عيون النار داعش

البارت الرابع

🍃⚘🍃رواية عيون النار🍃⚘🍃
⚘الحلقة -٤-⚘
د

اعش

⚘"الكاتبة: فاطمة علي"⚘
..🍃رأيكم🍃..

شـمل منـك؟
يجنـك سالفة شياب
يجنـك كل قصيدة غزل للنواب
يـ ريحة رشة الحيطـان
يـ آبو عيـون الفشل تـنعاب ..

............

ماردين : اخشع اصوات بعيده ، ناس فوك راسي خيالات ، هذا وجه احمد ، اغمض عين افتح الثانية هاي عمتي اميرة ، عقلي ميفسر الكاعد يصير وياي
اختنگت حيل ، حسيت شي دخل البلعومي ، كمت اتقيء ورجعت اغمى عليه ....

احمد : عمه ليش صار هيج بماردين ، هي مريضه ومحد كايلي ...

اميرة : بجي ، لا والله يعمه كولشي مابيها ، وجنها العافية شفتها انت من اجيت ...

خاتون : البت مو طبيعية ، يمه معاذ الحك ابنيتك ، خابرو ابوها وخلو يرد ....

خالد : يمه شلون انخابره قابل هو عبور الشارع غير بيناتنه بحور ...

احمد : عمي معاذ اذا عرف ماردين متمرضه يگلب الدنيا ويرجع ، لتخابرو هسه خل نشوف شنو بيها وخابرو ...

اميرة : كلنا نسولف ومخبوصين ، اجه الدكتور وكلنا وكفنه يمه ، بشر دكتور بت اخويه شبيها ....

احمد : الله يخليك دكتور كولي خطيبتي شبيها ...

الدكتور : هاي حالة تسمم مو عادية اصلا اول مرة اشوف هيج شي ، بحيث هي تحت البنج فزت اتقئت ورجعت اغمى عليها ، والذبت شغلات سود و مكطعه ، لازم نسويلها مفراس للمعده نتأكد مابيها شي ....

احمد : بس فهمني ،  شاك بشي مرض موزين  ...

الدكتور : ماريد اخوفك بس يمكن عدها سرطان بالمعده ، واذا صح هل شي فراح تكونون متأخرين كولش ، والبنية خلال عده اسابيع او ثلاثه اشهر تتوفى ...

اميرة : كلنا انصدمنه ،وامي كعدت بمكانها ، واحمد ضل يسأل بالدكتور وعيونه مدمعات ....

خاتون : خابرو معاااذ ....
خالد : اي يمه راح اخابرة ....

ماردين : فتحت عيوني جسمي يرجف ، احس عيوني مورمات وبلاعيمي مجرحه ، بالكوه اتنفس ، وجع بمعدتي ، ولعبانه نفسي ....

اميرة : ماري حبيبتي ، تحسين بشي ...
ماردين : اي عمه كل جسمي يأذيني ، واكو حرگه بمعدتي ...

اميرة : واحد باوع بوجه الثاني ، ومقهورين على حالتها ، وجهه اصفر و الشفايف بيض ...