Kabiguan Ng Manunulat

Kabiguan Nang Manunulat [Ikalabing-isang Pahina]

Sulat pa rin panulat, lumipad sa malayo at muling iulat

Ang mga bagay na nagaganap sa paraisong hindi tunay

Mga pangyayaring naglalaro sa isipan, sa mga letray iyong bigyang saysay

Sulat pa rin panulat, pilitin mong imulat

Ipangalandakan ang poot sa mga taong hustisya'y di pantay

Idalangin sa mahabaging Poon na masamang ugali nila'y humandusay

Sulat pa rin panulat, pag-ibig bigkasin sa mga pangungusap

Ang paghanga mo sa prinsesa, sa kanyang kagandahang taglay

Na tinatangi mo siya't nais makapiling hanggang kabilang buhay

Sulat pa rin panulat, ipamahagi kung paano ka nagwagi

Mga pagkakataon na kinang ng bituin ay iyong hawak kamay

Ikuwento sa iba kung paano ka nagtagumpay

Sulat pa rin panulat, ilantad ang iyong hikbi

Ang mga kasawiang sa labi mo'y dumapi't humanay

Mga nag-unahang luhang nakipaglibing sa iyong lumbay

Manunulat sadyang namumukod tangi ang iyong talento

May halaga kaya sa iba ang iyong talentong binigay ng mga anghel

O kaya'y mga sinulat mo'y mantsa lamang sa makinis na papel

November 19, 2014

Naubusan na ako ng bala sa librong ito... he he...

Mysterious Aries