عيون النار داعش

البارت السادس والخمسون

🍃⚘🍃رواية عيون النار🍃⚘🍃
داعش
⚘الحلقة -٥٥-⚘

⚘"الكاتبة: فاطمة علي"⚘
..🍃رأيكم+لايك🍃..

علي :
ڪلشي يلچمني
مَن أريدك
الرسَايل والشّوارع
والغِنى
وعَيون غيرك
حِتىٰ بيبان
المدّينة
الباقِية بحسّرة
بَريدك..♥️

موسيقى البارت خاصه ....❤️

...............................

علي : كملنا صلا ، هستونا خلينا العشه ، جان طماطه وبيض وكل واحد خبزه بيده ، وكلاص سفري جاي ، فات علينا المهندس ، كلنا كمنه نسلم عليه ....

الحاج المهندس : اعتذر قطعتكم عن الاكل ، تفضلو اكعدوا خل اشاركم ...
ماجد : حجي هذا مو واجبك ...

الحاج المهندس : ابني احنه بحرب ، وهذا خير من الله ، بما ان اكثر من محور هنا مجتمعين ، اولا احييكم على هاي جمعتكم ، القائد آصف ، وباقي قادة فصائل الحشد المقاومه ....

آصف : تسلم حجي ، تربيتكم ....
ماجد : حجي نتعلم منكم غير ...
الحاج المهندس : اجيت حتى اخبركم ان تم الانسحاب من هذه المنطقه والتوجه الى منطقة الفلوجه ....

علي : باوعت عليه ، اي حجي وشوكت نروح للفلوجه ...؟
ماجد : بس ليش ننسحب ، من هذا المحور ...

الحاج المهندس : الامريكان دخلو لهذا المحور ، همه مينزلون مثلنا حرب ، يدزون كم طائرة تقصف وترجع ....

محمد : لعد شنو التغير احنه دائماً ندخل ، ويانا لازم طيران عسكري امريكي او ايراني او روسي ....

الحاج : الصراحه ياولدي ، اني ماكدر اضم عليكم اكثر ، العملية الي فقدنا بيها الشهيد القائد هادي وثله من خيرة شبابنا  رحمة الله على روحهم ، تمت بقصف امريكي ....

محمد : استهضمت وكعدت على ركباتي ، حجي وليش قصفونا شنو همه ميعرفونا مثلاً ، وانتو مستنكرتوا ...

الحاج المهندس : استنكرت ورفعت دعوة على الي قصف المكان ، لكن تم الطعن واغلاق القضية ، لان اعتبروها ضربه دفاعية ، وهمه مو قصدهم يقصفون محوركم ....

ماجد : هاي كلاواتهم ابد ميبطلون منها ...
آصف : احدث الطائرات عدهم ويكدرون يعرفون هذا العدو وهذا الصديق حتى لو بنصهم ، بس همه رادو يكسرونا بأي شكل ....

محمد : منين نتلكها من داعش ، لو من الامريكان ...

ماجد : اكلك رحمه لوالديك ، هو مو اوباما طلع وصرح وكال داعش صنيعه اميركية ، شبيك خوية ، همه سوى ترى ، واني بهاي عيوني شفتهم شلون ينزلون بطياراتهم ينطون امدادات للدواعش اقسم بالله بيدي هاي شلت السلاح الامريكي الي يحاربونه بي الدواعش ....