A Promdi's Guide To Self-discovery (A Girl's Guidebook #1)

Epilogue: Extra Tip 2 - Feel The Fear But Take Action Anyway

Hindi pa sumisikat ang araw nang bigla akong nagising na pawis na pawis at nanunuyo ang lalamunan. Akala ko sa panaginip ko lang ako sumisigaw, in real life din pala.

Patay ang ilaw sa kwarto ko dito sa ospital pero mabilis na umikot ang mata ko para i-assess ang paligid at nagulat na lang ako nang may isang kamay na dumapo sa ulo ko kasabay ng pagbukas ng ilaw.

"It's okay, Mayu, you're safe," ang mahinahon na sinabi ni Tito Ed. "You were just having a bad dream."

Hinahabol ko ang paghinga ko habang pinipilit kong pabagalin ang tibok ng puso ko. Totoo naman kasi ang sinabi ni Tito Ed, ligtas na ako ngayon. Nalagpasan ko ang isang near death experience at dapat hindi ako magpakapraning dahil lang sa isang nightmare.

"Gusto mo ba sabihin sa'kin kung ano 'yung napanaginipan mo?"

Umiling ako nang umiling. Tama na ang managinip ako nang masama kapag tulog; ayokong dalhin pa sila sa paggising ko kaya hindi ko magawang ikwento ang tungkol dito.

"Are you sure? Gusto kong malaman mo na you can talk to me, hija."

Tumango ako bilang sagot. Normal siguro para sa mga nakaranas ng katulad sa nangyari sa akin ang magkaroon ng nightmares. Hindi naman siguro ito magiging madalas. Sana.

Tinanggal ni Tito Ed ang bara sa lalamunan niya bago siya nagsalita ulit. "Then, pwede ka bang makinig sa'kin since I'm sure hindi ka pa makakatulog agad? There's something na gusto kong sabihin sana sa'yo. Well, kay Tala rin but I don't think she's old enough to understand."

Tumingin ako sa mga mata niya at nakita ang halo-halong emotions dito na hindi ko ma-determine kung ano-ano. Napalitan tuloy ng curiosity ang kaba ko kanina.

"I didn't want either of you to hate me 'pag nalaman n'yo ang totoo kaya hindi namin pinapaalam sa inyo," ang sabi niya. Nilunok muna niya ang pag-aalangan bago siya nagpatuloy. "After what happened to you, panahon na siguro para malaman mo."

Marami ang tumakbong scenarios sa utak ko at lahat ng iyon ay hindi maganda. Hindi ko mahanap ang boses ko kaya hindi ako makapagtanong. Ayoko rin mag-assume kaya hinintay ko na lang na magsalita ulit si Tito Ed.

"It's about what happened years ago. It's about your brother."

Huminga muna siya nang malalim bago siya nagsimula sa pagkwento. Nang natapos na siya, napa-wish ako bigla na sana natulog na lang ako ulit. Hindi na lang sana ako nakinig sa sikretong hindi ko pwedeng sabihin sa mga taong mahal ko para maprotektahan sila.