🌷#وجر_الحب 🌷
♦️الكاتبة : #ايوتة ♦️
🍒#الحلقة_25 🍒
ممنوع النقل بدون اذن 🚫❌
روبين : شنوة صار بالضبط
اوار زير على يدو حتى ولات بيضة
لاحظتها و قالتلو
روبين : شنية اجمل ذكرى في طفولتك
اوار هز راسو شاف فيها عرفها بلي عرفت انو تقلق من الموضوع
اوار : منعرفش
روبين ضمت حواجبها مع بعض : بالاهي !!!!!
اوار : مخممتش فيها من قبل
روبين : توا خمم
اوار : باش نخمم اما .... بشرط
روبين : شرط شنية
اوار : بش تعرفيه كي يجي وقتو
روبين : هممم .... و عملت حركة متاع تخمام
باهي توا خمم و احكيلي
اوار : بش نخمم
ناضت هو حسبها راح تخرج و بش يمنعها انا راحت جابت حلوة و رجعت قعدت تشوف فيه و تاكل
اوار : يخي في سينما انتي
روبين ضحكت ... ضحكتها خلاتو يتبسم ....الثعلب لي ميتبسمش خلاص جات هاذ الصغرونة خلاتو يتبسم بلا مايفيق
روبين : متحمسة نسمع الحكاية
اوار : قلت نخمم مقلتش انو راح نحكيها
التبسيمة لي كانت في وجهها تمحات
روبين : قتلي بش نحكي
اوار : لا مقلتش
هبطت عينيها : باهي لمهم تتفكر و تفرح و كملت تاكل
شاخ عليها حب غير يعضها من خدها ( قلنا من خدها مايروحش بالكم لبعيد😏 )
اوار : شنية الذكرى تاعك
فجأة عينيها لمعو و ترسمت تبسيمة على وجها
روبين : لما خذيت حزام الكاراتي
اوار رفع حاجب : انتي !!!!!
روبين قحرتلو : شنية انا يخي ستغربت !
اوار: ايه ستغربت توا تقولي صغرونة كيفك خذات حزام الكراتي
روبين : بالاهي علاه ناقصة يد ولا رجل بش مناخذوش
قحرتلو و هو رفع حاجب و تبسم بشر
روبين : شنية تبسيمة هذي متاع .... قصت على روحها كي شلقت بلي تحكي معاه كانو مش مريض
روبين : سا....محني و هبطت راسها
اوار : بش يكون فما شرط ثاني
روبين : لا واحد كهو
اوار : كملي الحكاية سع من بعد نقررو
روبين : المباراة اللخرة كان فما طفل سمين برشا لما دخلنا للقاعة انا ضحكت عليه شبهتو للكرة و هو شلق بيا
عملنا القرعة و من سوء حظي طحت معاه عرفتها انو بش نخرج زي الورقة يقعد عليا يمسحني
اوار : ورقة حمرة
روبين قحرتلو و كملت : بدينا و هو هج عليا بقيت بجري في دائرة من لي كان هو يجري ورايا صبحت انا لي نجري وراه صوطيت عليه كي طاح مع كرشو كبيرة رجع وقف و انا طحت على وجهي
اوار ضحك : و خسرت مسكينة
روبين : مخسرتش رجعت نضت و جريت وراه و ربحت بعد ماتعذبت
اوار ت
تبسم : هاي صغرونة ظهرت بطلة روحت للدار حزام الاسود
روبين : و خشم مكسر
اوار ضحك بالصوت : كسرلك خشمك
روبين كملت تاكل فالحلوة : نحمد ربي لي جات في خشمي كهو مش عمود الفقرى
بقا يشوف فيها كل مرة تطلعلو بمفاجئة
روبين : توا دورك بش تحكي
اوار حرك راسو ب لا و ناض
ناضت معاه و و قفت قدامو
روبين : بش تخليني نموت من الفضول و هبطت راسها
رفعلها راسها ب صباعو لي حطهم تحت ذقنها
اوار : لا بش تموت بالسعادة
روبين ميلت راسها كانو تسال فيه علاه
شاف فالباطة لي جابها و هي زادة شافت فيها
روبين : شنية هادي !!!!
اوار : افتحهاو شوف
روبين : لاتكون قنبلة .... و هزتها
تفكر هو هوني علاه اما بسرعة نحى الفكرة من راسو
حلتها و عيطت
روبين : اااااااااا .... بقلاوة و تركية زادة
شافت فيه و السعادة باينة من عينيها
حطت الباطة و عنقاتو بلا متفكر
تكبس جسمو كي دخلت حضنو
شاف فيها لقاها توصل لصدرو قصيرة عليه برشا
حس بشعور جديد في حياتو محسش بيه كانو ... كانو فرحان
حرك يدو بش يحطها على راسها جبدت عليه كانو نار و حرقتها
روبين : سامحني .... مش قصدي نعنقك تحمست لما شفت البقلا.....
قص عليها كي حط يدو على شعرها الحريري
اوار : عادي متعملش منها حكاية و شاف في عينيها
حمارت كي الطماطم و حبطت راسها
روبين : مرسي برشا
اوار : رد بالك تقص شعرك
وخذا خصلة في يدو دورها على صبعو
روبين : شني....ة !!!!
اوار تبسملها و خرج
ركب موطوه و حرق الكياس خلى غير العجاج وراه
روبين ككل مرة تصمرت في بلاصتها
أنت تقرأ
وجر الحب 🍒
Romanceكروونيك جديدة من تاليفي انا : اية (ايوتة😘)... اول كرونيك ليا تحت عنوان #وجر_الحب نشالله تعجبكم و تدعموني .... باش دمر مشاعركم كليا 💃💃شدو قلوبكم واحكموا انفاااسكم رح تعيشوا قصتها وتعشقوا تفاصيلها 😍😍 رح نجمعلكم فيها أسرار وغموض....أكشن 🗡..مافي...
