عيون النار داعش

بـــارت هــديــــة ٣٥

🍃⚘🍃رواية عيون النار🍃⚘🍃
دا١عش
⚘الحلقة -٣٥-⚘
هدية

⚘"الكاتبة: فاطمة علي"⚘
..🍃رأيكم🍃..

انا من ألبس مرقط يطك ظهر الكاع
انا شلت العراق على الزند جمره

..... الساعه ١٢ بليل ....

.... كل الفريق داير مداير البيت متوزعين ، ومسوين اتصال جماعي عبر السماعات ...

آصف : بيدي الناظور ، واباوع للبيت ، حسبت الكدامي عشرة بصفي علي ، باوعت طلعت رينَ وبيدها الطفل ، باوعت العلي هاك شوف ...

علي : اخذت الناظور واباوع ، شنو ياجهه اشوف ...
آصف : على جهة الحديقه شبيك تعال ليجاي ...

علي : لك هاي رين ، وبيدها رضا ، كمت على حيلي واريد اروحلهم لزمني آصف وكعدني ...

آصف : اذا تسوي هيج ارجعك للفندق وامنعك من الخروج ويانه ، وهذا امر افتهمت ...

علي : قريب عليه خل اروحله ...
ماجد : وين تروحلو ، اكعد واستجن ...
محمد : لتخاطر بحياتك ، تتخيل اذا نزلت هسه كدامنه راح نكعد نتفرج عليك اكيد راح نجيت وياك ....

علي : ماشي هاي كعدت ، رجعت كعدت وبيدي الناظور ، يمشي ويدفر بالطوبه ، جنه يمشي على قلبي مو على الكاع ، ديدفر الطوبه وكع على وجهه كمزت من ماكني وجلبو بيه ...

... لكن وكع على وجهه ...
آصف : جيب الناظور ، حيدر الزمه واخذه ليغاد راح يفضحنه ...

علي : لالا والله انطيني الناظور والله راح اكعد ماسوي شي ، نمت على بطني واراقب بي بجه شوية وسكتته ، طلعت بنية شابه وكعدت بالكاع تلعب ويا ....

عباس : بوووياي بوووية ، هاي شلون مرة ...
علي الرضا : انجب ولك لاتباوع على بنات العالم ...

طه : جاي اسمعكم ، غضو ابصاركم لا اخلي كل واحد طلقه بعينه ...
علي الرضا : هاي امي اذا شافتها تاكلها ...
ماجد : ول كافي لا تحجي بالحرمه ...

عباس : جا جذب ، غير جنها ليرة ذهب ...
آصف : عوفو البنية وركزو بالمهمه ترى راح اسد الاتصال ، ولا اسمع هل سوالف هاي ...

هادي : مو مرة خرب هبل ...
مجتبى : ها هادي طلعت عينك ...
محمد : ولكم لا تفضحونه كافي ...

ماجد : عندي فكرة ، انتو راقبو وانه رايح ...
آصف : لزمته من ايده وين رايح ...

ماجد : رايح اندعم ...
... الكل ضحكو ...
علي الرضا : سيد اكضب روحك ....

ماجد : والله شبيكم رايح اندعم ، وانت الي راح تدعمني ...
آصف : تخبلت اكيد ...

ماجد : سوالف استخبارات ...
علي : جاي اندعم وياك ..
ماجد : حتى هنا لاحكيني ، هسه راح تدعمني لو انزل ادعم روحي ...

آصف : امشي بس اول شي خل نشيل ارقام السيارة ...
علي الرضا : وسفه سيد ماجد راح يندعم بسيارة مابيها ارقام ، دعوة فلانه على سيد ماجد ....