🌷#وجر_الحب 🌷
♦️الكاتبة : #ايوتة ♦️
🍒#الحلقة_50 🍒
ممنوع النقل بدون اذن 🚫❌
مرام تضحك على روبين حتى جا بحذاها اصيل
مرام : شبيك لي يقول شفت روح جدك
اصيل : تي الوحش هذا حبيبها ؟
مرام : قصدك البقلاوة
اصيل : وين تشوف فالبقلاوة تي يخلع كلو وشم
مرام : انتا لي تخلع
اصيل قحرلها : بالاهي مشفتش روحك
مرام : ابعدني يا سامط
ايمن : شنوة تعملو هوني
اصيل : اي غارقة في حبيب روبين
ايمن دار لمرام قحرلها
مرام :كذااب ديجا مشنو حبيبها
اصيل :تي شفتو فالمكتب قاعدة فحجرو
مرام : شنيية 😍 احلف
اصيل : والله كانت في حجرو
ايمن : يخي شمدخلكم فيها طيرو كل واحد لخدمتو
مرام : بففف طير انت لي ماتعمل شي ..ايجا اصيل نروحو ...راحو و خلاو ايمن يغلي و يتحلف في مرام
ايمن : اصبر عليا يا مرام بش نوريك
.
.
.
.
روبين : وين رايحين
اوار : ..... ساكت و ياكل فحلوة تاعها
روبين : بش نبقى ناكلك راسك حتى تقولي
اوار تبسم تبسيمة خبيثة : اما انا نحبك تاكلي حاجة اخرى
روبين : متحشمش 😳
اوار ضحكتو لعلعت الكرهبة : نقصد الحلوة يا منحرفة
روبين : يزي من لبلادة و قلي وين رايحين
اوار: باهي .. بش نديك عند شخص عزيز عليا برشا
روبين : باهي 😍
اوار تبسم بخبث : تاكل
روبين : كول وحدك 😒
اوار: ميصلحش لازم انتا لي تاكل
روبين : متحشمش
كملو يتناقرو فطريق و يتمسخرو حتى وصلو ل
لدار كلها كحلة من برا تخطف الانظار
نزل و نزلت معاه
روبين: دار شكون هذي
اوار: داري يا روحي
روبين : ايي اوار علاه كلها كحلة هك
اوار: ششش وش تهدر يا كرزة
روبين قحرتلو
مشات هي و ياه للباب حلو و دخلت
حتى من داخل كلها كحلة من غير شوي حوايج لي فيهم الوان
روبين: افف دار لميتين
اوار: عيب راك ضيفة ميجيش تعكي على دار ناس
روبين : شنوة نكذب تخليهالي ليا يوم توا تشوف كيفاه تولي 😎
اوار: ماو راح ديري ديكور دارنا
روبين حشمت كي قالها دارنا و حست فراشات في كرشها
كان راح يبوسها اما قص عليهم صوت
زينب : رورو ولدي جيت
اوار: جيت يا لغالية
جات وقفت قدامهم .. مرا كبيرة فالستين اما الله يبارك ميبانش عليها شعرها ابيض لكل زينة محلاها بعينيها الخضر تي تفتق لعزوزة
زينب : هاذي هي
اوار شاف في روبين و تبسم : ايه هي
زينب : ايجا عزيزتي نعنقك
عنقتها و روبين عجبها لحال حضنها دافي زي حضن الام
زينب : بالحق تهبل زي ماوصفتها ... انا زينب يا بنتي امو لهذ الفصعون
روبين حشمت : عيشك مدام زينب انا روبين
زينب : شنوة مدام هذي قلي امي زينب اكهو
زادت حشمتها : باهي ...
زينب : توا ايجو محظرتلكم فطور
مشات للكوزينة
روبين دارت عند اوار لي ديجا يشوف فيها و يتبسم و هي تبسمت بخبث
روبين : رورو
اوار قحرلها : زيد انطقو و تشوف
روبين : راحت هيبتك يا ...رورو
اوار: ايجا نعتلك
روبين : اييي ... و هربت تبعت زينت و هو وراها
أنت تقرأ
وجر الحب 🍒
Romanceكروونيك جديدة من تاليفي انا : اية (ايوتة😘)... اول كرونيك ليا تحت عنوان #وجر_الحب نشالله تعجبكم و تدعموني .... باش دمر مشاعركم كليا 💃💃شدو قلوبكم واحكموا انفاااسكم رح تعيشوا قصتها وتعشقوا تفاصيلها 😍😍 رح نجمعلكم فيها أسرار وغموض....أكشن 🗡..مافي...
