عيون النار داعش

البارت الرابع والخمسين

🍃⚘🍃رواية عيون النار🍃⚘🍃
داعش
⚘الحلقة -٥٤-⚘

⚘"الكاتبة: فاطمة علي"⚘
..🍃رأيكم+لايك🍃..

بَعد ياعين تبچيلك
وياديره ترحِب بيك
وانتَ الكاتل دخيلك؟

....................................

زهراء : حسيت روحي راح تطلع ،وهو يحاول يعتدي عليه ،انتهيت من البجي والعياط ، بحيث صوتي انبح ، كام بلعومي يجرحني ، نزل على بنطروني ويريد يسحبه تخبلت ....

.... لاااا لــتــســووي هــيـج بــســتــر خــــواتـــك ، الـحـســيــن عـلــيـك لــتـســوي هــيــج ولــك مــتــخـاف من جدي العباس يهطرك ، دخـــيــلـــتك يــــاجــــدي ....

.... مااشوف الا واحد هجم عليهم ورمى طلقات فوك روسهم حرك الجو حرك ، غمضت عيني واني اعيط بعلو صوتي ...

..... ااااااا، ماااجد وينك ، ياااابه وينكم، ساااعدونييي ،ااااااا ...

............................ قبل ساعه ونص ........

حيدر : من طلعت وصلت للشارع العام ، شفت سيارة الخط مال زهراء رايحه اتجاه الكلية ، فريت السيارة ورجعت ورى الحجي ، ضل واكف تقريباً خمس دقايق ، باوعت شفت هذني البنات الي اشوفهن يوكفن ويازهراء طلعن بس الخط مالتهن ماكو ....

.... نزلت من السيارة ،ورحت اتجاه الحجي ، السلام عليكم حجي ...
السايق : عليكم السللم يابه ...
حيدر : محتاج شي ، اني الملازم حيدر ....
السايق : لا يابه منتظر بنيتي تطلع ...

حيدر : باوعت لهذني البنات واكفت على صفحه ويخابرن ، دخلت للكلية وكفوني الامن بالباب ، انطيتهم الباج مالتي گبل خلوني ادخل ، شنو كلها طلعت ...

الحارس : مبقى احد من نص ساعه كلها طلعت ...
حيدر : كمت ارجف  ، رجعت اركض ، عمي انت متأكد البنية بعدها بالكلية ...

السايق : اي عمي حتى عاي رسالتها قبل نص ساعه ، واني تأخرت لان طك تاير السيارة ورحت اصلحه ...
حيدر : باوعت البنات جاي يصعدن ، ركضت عليهن واستعرضت السيارة ، واشرت لابو التكسي يطفي السيارة ،فتحت الباب ...

.... وين زهراء ؟ وحده باوعت بوجه الثانية ...
اثار : منو زهراء ، منعرف وحده بهذا االاسم ...
حيدر : سحبت سلاحي ، انزلي كدامي ، بسرعه انزلن ، اخذتهن للكلية ، خليتهن يم الحارس ، وخبصت الكلية خبص ...

.... اتصلت بآصف ، سيدي بسرعه تعال لجامعة بغداد ، عدنا حالة خطف ، زهراء يمكن خطفوها اخت ماجد ....

آصف : حيدر صدك تحجي ، يله جايك جايك ...
منسا : شكو شصاير ...
آصف : ماادري يكولي خاطفين زهراء اخت ماجد ، منسا ماريد تحجي الاي احد الا نتأكد ...
منسا : ماشي ، ماشي ...

حيدر : طلعولي تصوير الكاميرة ، اجه آصف ويا قوة اربعة ارهاب ، طوقو الكلية ، باوعت شفت هاي البنية السمرة ، شسمها هاي البنية ...