The Guy Next Door (Completed)

16

"What do you want?"

"Hi! Gusto ko lang i-greet ka ng merry Christmas! Nasaan ka ngayon? Pupunta ako para maibigay ko regalo ko sa iyo."

"You don't have to bother, Keera."

"Dali na. Gusto ko lang bigyan ka ng gift."

"Itabi mo na lang muna iyan. Sa univ mo na lang ibigay kapag nagkita tayo."

"Pero Pasko ngayon. Gusto kita makita."

"I don't have time. Sige na. I need to go. I still have a job to do."

I honestly don't know why she's still bothering me kahit na pinararamdam ko naman na hindi ako interesado sa kaniya o sa pangungulit niya. She did flirt with me whenever we are on the lecture hall kaya iyong ibang ka-block ko ay iniisip na girlfriend ko ito. I have no time to clear everything kaya hinahayaan ko lang sila isipin ang gusto nila isipin. It won't benefit me on doing so kaya bahala sila.

She's a secret na hindi ko ipinararating sa mga kaibigan ko. She's irrelevant kaya walang saysay na ipakilala ko siya sa mga tao sa buhay ko.

Itinuloy ko ang pagtatrabaho at 3 hours before my shift ends, I saw a familiar face. Akala ko nga ay namamalikmata ako pero hindi. Nakaupo ito sa pinakasulok na lamesa habang umiinom sa bote ng tubig. Nilapitan ko ito habang nakangisi dahil katatapos ko lang pag-serve-an ang hindi kalayuang table.

"Hi," nakangising bati niya.

"Do you know that you're not allowed to loiter here?"

"Excuse me. May hinihintay akong dumating."

Napailing na lang ako sa ngisi sa mukha niya. "Ms. Cortez, iiwanan muna kita dahil may trabaho pa ako."

Tumingin siya sa likuran ko saka intinaas ang kamay at kumaway. "Dito po tayo!"

Nang tignan ko kung sinong kinawayan niya, nanglaki ang mga mata ko. "Dito sila?"

"Duh." Inikutan niya ako ng mata tumayo. Sakto naman na nakalapit sa amin ang pamilya niya. "Sabi sa iniyo, dito siya nagtatrabaho."

Tinapik ako ng dalawang kapatid niya sa balikat saka umupo ang mga ito. Ang papa at mama niya ay binati ako bago sumunod sa dalawang anak sa pagkakaupo.

"Hintayin niyo po ako. Kuha lang ako ng papel at ballpen para makuha order niyo." Akmang tatalikod na ako para kumuha ng mga binanggit ko nang pigilan ako ni Kuya Kendrick.

"Huwag na. Hindi naman high-end restaurant ito para maging waiter ka." Tumayo ito saka lumapit kay Patricia. "Kami na o-order." anunsyo nito sa pamilya saka ako tinignan at inakbayan. "Kumain ka na ba?"

"Yeah." Umalis ako sa pagkakaakbay niya saka ako tumungo ng isang beses sa harap ng mga magulang nila habang nakangiti. "Balik na po muna ako sa trabaho."

Itinuloy ko lang ang pagtatrabaho ko at hindi pa man rin ako nakaka-isang oras nang lapitan ako ng manager namin. Medyo may kaba sa dibdib ko dahil sa ginawa nito. Pinatigil ako nito sa pag-aasikaso sa mga order at pinapunta sa office nito.

"Jun, umuwi ka na muna." utos nito pagkaupo sa lamesa.

"May... nagawa po ba ako?"

Umiling ito saka nag-cross arms. "Nilapitan ako ng kaibigan mo. Tinatanong kung puwede ka niya hiramin since Christmas naman raw ngayon."

Nakahinga ako ng maluwag sa narinig ko. Buti naman at hindi ako nagkaroon ng kapalpakan kasi kung hindi, napatalsik na ako.

"Kaibigan?" Saglit akong napaisip nang maalala ko na narito si Patricia kaya baka ito ang nakiusap rito. "Iyon po bang mahaba ang buhok tapos hindi katangkarang babae?"