وجر الحب 🍒

الحلقة 71🍒

🌷#وجر_الحب 🌷
♦️الكاتبة : #ايوتة ♦️
🍒#الحلقة_71🍒
ممنوع النقل بدون اذن 🚫❌

قاعد فمكتبو قرر يعيطلها توحشها برشا
روبين: حبيبي
اوار: زيد قلها مرة
روبين : حبيبي ☺️
اوار: نعشق في دين والديك يا طفلة ...
روبين : 😊😊
شافت في هديل لي غمزتها و تعمل فحركات تقلد فيها
اوار: وينك يا روحي
روبين : شي فالمول مع هديل نعملو شوبينغ
اوار: يخي شقصتها هديل هذي مش طالقاتك
روبين : توحشتني
اوار: اكثر مما تتخيلي يا روحي
روبين : اما تلاقينا لبارح
اوار: ماتلاقينا ما #### تي لصقت فيك مخلتنيش حتى نبوسك
روبين : يزي اوار عيب راهو
اوار: لعيب فالعيب يا حبي
روبين: شتعمل انتا
اوار: نتخيل فيك فحجري وانا نبوس فدوك المكرزين  توحشتهم
روبين 😳 : اييي اوار يزي عاد
اوار: حشمت حبيبتي
روبين : افف منك
اوار: بوزينها حبي الحشامة
هديل : روبين ايجا شوف هذي تجيك تفتق
اوار: ليك لصقة جات
روبين : عيب
اوار: باهي توا امشي حذا صاحبتك و متنساش متشريش حاجة معري
روبين : باهي سيدي فما طلبات اخرى
اوار: شي اشري اكا شورتات لي نحبهم لي يبينو ساقيك ليا انا كهو
روبين : افف والله ماتحشم
اوار ضحكتو لعلعت البيرو : باهي باهي سكت رد بالك على روحك حبيبتي
روبين : باهي
اوار: نحبك ...
روبين : 😳😳 امم باي ... و صكرت
يعرف لي هيا تحبو توا ليهم خمس شهر مع بعض علاقتهم تطورت اكثر و رجعت النبض لي يعيش بيه ... النفس لي يعيش بيه ... الضوء لي يفيق بيه
كلشي يجيب الفرحة فحياتو
برشا حاجات تبدلت فهاد 5 اشهر
نبداو من محمود لي كل مرة يعطي خيط مش صحيح ل صقر  خاطرو مينجمش يخسرو لاوار ...صقر لي هدفو الوحيد يلقى لي قتل والدين طفلة لي يعشقها بجنون ...ايه صقر زادة طورت مشاعرو لروبين بالرغم انو يعرف لي هيا متبادلوش شعورو اما عشقها حد الهوش يعمل كل شي فخاطرها و بش يعمل كلشي بش يخليها تحبو ..
زينب عملت حادث و توا هي فالكلينيك اوار كل ليلة يبات عندها و ساعات يقعد معاه ايهاب و بالطبيعة روبين تزورها فكل فرصة تلقاها ...
نرجعو لهديل لي توا ليها 3 شهر مع صحبتها و ناوية تزيد معاها خاطرها كيف اختها و حست روحها وحدها فالغربة فقررت تقعد حتى يقولها مخها ارجعي .. خدمتها خلتها فيدين امنة و معندها علاه تخاف  و لي زاد مخليها تبقى ايهاب لي تلاقات معاه مرتين فهاذ ثلاث شهر و فالمرتين تعاركو مخلاوش لبعضاهم اما كل واحد منهم حس برابط غريب ... نرجعو لاوار لي زادت سمعتو قوات فالمافيا بعد ماعمل مهمة حد مقدر عليها ...المهمة لي بش تخليه يوصل لوين يحب ...السر لي مخبي لي محبش يتكشف هو بش يكشفو و زيد بمعاونة ماركوس بش يوصل لهدفو اما توا فما شي شوشلو عقلو و هو المساجات لي يوصلوه من نومرو مجهول لي حاول يكشف شكون من وراه معرفش خاطرو يتبدل كل مرة ... ولي زاد وشوشو انو مش تهديدات كلهم على الثقة و الغدر ...يحس انو يحب يوصلو شي اما شنوة .... فالوقت لي كان يتسأل وصلو مساج 
👤 : بش توجعك برشا ...خاطرك لي عملتلو قدر غدرك فالظهر
هو مزالو يشوف فالميساج حتى نوقز تيليفونو
اوار: يخي شتحب انتا
👤 : متحبش تعرف الحقيقة
اوار: حقيقة شنية
👤 انتا تعرف لي نحكي عليه
اوار: لا منعرفش
👤 : عن قريب تعرف ... و صكر
اوار العصب ركبو فما شي يعرفو الشخص هذا و بش يعمل المستحيل بش يعرف هو زادة