Unicode
ရိပေါ်အဝတ်လဲပြီးထွက်လာတော့ အဖွဲ့သားတွေက ညစာစားပွဲကျင်းပတဲ့နေရာကိုသွားနှင့်ပြီမို့ ရိပေါ်နဲ့ရှောင်ကျန့် လော့ထန်းကောထားပေးခဲ့သောကားနဲ့ပဲ ဟိုတယ်သို့ထွက်လာခဲ့လိုက်သည်။
ရှောင်ကျန့်စိတ်မဆိုးပေမဲ့ ရိပေါ်ကိုအပြစ်ပေးချင်တာကြောင့် ခုထိ မျက်နှာတည်တည်နဲ့စကားကိုမေးမှဖြေ အပိုလိုမရှိပဲပြောသည်......
ဟိုတယ်ရောက်တော့.. အဖွဲ့သားတွေအကုန်ရှန်ပိန်ဖောက်ကာ......
"ဝေး...ဟေးဟေး.... congratulations ဝမ်ရိပေါ်"
လုလုကထလာကာ ရိပေါ်နဲ့ရှောင်ကျန့်လက်ကိုလာဆွဲပြီး...
"လာကောကောတို့ ဒီမှာထိုင်"
မသိရင် သတို့သား သတို့သမီးနေရာချတာကျနေတာပဲ သူတို့နေရာကအလျားလိုက်စားပွဲအရှည်ကြီးထိပ်ကခုံ၂ခုံမှာ...
ရိပေါ် ညာဘက်မှာလော့ထန်းကထိုင်ပြီး ရှောင်ကျန့်ဘယ်ဘက်မှာ လုလု လင်းယီ ရှီကော အဖွဲ့သားတွေသူ့နေရာနဲ့သူအစီရီထိုင်ကာ ပျော်ပျော်ပါးပါးစားကြသောက်ကြသည်။
ရိပေါ်ကစားရင်းသောက်ရင်း ရှောင်ကျန့်ဘက်ကိုယ်ကိုစောင်းထိုင်လိုက်သည်။ ဒါကိုမသိချင်ယောင်ဆောင်ကာ ရှောင်ကျန့်က လုလုဘက်အနည်းငယ်ထပ်စောင်းထိုင်လိုက်သည်မို့ ရိပေါ်နဲ့လူချင်းနဲနဲကွာသွားတော့သည်။
ရှောင်ကျန့်ကြည့်လိုက်တော့ ရိပေါ်မျက်နှာငယ်လေးလုပ်ပြီး ပြန်ကြည့်နေသည်မို့ အရှေ့ကျဝိုင်ခွက်ကိုသာယူသောက်ရင်း မျက်နှာလွှဲလိုက်သည်။
သူပျော့လို့မရဘူး ခွေးပေါက်လေးမှတ်သားလောက်အောင် အပြစ်ပေးရမယ်......
*ဟင့်.. ကောအရမ်းစိတ်ဆိုးသွားတယ်ထင်တယ် စကားတော့ပြန်ပြောပါရဲ့ စားမလားဆို အင်း သောက်ဉီးမလားဆို အင်း ဒါလေးစားကြည့်ဆို အင်း... မသိရင်ရာဇဝင်ကားထဲက လန်ကျန့်လိုလို ဘာလိုလိုနဲ့*
ရှောင်ကျန့် ရိပေါ်ကိုမသိမသာခိုးကြည့်လိုက်တော့ မျက်နှာကိုရှုံ့လိုက် မဲ့လိုက် ရွဲ့လိုက်နဲ့ ဘာတွေတွေးပြီး ဘာတွေဖြစ်နေမှန်းမသိတဲ့သူကလေးကြောင့် ကြိတ်ရယ်နေမိသည်။
