🍃⚘🍃رواية عيون النار🍃⚘🍃
داعش
⚘الحلقة -١٢-⚘⚘"الكاتبة: فاطمة علي"⚘
..🍃رأيكم🍃..يــا غـربتـي منــين آجــيـك
والگــه بيــك
المـا لگيـته بعمـُري كلــه...........................
علي : اتصلو عليه بغداد ، نزلت من دوامي ، والتقيت بقائدي ، احد قادة الاستخبارات ، امرك سيدي ...
القائد : عدنه مهمه جديدة الك ، اكو شخص شاكين بي يمول دا١عش الارهـ.ـابي ،من داخل بغداد ،هذا الشخص عنده ملهى ليلي في منطقة ....... ، تكدر تدخل وتستلم هاي المهمه ...
علي : سيدي اكدر ، بس والحرب ...؟
القائد : الحرب مستمرة ، لازم احنه نضف الي داخل بغداد حتى نسيطر على باقي المحافظات ....علي : اني يعرفوني هواي ناس هناك واكيد راح يستقبلوني ....
القائد : راح نرجع الك اسم اشرف ، بس هلمرة راح تدخل بهدوم تعبانه ، ولازم قبل لتدخل بينهم تكون متأكد محد مراقبك ...
علي : امرك سيدي ، انطاني احداثيات المكان ، وطلعو مأجريلي بفندق ، طلعت ضايج لان ماريد اترك الحرب واتجه وارجع الهيج شغل بالاخص بعد زواجي من سكينة ....
... وصلت للفندق جان بين افرع وحيل تعبان ، مخليلي ملابس تعبانه على الجرباية ، اجتني رسالة ...
... ( لتنسى انت اسمك اشرف واتصرف بشخصية اشرف ) ....
علي : استغفر الله ، هسه انتو وكتكم ، لبست الهدوم ، ونزلت واتجهت لمكان الملهى اليلي ، لزموني الحرس الي بالباب ، طلعت جنسيتي ، اني اشرف والمدير يعرفني ، شالوني من القميص واخذوني ورى المبنى ...
.... ضليت كاعد بالكاع ، واحد فوگ راسي ، اجه المدير گبل كمتله ، شلون استاذ ماهر ، اني اشرف اتذكرتني جنت اشتغل ويا استاذ وليد بس تعرف لزمو الشرطه واني انهزمت وهسه ماعندي شغل ...
ماهر : انت رجل امين ، واني محتاج هيج شخص وياي ، وليد جان دائما يدزك على الكبار ، وجنت اتمنى عندي واحد مثلك ...
علي : شكرا استاذ ، يعني راح تكدر تخليني اشتغل ...
ماهر : اي ومن اليوم ، تعال وراي ...علي : دخلت ورى لعبانه نفسي شلون راح اصبر وهل سالفه مو سهله يحتاجلها فترة يله اخلص منها ،
دخلت ورى للمكتب ، طلع صفطه مال فلوس وخلاهن كدامي ...ماهر : اخذهن واشتري بيهن ملابس جديده ، عندك بيت ساكن بي ...؟
علي : عندي بس بعته ورى مااخذو استاذ وليدي للسجن خفت لا يوصلون اليه ...
YOU ARE READING
عيون النار داعش
Mystery / Thriller#قصة حب و رعب وحرب و تضحية ماردين & سكينة&اسيل&ملاك&منسا&خديجة&حنين&ورود متابعه ممتعه .... الكاتبة:- فاطمة علي⚘🌷⚘