Kabiguan Ng Manunulat

Dalawang Ibon

Dalawang ibo'y lumipad sa himpapawid

Ang isa'y tila masayang patungo sa planadong daan

Ang isa nama'y masayang patungo sa kawalan...

Isang ibong puno ng palamuti

Mga mamahaling alahas

Sa kabila nama'y isang ibong payak

Walang suot na mahalaga kundi ang sarili

Itong ibong maraming pananalapi'y

Nakangiti ngunit halata sa matang malalim

Kadalasa'y umiiyak itong palihim

Isa siyang langgam na buong buhay nagsipag

May pagkain nga siya sa hapag

Ngunit walang dalang kwento

Kundi kung paano sya nagpawis sa paglalayag

Ito namang ibong may buhay na payak

Ang ngiti ay tunay

Luntian kanyang kulay

Isang tipaklong na palundag-lundag

Kwento niyang dala'y

Buong silid aklatan

Dalawang ibo'y lumipad sa himpapawid

Ang isa'y parang buo ngunit kulang

Sa kabila nama'y kulang tignan ngunit buo

Oo itong isang ibong tila matagumpay

Ngunit may hangganan ang kanyang lipad

Saranggolang may tali sa mga paa

At isang ibong animo'y bigo

Ngunit wala kang maaaninag na pagsisisi

Dahil walang nakagapos sa kanyang tanikala

����������������

Feb. 24, 2017

Ano nga bang mahalaga

Ang may pera ka

Na di ka masaya

O Masaya ka

Ngunit wala kang pera...

�� �� �� �� �� �� �� ��

Mysterious_aries