Mr. Billionaire

Kabanata 24

Fly

~•~

Hapon na nang matapos siyang maglinis sa kuwarto ng masungit na mokong. Pero dahil good mood na siya, pinalagpas niya na lamang ito.

Kahit nga ang dami nitong inutos sa kaniya, okay lang!

Na-miss niya talaga akong utusan nang sobra. Nakaka-touch.

Malapit nang gumabi nang iwan niya itong busy pa rin sa laptop nito, kung hindi man sa cell phone. Nasa balcony lamang ito nanatili. Madali lang naman talaga sana ang paglilinis niya kung hindi lang ito utos nang utos ng kung anu-ano.

Dala ang hamper ng mga labahan, maingat niyang sinarado ang pinto. Papunta na siya sa laundry room nang makasalubong ang magkapatid. Muntik na nga niyang malaglag ang hawak na hamper.

"Ak dievs! You're back!" si Alisa na halos tumakbo papunta sa kaniya.

"You're here..." gulat niya namang usal sa magkapatid.

"We thought you're never coming back," sabi ni Venda, puno ng pag-aalala ang mga mata.

Ngunit bago pa man siya makapagsalita, hinila na siya ni Alisa patungo sa kuwarto nito. Nilapag niya muna ang dalang hamper malapit sa pinto nito bago siya naupo sa kama ng kaibigan.

"I'm sorry," panimula niya. "I know it's my fault that you were transferred. Donna and Jane too." Hindi pa rin maalis ang guilt sa kaniya. Sinisisi niya ang sarili.

But then, Alisa laughed and Venda giggled. Naguguluhan siya tumingin sa mga ito. "What's funny?" Hindi naman siya nagbiro, a.

Umiling si Alisa. "Silly! Why are you blaming yourself?" Nagpunas ito ng luha sa kakatawa.

"It's normal! We are transferred sometimes when the other properties need helpers," paliwanag ni Venda.

"B-but I thought..."

"It's just that Valdis spotted us four that time when he was looking for additional helpers."

Alisa went on and told her about their three-day stay in Liepāja. Mayroong beach houses doon si Hugh Laurent at nagkulang sa mga tagalinis kaya kumuha sila ng mga maid sa mansyon, kabilang na nga roon ang apat niyang kaibigan. Dalawang araw lang daw ay natapos agad ang paglilinis kaya sa panghuling araw, nag-swimming ang mga ito. Sayang nga raw at hindi siya kasama pati si Geneva.

"Speaking of Geneva. She was left alone here," sabi niya, naalala ang lungkot sa mga mata ng kaibigan.

"We already talked to her. We're more shocked when we came back and you're not here. So don't feel sorry anymore. We were fine there."

Ngumiti siya at tumango. She felt good to know that her friends weren't in trouble because of her.

"Sorry we're not there for you when they made you slip on... cooking oil!" Halata ang iritasyon ni Alisa para sa mga katrabahong gumawa noon sa kaniya.

She sighed upon remembering the Cooking Oil Girls. Hindi niya nakita ang mga ito sa pagdating niya. Malamang ay suspended pa rin.

"It's okay." Ngumiti siya sa mga kaibigan para ipakitang ayos lang siya. "It turned out well." She hugged her friends. "Man tevis pietrūka."

The two hugged her back. "Aww, arī mēs tevi nokavējām!"

They spent the time catching up. Donna, Jane and Geneva joined them eventually. Kinuwento nila sa isa't isa ang mga ginawa noong magkakahiwalay sila. Pero mas naging interesado ang mga ito sa mga naging kaganapan sa buhay niya. Lalo na nang malaman na si Scott mismo ang sumundo sa kaniya.