عيون النار داعش

بارت هدية والاخيررررر❤️

🍃⚘🍃رواية عيون النار🍃⚘🍃
داعش
⚘-هدية-⚘

⚘"الكاتبة: فاطمة علي"⚘
..🍃رأيكم+لايك🍃..

ليلي يخلص
بالچگاير
بالشعر
بدموعي ذني ..
ليلي يخلص بالاغاني
اليوجعني ..

.........................

سكينة : كاعده بالفندق ، اكلب بالتلفون ، دخلت للواتساب ، شفت ناني ناشرة ستوري دخلت ، واشوفها هي وعلي يمشون لازم ايدها وهي ممطلعه وجهه ، بصفهم رضاوي ونرجوسه بيدها ، دمعت عيوني وحيل انقهرت ....

... سديت التلفون دنكت وغمضت عيني ، ماريد ابجي ، اخذت نفس وشمرت التلفون على الجرباية وطلعت بالبلكونه ، اخذ نفس قوي اريد اتنفس لزمت ركبتي ومسحت عليها ، باوعت ايدي اليسرى ترجف ، لزمتها حيل وكعدت بالكاع ...

... ماحسيت الا ايد تتلمس راسي رفعت عيني واشوف عبوسي ، ها ماما ها حبيبي شتريد ...
عبوسي : لتبجين ..
سكينة : لا حبيبي ماابجي شلون ابجي ، سحبته الحضني وكعدته ...

عبوسي : شوكت نشوف بابا ...؟
سكينة : يمكن نرجع الايران واحنه مشايفي ..
عبوسي : ماما ، بس اني اريد اشوف رضاوي ونرجوسه وخاله ناني ...

سكينة : دنگ وهو عيونه مدمعات ، رفعت وجهه باوعلي ليش تريد تبجي ؟!
عبوسي : اريد بابا ..
سكينة : باوعتله بحزن وعيوني دمعت ، يعني متحبوني كلكم تردون بابا ...

عبوسي : لالا ، اني احبج واحب بابا ، خل نروحلهم كلنا ، ونكعد سوى ...
سكينة : تريد تشوف بابا مشتاقله ؟
عبوسي : اي ...
سكينة : اول شي نروح البابا الاول ، وبعدها نخابر بابا الثاني ماشي ..

عبوسي : راح نروح يم بابا رافد ..
سكينة : اي نزوره ، ونخابر بابا علي ماشي ..
عبوسي : مجذبين عليه ...؟
سكينة : ليش فد يوم مجذبه عليك ؟
عبوسي : اي كلتي اول منجي لهنا نخابر بابا علي ومخابرتي ولا كلتيله احنه هنا حتى من شفنا بالامام مقبلتي نروح يمه واخذتينه ورجعتينا لهنا ...

سكينة : باوعت بوجهه ، وضحكت ، ولك انت صاير لسان ، ذكرتني بأبوك رافد لسان يمه لسااان ، ابتسمت واخذت نفس ، تعرف انت ماخذ من علي ورافد ، باوع عليه وضحك ، تشبه ابوك رافد حتى نظراته ،بس صاير مزيج من علي ورافد ماكدر على لسانك ، حضني حيل وباسني بخدي ...

... ثاني يوم رحنه للامام زرنا اخذت صور وكتبت جنة الله على ارضه الحمد لله الذي رزقنا زيارة مولاي الامام الحسين واخيه ابا الفضل العباس عليه السلام...

... نشرتها حاله واتساب ، اخذت نفس وكبل سديت النت وخليت التلفون طيران ، اعرف بس يشوفها راح يضل يتصل ، ياربي القرار الي اتخذته مااتندم عليه ...

... دفعت العربانه البيها فضه وعبوسي يمشي بصفي ، اخذت تكسي ورحنه للمقبرة ، وصلنا ونزلنا ، تمشيت لقبر رافد ، باوعت وكفت كدام القبر ، برطمت وكعدت بصف القبر انتجيت على القبر ، اجه عبوسي وكعد كدام القبر ....