عيون النار داعش

الحلقة الاولى

🍃⚘🍃قصة عيون النار🍃⚘🍃
⚘الحلقة -1-⚘

⚘"الكاتبة: فاطمة علي"⚘
..🍃رأيكم🍃..

م

لاحظه مهمه جدا //
اريد تفاعل على الرواية
لان دتجيها ابلاغات
واني مااريد حسابي يطير
اتمنى تدعمون الرواية
حتى اذا جانت الرواية
منتهية وانتو اجيتو اخر وقت
تقروها ،
بالعكس جدا افرح بتعليقاتكم
اقراها واتفاعل وياكم ..
حتى ان كانت نقطة مو مهم
لان اني جد تعبت بكل رواياتي
واستاهل دعمكم
🥺✨

يابه شحياكم ......

..... صوت طفله تصرخ ،وتبجي ، وتصيح ...

ماردين : يمه الحكيني ،يمه ويينج ، اخ ، كافي عمو والله ايدي كامت تأذيني ،والله بعد ماعيدها ،
شمرني بالمخزن ، وصرخ بيا ...

فيصل : هذا مكانج ومن تتادبين اطلعج منه ...

ماردين : عمو ابوس ايدك والله اخاف ، عمو لتعوفني هينا اخاف ، دفرني حيل على ضلوعي وشمرني للكاع ، كطعت النفس ، كمت اكح ولازمه بطني وامسح على صدري ، طبگ الباب وقفلو ...

.... ورى دقايق طفى الضوا بالغرفه ، سحولت روحي جنب الباب ، وادگه بتعب وابجي بـ نهيار ، اتشاهك من الجي ،
افتحو الباب والله اخاف ، عمو افتح الباب والله بعد مااعيدها واكسر شي ، والله انتبه ........

ماردين : فتحت عيني ، اتنفس على السريع ،  اتأمل انا بالحجرا ، دحكت جنبي طفل نايم ، شكرا للرب ، اليوم ماصحاني وضل نايم ،  ، دحكت الساعه ، بـ ٥ ونص ، اخذت نفس لزمت راسي واتنفس على السريع ...

... ربي شوكت اخلص من هاي الاحلام ، بس يا احلام هاي حقيقة الدا اعيشو ، يله ياماردين كومي وراج شغل كومه ...

....دحكت الجهال ، كلهم نايمين والجو يخبل مو واحد يكوم ، رجعت مدتت و مطيت جسمي واخذت نفس عميق ورجعت رفعت راسي من المخده ، اوووف راح اكوم للكرف و طيحان حظ ، يالله شأسوي اتعودت ..

.. كمت فتحت الشبابيك ، واصيح على هذا وذيج .. كوووومووو يالله مدرررسة وراكم والله جدتي خاتون اذا كعدت و لگتكمممم نااايمين الهساع تموووتني وتشوي على ذاناتي بصل ...

.. سمعت صوت العوجية ادك على المحجر وصوت جدتي تصرخ ..

خاتون : ولج ماردين حدري هين اشوف طولج .. شني لساع ماكعدتووو ...

ماردين : من الخوفه و الرعبه جفصت ببطونهم كامو يتلاون من الوجع ،  احسن هيج علمود تكومون كلو من وراكم راح احصلي چتله من جدتي كوووومووو اشووو ياااااااالله ....

.... كمت اسحل بيهم واعيط عليهم ، عفتهم واتدهده عل درج ، الجدتي وهي تصرخ عليه ..

.. هاجده هياني جيتج ..