسرلك عضامك فهمت و روبين متاعي و راح تبقى متاعي مدامني حي يا ###### تحلم انو هي تكون متاعك ... طلقو طاح و جا فايت داخل للمقر ...
محمود لي سمع خرج راح لمكتبو لقاه مكسر كلشي
محمود : اوار عملت
اوار: بالاهي اخرج محمود مش قادر نحكي
محمود : شبيك ضربتو السيد كلو ازرق متعرفش انو بوليسي
اوار: بوايسي ولا ##### شمدخلني ف ####
محمود : اوار ولدي اهدى
اوار : مش قادر نهدى فهمت
محمود : باهي باهي انا بش نحكي مع صقر بش مايشكيش
اوار : يشكي ولا ##### و خرج خلاه
محمود مسح على وجهو ....
نرجعو لروبين لي فوتت اليوم لكل تشغل روحها بالخدمة حتى خدمة مرام هي لي قامت بيها روحت فالليل دخلت
هديل : روبين شبيك طولت
روبين : كان فما برشا خدمة
هديل : كنت خلي نصها لغدوة
روبين : لا عادي
هديل : باهي اطلع بدل دبشك و انزل محضرتلك الروز لي تحبو
روبين : لا منحبش بش نرقد تعبانة
هديل : باهي يا روحي ...
روبين طلعت مش فجو بش تاكل ولا تعمل شي ... فاتت عملت دوش و لبست بيجامتها و راحت تلاحت فالسرير ...
فاتو خمس دقايق و هي مغمضة عينيها حتى حست بيد تحطت على خصرها جات تصيح اما تحطت يد على فمها منعتها تعمل صوت ....
أنت تقرأ
وجر الحب 🍒
Romanceكروونيك جديدة من تاليفي انا : اية (ايوتة😘)... اول كرونيك ليا تحت عنوان #وجر_الحب نشالله تعجبكم و تدعموني .... باش دمر مشاعركم كليا 💃💃شدو قلوبكم واحكموا انفاااسكم رح تعيشوا قصتها وتعشقوا تفاصيلها 😍😍 رح نجمعلكم فيها أسرار وغموض....أكشن 🗡..مافي...
