The Guy Next Door (Completed)

20

Tumabi sa amin si Gavin at kinuha iyong isang lata ng alak at binuksan ito. "Ano na? Magkukuwento ka ba o ako magsasabi ng speculation ko kung bakit ka ganiyan?"

I'm not sure if Gavin knows why I'm bummed out. Wala naman akong sinabi kanina na magbibigay ng hint sa kanila kaya sa tingin ko wala siyang alam.

"Wala naman. I'm just not in the mood."

"Tangina. Ano ka? Babae? May monthly period kaya wala ka sa mood?" Tinawanan ako ni Axel saka kumuha ng alak at binuksan ito. Uminom siya rito bago kumuha ng isa pa at iniabot ito sa akin, na tinanggap ko naman.

"Dahil kay Patricia, tama ba?" Napaiwas ako dahil kaonting alak na naibuga ni Axel.

"Tangina. Masusugatan pa labi ko dahil sa iyo, Gavin. Anong dahil kay Patricia?"

"Ask him." Itinuro ako ni Gavin saka uminom sa hawak niya.

Hindi ako tinanong ni Axel tulad ng utos ni Gavin pero nanatili silang nakatingin sa akin. I sighed then chugged on my drink before sighing. "You guys are my friends, right?" Tinaasan nila ako ng kilay dahil sa nakakabobong tanong ko. Obvious naman kasi ang sagot. "Then can I open up to you guys?"

"Jun, kilala kita. Hindi ka mahilig mag-open up kaya na-a-appreciate ko iyan pero tandaan mo na kaya kami nandito kasi gusto namin malaman kung anong problema mo. Kanina ka pa kasi wala sa sarili."

Napalunok ako sa sariling laway bago ko nahigpitan ang pagkakahawak sa lata. "Whatever you hear, promise me that you guys won't cut ties with me."

"Ang dami namang kabaklaan nito. Bilisan mo na." reklamo ni Axel saka uminom sa hawak niyang lata.

"I'm upset because of Patricia." Hindi sila nagsalita't tahimik na nakatingin lang sa akin habang iniinom ang hawak nilang alak. "I started having romantic feelings for her on the night she threw me a party."

"Tangina. Tama ako?" Napatingin ako kay Gavin dahil sa sinabi niya. Hinuluaan niya? Pero paano siya nag-come up sa panghuhula na may gusto ako sa kaibigan namin?

"Sabi na crush mo si Patricia." This time, kay Axel naman ako napatingin. "May hinala na ako dati kasi naisip ko, bakit parang may special treatment lagi si Jun kay Patricia? Kapag kailangan ng tulong, tutulong kaagad. Ang laki ngumiti kahit nagtatalo sila. Kapag nababanggit iyong isa, nagiging interesado makinig. Hindi rin nagbibigay ng atensyon sa ibang babae kahit may ilang nagpapapansin. Hindi ko naman sinasabi kasi siyempre, kaibigan ko kayo. Ayoko naman na dahil lang sa hula ko, magkailangan kayo."

"Am I that transparent?" mahinang tanong ko saka ako uminom sa hawak na lata.

"Medyo." sabay na sagot nila pero dinagdagan ni Gavin. "Pero na-confirm ko lang iyong speculation ko kanina nang makita ko kung saan ka nakatingin."

So he saw me looking at Patricia and that Lance what's-his-face.

"I don't know what to do. Gusto ko siya maging girlfriend pero bata pa kami at natatakot ako na baka matulad ako sa kaniya na one-sided lang. I don't want to end up broken. Baka hindi ako katulad niya na kinayang mag-move on. Kapag hindi ako naka-move on, maapektuhan nito pag-aaral ko. If that happens, babagsak ako, resulting to being kicked off of the scholarship program. And let's say she feels the same and we somehow become boyfriend and girlfriend. I don't know what I'll do next. Hindi naman ako knowledgeable sa pakikipag-date. And besides, alam ko na sobrang magastos kapag nagkaroon ng girlfriend. Nag-iipon nga ako tapos gagastusin ko lang rin dahil may girlfriend ako? I somehow don't like the idea."

Hindi sa hindi ko gustong gastusan si Patricia. If anything, gusto ko siya bigyan ng maraming bagay na puwedeng magpasaya sa kaniya pero hindi puwede. I have my priorities set and her being added to it won't help me out.