عيون النار داعش

البارت العشرين

🍃⚘🍃رواية عيون النار🍃⚘🍃
⚘الحلقة -٢٠-⚘

⚘"الكاتبة: فاطمة علي"⚘
..🍃رأيكم🍃..

فرحــة الميت تــزوره
ويــا فــرگــتك ..
بــيــه عــتــگــت ..
مــن رحــت ..
لــ الــيــوم واڰــف جــنــي صوره ....
......................................

ماردين : اخوك ...
ماجد : اي ، اخوي ...

ماردين : زاد بالبجي ، كعد كدامي ، وايدو ترجف ...
ماجد : بهاي ايدي شلت راسو ....

ماردين : بس كافي لاتكمل ...
ماجد : بعدو صغير ، ماشايف من عمرو شي ، شجاااابو لهين ....

ماردين : الله يساعد قلبك ، رجع خلا راسو على جتفي ويشهك بالبجي ...

ماجد : شلون اجه لهين ، ولكمممم انه بعدني مااااطالع من مصااااب فااااطمة ، يجي حمزززززة ، ااااااا ياااابه شلووون تركتوووو ، وينكممم عنووو ....

ماردين : حضنتو وابجي ويا ، اول مرة ادحكو هيج مكسور ، وهلكد بجى ، اخر شي سكت ، مسح دموعو ، ووكف بالگوه ، اساعدك ....

ماجد : هزيت براسي بمعنى لا ، تسندت عل حايط ومشيت ، هلكد جنت مخنگو وقلبي يأذيني ، مالي حيل اعدل ظهري ، وكفت وتوضيت ....

.... دحكت وجهي ، انه مو ماجد ، هذا مو انه ، مو انه الادحك حرمتي يجتلوها جدام عيني واسكت ، ولا ماجد اليدحك اخو ينذبح جدامو ، ويروح يشيل راسو ، هذا مو انه ، اخذت نفس ....

.... تجهت للمصلاية طلعت تربتي وكفت اصلي ،
كملت صلا وكمت اردد زيارة عاشوراء ،
يامولاي ياابا عبد الله شلون دحكت اخوك مدد بطولو مكطع جدام عينك وصبرت هسه عرفت شنو معنى كلمتك من كلت الان انكسر ظهري ، اثاري فراگ الاخو يكسر الظهر من صدك ...

ماردين : ادحك بي يبجي ويردد ويسولف ويا احد ، دحكت محد كدامو ، سجد وهو يردد....

ماجد : الشكر لله ، الشكر لله ...
ماردين : كمل صلاتو وكعد يسبح ، خليت ايدي على جتافو ، ها هسه ارتاحيت شوي ...

ماجد : اي ، بس نار قلبي موجرة موووجرة ، الا اخليهم ماينامون الليل ....
ماردين : فهمني انت شنو ومنو ماجد ...

مجاهد : كلشي تعرفينو بوكتو ، هسع روحي نامي ....
ماردين : ماانام اذا مااطمن عليك ، مسكت ايدو ...

مجاهد : انه زين ...
ماردين : انت تعبان ، كوم نام
، ادحك وجهك انطعن ، وعيونك ورمن من البجي ، كوم نام دحكني وعيونو متروسه دموع ....

مجاهد : انام ، هه ، شلون انام ودم اخوي بعدو على الارض ...
ماردين : شجاب اخوك لهين ...
مجاهد : هزيت براسي ، مادري ....

.......... قبل شهر

معتز : حمزة اكعد راحه ماناخذك ويانه الاي حرب ، اخوك يزعل علينه ، ضل هنا بالخلفيات ...