လူသားသစ်စာ Translation Book 4 ( 401 - 500)

chapter 415 (z)

ဆရာကြီးဖူကျိ မကူညီချင်လျှင် သူက ဆရာကြီးဖူကျိကို ဆက်မတောင်းဆိုတော့ပေ။  အကြောင်းမှာ သူက ထိုတိုက်သင်္ဘောကို ပြီးစီးရန် ဆရာကြီးဖူကျိ မရှိဘဲ အပြီးမသတ်နိုင်ကြောင်း မယုံကြည်၍ ဖြစ်သည်။

ဆရာကြီးဖူကျိက အသက်ပြင်းပြင်းရှုရှိုက်ကာ မိုဝူကျီဆီ လက်စွပ် ပြန်ပေးလိုက်ရင်း

“ တာအိုရောင်းရင်းမို .... ခင်ဗျားက ထူးခြားမှန်း ကျုပ် သိတယ်။ ကျုပ်က ကူညီပေးမယ်. အင်မော်တယ်တပိုင်းနယ်ပယ်ကနေလည်း ခင်ဗျားနဲ့ အတူတူ ထွက်သွားပေးမယ်။ ဒါပေမဲ့ ကျုပ်မှာ တောင်းဆိုချက် တစ်ခု ရှိတယ် ”

မိုဝူကျီက သိုလှောင်လက်စွပ်ကို သိမ်းထားရင်း လက်နှစ်ဖက်ဆုပ်ကာ  “ ဆရာကြီးဖူကျိ ဘာပဲ တောင်းဆို  တောင်းဆို ကျုပ် လုပ်ပေးနိုင်တာဆိုရင်  သဘောတူပါတယ်”

ဆရာကြီးဖူကျိက လက်ခါပြကာ  “ ကျုပ်တို့တွေ ဒီနေရာက ထွက်သွားပြီးမှ တောင်းဆိုချက်ကို ပြောတာပေါ့။ ဘယ်အချိန် ထွက်သွားကြမလဲ ”

မိုဝူကျီ၏ တိုက်သင်္ဘောကို မြင်ပြီးနောက် ဆရာကြီးဖူကျိမှာ မိုဝူကျီထက် ပို၍ စိုးရိမ်နေဟန် ရှိသည်။

“ ကျုပ်က စိတ်စွမ်းအင် ကျောက်ချောနဲ့ သွားလဲလိုက်ဦးမယ်။ ပြီးတာနဲ့ ဒီကနေ ထွက်သွားကြမယ် ” မိုဝူကျီက အင်မော်တယ်တပိုင်းနယ်ပယ်သို့ ပြန်မလာခင် မြေကမ္ဘာအင်မော်တယ်အဖြစ် တက်လှမ်းရန် ဆုံးဖြတ်ထားသည်။ ထို့ကြောင့် စိတ်စွမ်းအင် ကျောက်ချောများက လိုအပ်နေခြင်း ဖြစ်သည်။

ဆရာကြီးဖူကျိက ခဏတာတွေဝေနေပြီးနောက် “ ကျုပ်မှာလည်း စိတ်စွမ်းအင် ကျောက်ချော ရာကျော်ရှိသေးတယ်။ ဒါနဲ့ လုံလောက်တယ်ဆိုရင် ခင်ဗျား မသွားပါ့နဲ့လား ”

ဆရာကြီးဖူကျိက အမှန်ပင် ပန်းပဲပညာရှင် တစ်ယောက် ဖြစ်ရာ သူ့ချမ်းသာမှုက များပြားလှပေသည်။ အင်မော်တယ်တပိုင်းနယ်ပယ်တွင် သွားလာနေကြသော ပါရမီရှင်များမှာ စိတ်စွမ်းအင် ကျောက်ချော ဆယ်ချီခန့်သာ ရှိတတ်ကြောင်း သိထားသင့်သည်။ ထို ပါရမီရှင်များက သူတို့ကျင့်ကြံခြင်းအတွက် ကျန်ရှိနေသော စိတ်စွမ်းအင် ကျောက်ချောများကို အသုံးပြုထားသော်လည်း ဆရာကြီးဖူကျိမှာ အားလုံးအနက် ချမ်းသာသည်ဟု ယူဆ၍ ရသေးလေသည်။