وجر الحب 🍒

الحلقة 70🍒

🌷#وجر_الحب 🌷
♦️الكاتبة : #ايوتة ♦️
🍒#الحلقة_70 🍒
ممنوع النقل بدون اذن 🚫❌

عيط لروحو حتى هزت عليه
هديل : الو
ايهاب : اسمعي بش نبعثلك لادراس نتلاقاو تما
هديل : شكون نتا ؟
ايهاب : #### انا راح تهبليني انا لي ديت تيليفونك وانتي ديتي متاعي
هديل : شبيك تاكل فروحك خرا
ايهاب زبل طلعلو : ايجا برك و تشوف الخرا صح
هديل : خرا هذا ...و صكرت عليه
ايهاب : تحب تشوف لخرا بش نخرا عليها
اوار: يخي شبيك تحكي وحدك كي لمهبول
ايهاب: متزيدش عليا انتا زادة ايجا وصلني
اوار: وين
ايهاب: بش نجيب تيليفوني
اوار: باهي ايجا و احكيلي من الاول

من جهة اخرى ...
وصلت روبين و دخلت لدار لقاتها ف
الصالون
روبين جرات عنقتها
هديل : توحشتك يا كلبة
روبين : انا زادة توحشتك برشا ..اما شبيك جيتي بلا متقلي
هديل : حبيت نعملك سوربريز اما خربها نحس
روبين: شكونو نحس هذا
هديل : ايجا نحكيلك ...
و حكاتلها الحكاية لكل
روبين: و تيليفونك !
هديل : عيطلي و بش نروحو نجيبوه توا
روبين : هيا ايجا
ركبو الكرهبة و تبعو لادراس حتى وصلو قدام كافي دخلو
هديل : هاهو نحس
دارت روبين و لقاتو اوار مع حد اخر
روبين : اوار ؟
هديل : ايجا ...و كركرتها جيهة الطابلة لي كانو قاعدين فيها
اوار كان يشوف فتيليفون حتى سمع صوت هز راسو لقا طفلة و معاها روبين
هديل : خوذ تيليفونك و اعطيني متاعي
اوار : روحي؟ شتعملي هوني
هديل و ايهاب في نفس الوقت : روحي ؟؟؟ ... شافو في بعض و قحرو لبعضاهم
ناض اوار و حكم خدود روبين
روبين : شي جيت مع صحبتي تخلط تيليفونها مع هذا
اوار: حسبتك فالخدمة ...و باس خدودها روبين حشمت قدامهم
ايهاب : احم
دار عندهم
هديل : روبين ؟؟
روبين : امم اوار هذي هديل صحبتي لي حكيتلك عليها .. امم و هذا اوار يكون ..
اوار عرفها حشمت : انا حبيبها  .. و مد يدو لهديل لي بدورها صافحاتو
هديل : متشرفين
ايهاب: شنوة منبانش انا هوني
هديل :  بالحق متبانش ..
قحرلها
اوار: روحي تذكر ايهاب صاحبي لي حكيتلك عليه هذا هو
روبين: متشرفين ...و صافحو بعض
ايهاب : خوذ تيليفونك
هديل هزت تيليفونها و قحرتلو
ايهاب: مرة جاية توله لحوايجك
هديل : مش رح تكون مرة جاية  ... و قحرتلو
حكمت يد روبين و كركرتها
اوار: شبيها
ايهاب: منعرفش عليها مجنونة ..شنوة قصة حبيبتك
اوار: شتقصد
ايهاب: مش هذي لي ...
اوار: ايه هي
ايهاب : اوار تي غلطة كبيرة لي تعمل فيه شنوة راح تعمل كي تعرف
اوار: مش راح تعرف
ايهاب : شنوة لي يخليك متاكد
اوار: قتلك مش راح تعرف راح نعمل لي عليا لكل بش نخفي الحقيقة
ايهاب: كنت قادر تكون مع اي وحدة علاه هي
اوار: منعرفش اما عشقتها وتوا منجمش بلا بيها فهمت
ايهاب: راك تغلط يا صاحبي .....

روبين : هديل اوقف دقيقة
هديل : غير اسكتي انت درتي حبيب وانا لاخبر
روبين: بش نفهمك كلشي باهي

وصلو لدار حصرتها هديل بش تفهمها
روبين : اممم
هديل : احسنلك تبدا توا
روبين: اففف ... و بدات تحكيلها من نهار لول لي جا فيه و نهار البقلاوة  وكي اعترفلها و الكوخ لي هو وجر حبهم و امو و كلشي حتى لليوم ...
روبين: و اكهو
هديل : 😍😍😍 تي كل قصة الحب هاذي و محكيتيليش يا ساقطة
روبين : نسيت 😅
هديل : نسيتي ولا نساك اوار
روبين 😳 : لا من..سانيش
هديل : امم .. شنوة لي فرقبتك
روبين : شي جابهالي اوار ☺️
هديل : يا ساقطة حطيتي راجل فقبضتك تي يذوب من ابتسامة منك
روبين : لا عاد متبالغيش
هديل : تي مبالغت ما شي كلشي واضح
روبين: ايجا نبدلو قشنا و اعملينا  بسبوستك لبنينة
هديل : باهي ايجا