عيون النار داعش

البارت السابع عشر

🍃⚘🍃رواية عيون النار🍃⚘🍃
⚘الحلقة -١٧-⚘

⚘"الكاتبة: فاطمة علي"⚘
..🍃رأيكم🍃..

واحذر لا تذب فوك الرماد ابساط
منو يگول الدهر ماضاملك جمرة

لشاعرها
المرحوم سمير صبيح
..............................

ماردين : والرب لا خشعت شي ولا دحكت شي ، خلص مااحجي ، ضل خازرني دفعني وطلع من الحجرة ، دحكت بعدو بالبيت ، خفت اروحلو ...

... تمشيت وكفت كدامو ، مجاهد لاتزعل مني والرب ماقصدت ادخل عليك بدون اذنك بس الباب ماجان مقفول ، دارو وجهو عليه عاكعد حواجبي وعصبي  ...

مجاهد : انتي وين جنتي ..؟
ماردين : بلعت ريگي خفت حتى اسولف ، شكلو يخوف وهو عصبي ، جنت بالمطبخ ...

مجاهد : شسوين ..؟!
ماردين : اشتغل ، مسكني من عكس ايدي وصرخ بيا ...

مجاهد : ااااحد طلب منج شغلللل ، اخذتييي اذني من طلللعتييي ، يحرررمه الديرة هاي خطررررة ، وانتي تفترين بينهمممم ...

ماردين : مو ام حفص هي وزعت ..قاطعني وصرخ بعلو صوتو ...

مجاهد : موووو ام حفص هي رجلج ، الزمي حدج يحرمه لا وحق هو الله اندمج على الساعه التفكرين تخطين بيها عتبت البيت ، انه من اوووول يووم منعتج من الطلعه انوووب رايحه تخدميييهمممم ...

ماردين : كبل بجيت ماتحملت وهو يصرخ ويرزل بيا وايدي كامت تأذيني من لزمتو ، الي تريدو يصير بس ايدي ...

مجاهد : وليييي من وجهي ولييي ، راحت تبجي بحجرتها ، استغفر الله ياررربي شهل مصايب هااااي يمتى تخلص مووو تعبببتتت ، كعدت وخليت راسي بين ادية اريد اهدء ماكو ، لزمت وطلعت برا البيت ...

ماردين : طلع من البيت وانه مستمرة بالبجي ،
بس حقو يخاف عليه ....

مجاهد : مدري وين اروح ، انه بنص اعدائي ، وين ادور هل ام عمرر وييين ، جابو كاعدت على الرصيف وادحك الرايح والراد ، هل ديرة مصيبه جنهم گمل يمشون بالمنطقه ...

... عايشين حياتهم ،يرحون سوگ وحريمهم مبوشات ،واطفالهم مخليهم بمعسكرات قتالية و دينية ، حتى يعلموهم على حمل السلاح والذ.بح والتطرف ...

ماردين : النص الليل مجاهد ماهو ، وقافل الباب عليه ، اجه نص الليل ، دخلت للبيت ذب ملابسو وتمدد برا ونام ...

.... ثاني يوم نفس الحالة وثالث يوم ، راح عندو قتال ، للمغرب اندك الباب خفت افتحو ، خشعت صوت مرا ...

ام حفص : افتحي الباب ..
ماردين : رحت وفتحت الباب ، وكفت يوجهي ام حفص...

ام حفص : لماذا لا تخرجي للعمل ...
ماردين : مجاهد مانعني من الشغل ...
ام حفص : بسرعه اللبسي حجابك ونقابك وتعالي خلفي ...