🌷#وجر_الحب 🌷
♦️الكاتبة : #ايوتة ♦️
🍒#الحلقة_49 🍒
ممنوع النقل بدون اذن 🚫❌
بعد اسبوع ...
قاعد فمكتبو يشوف فملف القضية ... انتحار كهل في ظروف مجهولة انا هو مش انتحار ..جريمة و توا لازم يحققو فيها ... غارق فالملف حتى جاه تيليفون
صقر : الو
محمود : شنوة يعمل بوليسي متاعنا
صقر: نخدم .. شنوة تحتاج
محمود: توتو شبيك تحكي هك وانا لي عيطلك بش نعرضك
صقر: تعرضني ؟
محمود : ايه فما حفلة غدوا
صقر: مارسي اما مش جوي لحفلات
محمود ضحك: باهي نا قلت مدامك تحب تعرف المجرم توا باي
صقر: استنى .. يعنى المجرم جاي
محمود : ايجا واعرف بنفسك
صقر : باهي بش نجي ... صكر و قعد يخمم .. يعني احتمال كبير يعرفو القاتل غدوا ..روبين بش تفرح برشا ... مبقاش برشا و يعرفو المجرم
.
.
.
.
نرجعو لابطالنا لي عاشو اسبوع مليان رومانسية ...و توا قاعدة فمكتبها تخدم حتى جاها تيليفون شافت لقاتو صقر
روبين : الو صقر
صقر: عندي ليك خبر يفرح برشا
روبين : شنوة
صقر: توا عيطلي لبوص متاع لمافيا
روبين :متقوليش لقيتوه !!
صقر : لا
روبين: شنوة مالا
صقر: فما حفلة غدوة و ممكن يحضر قاتل والديك
روبين قلبها بدا يخبط : بالح..ق
صقر: ايه توا عرفت
روبين مسحت دمعتها لي هبطت : بش نجي معاك
صقر: لا منقدرش ناخذك معايا
روبين : صقر يعيشك اديني معاك
صقر نفخ : باهي بش نفوت عليك غدوا وجدلي روحك
روبين : مرسي برشا و بش نستناك ...صكرت و هكاك و دخل اوار
اوار: تستنى شكون
روبين :شمدخلك ...و قحرتلو
اوار العصب ركبو هو لي جا يراضيها اما بش تخلاص عليه يعاركها
اوار: شنوة قتلك على لسانك اه ... مشا ليها و حط يديه على يدين الكرسي ...حصرها
روبين : لساني ونا حرة فيه
اورا : اخزرلي
دورت وجها متحبش تشوف فيه : منخزرش لكذاب كيفك
اوار نفخ حط راسو فوق راسها
اوار: سامحني يا روحي كنت مشغول مقدرتش نجي
روبين .....
جبد عليها و نوضها دورلها وجها و حكم خدودها
اوار: سامحني كي مجيتش نعرف اني وعدتك
روبين : عادي جيت ولا مجيتش ماو كيف كيف
اوار لعصب بدا يركبو : متقلقنيش
روبين نحاتلو يديه و دزاتو : اقلق ولا اقعد شمدخلني فيك
اوار مسح على وجهو : روبين خليني هادي لا نعمل شي منحبوش
روبين : شتعمل اه
قحرلها و مشا قعد فالكرسي و بجبدة جابها فحجرو
روبين : ايي سيبني عندي خدمة
اوار: ششش ... و قرصها على فخذها
روبين : اححح وجعتني
اوار: قولها مرة اخرى و توا تشوف شنعمل فيك
روبين : اففف و دورت وجها
اوار تبسم هز خصلة من شعرها ..شاف فيه لقاها عاملة ربطة عليه جاتها كيوووت شاخ في مخو تي بالحق يحسها طفلة صغيرة ...
اوار: شنوة قتلك على شعرك اه
روبين: عملتو لبارح اما انتا مجيتش
لزها ليه و باس راسها : سامحني يا روحي كانت عندي خدمة
روبين: عادي ...
اوار: بش نعوضها عليك غدوا يا روحي
روبين هزت راسها و تبسمت : بالحق😍
اوار تبسملها : ايه بالحق توا ايجا نبوس روحي شوية ...و بدا يبوس في وجها لكل و هي تضحك
روبين: اييي ..هههه.. يزي يا عيشة لبواسة
اوار: بنينة برشا شنعمل ... و عنقها
روبين : اما غدوة منقدرش
اوار: علاه
روبين : صحبتي عرضتني لحفلة معاها
اوار: همم باهي مالا نروحو توا
روبين : اما عندي خدمة
اوار: مكنتش نسقسي فيك يا روحي و قرب باسها قريب لفمها
هكاك و تفتح عليهم الباب
اصيل : روبين شوف هاذي .... و قابلو منظرهم قاعدة فحجرو
روبين جات تنوض اما اوار لزها ليه
روبين تهمس : سيبني ...اواااار
اصيل تكبس فبلاصتو
اوار: انتا قلي عندها خدمة توا
اصيل : روبين ؟؟ قحرلو اوار ... لا معندهاش و زرب خرج
اوار: هاك كملت توا قوم نروحو
روبين حمارت من الحشمة : افف علاه مخليتنيش نوض توا شنوة يقول
اوار: قاعد مع حبيبتي عيب
روبين زادت حمارت كثر : مشني حبيبتك
اوار: اممم و قرب باسها من نفس بلاصة لي قريبة لشفافها روبين دزاتو و مسحت البوسة
اوار زاد باسها و لزها ليه و حكى في وذنها خلاها تقشعر : زيد امسحها تشوف شنعمل فاذوكا شفاف
😳روبين : مسخ
اوار ضحك و هزلها صاكها و حط يدو في يدها و خرج بنظرة البرود مالية وجها اما روبين من جهة لاخرى حمرة طماطمة جاب ربي اوار طويل غطاها شوي
STAI LEGGENDO
وجر الحب 🍒
Storie d'amoreكروونيك جديدة من تاليفي انا : اية (ايوتة😘)... اول كرونيك ليا تحت عنوان #وجر_الحب نشالله تعجبكم و تدعموني .... باش دمر مشاعركم كليا 💃💃شدو قلوبكم واحكموا انفاااسكم رح تعيشوا قصتها وتعشقوا تفاصيلها 😍😍 رح نجمعلكم فيها أسرار وغموض....أكشن 🗡..مافي...
