🌷#وجر_الحب 🌷
♦️الكاتبة : #ايوتة ♦️
🍒#الحلقة_55🍒
ممنوع النقل بدون اذن 🚫❌
خطيبة صقر ....
شاف فالتيليفون لي فيدو خبطو تفتت لطراف صغار .. ايهاب لي كان يتفرج فجعو الصوت دار لقاه كلو احمر و عروق رقبتو تكبسو ... لعصب راكبو و الدم تفور داخلو
ايهاب : شبيك .. شقالك محمود
اوار: اااااااااا
ايهاب : شبيه ### قلي شقالك
اوار : قالي مش لازم تقتلها
ايهاب: شنية !!.. اما مش هذا لي كنت تحبو
اوار: تعرف ##### علاه قالي مش لازم اه
و شاف فالطابلة هبط لي عليها لكل تكسر
ايهاب: تهدن يا صاحبي
اوار: كيفاه تحبني نتهدن و هو قالي ...
ايهاب : انطق شقالك
اوار: قلي لي هي خطيبة البوليسي لي معانا
ايهاب: شنية !!!
اوار: خطييييبتو اااااااااا و كسر المراية لي على جنبو حتى تحلت يدو
ايهاب: اصبر شبيك بالاك فهمت بالغالط
اوار: ورحمة لي جابتني اذا عرفت بلي راحت معاه ندفنها و هي حية
و مشا هز تيليفونو و خرج ركب كرهبتو
و ايهاب يعيط عليه من وراه مشا ركب كرهبتو هو زادة يعرف انو ثعلب خلاص بش يحرق لي قدامو ولي وراه لكل .....
.
.
.
فالحفلة قاعدين مع زوج رجال مافيا .. صقر يحكي معاهم و يجمع فالمعلومات لكل لي يحتاجها .. و هوما يحكيو على الجرايم و المجرمين عرف برشا حقائق و برشا مجرمين زادة لي حفظهم ديجا بش من غدوة يلقى نصهم بسهولة (دماغ شغالة مش بتنام 😂) اما روبين ملت برشا
روبين: صقر
صقر دار عندها تفقدها لاتكون صراتلها حاجة : شنية ! شبيك لاباس؟
روبين: مليت و حابة نروح
صقر : باهي توا نروحو
صقر ودع رجال لي كان يحكي معاهم و كروشاها و مشاو خارجين اما عارضهم محمود فالطريق
محمود: شنوة ياعصافير الحب مروحين
صقر : ايه روبين تعبت و بش نروحها
محمود : باهي اما بش نستناكم مرة اخرى و زادة انا تشرفت بمعرفت قمر كيفك
روبين حمارت : يعيشك و انا زادة
محمود :نتمنى يكون صقر متهلي فيك لانك كعبة وحدة و حلم كل راجل بالحق
روبين حمارت كثر من الحشمة
صقر شاف فيها بنظرة حب : هي حلمي الوحيد
روبين شافت فيه و هو شلق على قالو و رجع شاف فمحمود : بش نروحو توا ليلتك زينة
محمود : وانتو زادة
خرجو و خلاوه يخمم كان بش يقتلها و يخسر الراجل لي تعب بش كسبو معاه
الحياة بالحق مليانة مفاجئات .....
الطريق لكل و هي ساكتة حتى وصلو لدارها و تشوف في زوج كراهب كحل قدام الباب ... مزية صقر حبس قدامهم
صقر: اتهني بش يوثق فيا توا و بسهولة نلقاو المجرم
روبين: نشالله
صقر شاف فيها بحب كبير : ليلتك زينة يا قمر
روبين: افف تي فكرتني فيه محمود اذاكا يشبه ريتشارد اب غامبول
ضحك صقر بصوت : بالحق يشبهلو هذاك الارنب الغوز السمين ؟
روبين: ايه هو
و ضحكو لزوج و كل هذا تحت عينين الثعلب لي نارو تغلي و عينيه ظلامو
روبين: بش نروح انا ليلتك زينة
صقر : وانت زادة
نزلت و هو ديمارا تمشي بخطرات ثابتة كي عارضة الازياء اما فلحظة فقدت توازنها لانو فما حد جبدها من زندها و تخبطت في شي صلب طلعت راسها لقاتو اوار عينيه لي حمر كي الجمر و عروق جبينو لي بارزين
اوار: روحت الالة شبيك مطولتش مع خطيبك
تفجعت حلت عينيها على وسعم و نطقت تعلثم فالهدرة
روبين: ئ ئ ئ ...
اوار: و رحمت لي جابتني تكذب عليا بش ندفنك هوني تسممممع فياااا
صاح عليها و فجعها
ايهاب جا يفك : اوار تهدن الطفلة خايفة
اوار: ابعدددد .... ما دخلش روحك ... و قحرلو
روبين: اوار 🥺سيبني ...
زير على زندها لي ديجا حمار و يكر فيها لكرهبتو
روبين: سيبننني وجعتني
اوار : حسك ما نحبش نسمعو .. و قحرلها تقحيرة الموت خلاتها تسكت مرة وحدة الخوف ملاها ...
ركبها فالكرهبة و ركب حتا هو .. و حرق الكياس مخلي وراه غير لعجاج ....
YOU ARE READING
وجر الحب 🍒
Romanceكروونيك جديدة من تاليفي انا : اية (ايوتة😘)... اول كرونيك ليا تحت عنوان #وجر_الحب نشالله تعجبكم و تدعموني .... باش دمر مشاعركم كليا 💃💃شدو قلوبكم واحكموا انفاااسكم رح تعيشوا قصتها وتعشقوا تفاصيلها 😍😍 رح نجمعلكم فيها أسرار وغموض....أكشن 🗡..مافي...
