THE GIRL IN RED DRESS (Cousinhood Series 1)

CHAPTER TWO

Thank you for reading.

🌹🌹🌹

    MABIBILIS ANG bawat lakad ni Clara sa hallway ng school. Nakataas ang noo niya habang naglalakad. Who would be confident if you are one of the most beautiful girls in the campus? Isa siya sa mga kasali kapag may kompetisyon sa school nila pagdating sa ganda at talino. Sabi nga ng iba, mukha siyang manika. Agaw pansin din siya kapag naglalakad. Lahat halos ng mga lalaki sa campus nila ay napapatingin sa kanya ngunit hindi niya magawang tapunan ng kahit isang sulyap ang mga ito dahil sa pangako niya sa kaibigan. At saka wala naman talaga kasing dating ang mga ito para sa kanya.

"Hello, bestfriend." Biglang may umakbay sa kanya na ikinahinto niya sa paglalakad.

Lumingon siya at doon niya nakita ang taong laging dahilan ng mga ngiti sa labi niya. Tinanggal niya ang braso nitong nakalagay sa kanyang balikat. Seryuso ang mukha na tinitigan niya ito sa mga mata.

"Where did you go?" inis niyang taong.

Ngumiti si Lincoln sa kanya ng ubod tamis. Biglang tumibok ng mabilis ang puso niya. Lincoln makes her heart beat wild. Ganoon lagi ang puso niya kapag kasama ang kaibigan. They have been friends for five years now. Elementary palang sila ay malapit na sila sa isa't isa. First year high school siya ng magsimulang tumibok ng kakaiba ang puso niya sa kaibigan. Nangyari iyon ng pinagtanggol siya nito sa isang grupo ng mga babae. Nasanay na lang siya na ganoon ang tibok ng puso niya para rito. At para sa kanya ay normal na ganoon ang puso niya para sa kaibigan. Wala naman kasi talagang especial sa kanilang dalawa kung hindi ang kanilang pagkakaibigan.

"I'm sorry, Clara. Pinatawag kasi ako ni Ma'am, may pinapagawa na naman siya para sa newspaper ng school." Inayos ni Lincoln ang suot na salamin sa mata.

Dalawang buwan na lang at matatapos na ang school year. At nitong nakaraang linggo ay ilang beses niya lang nakasama ang kaibigan. Hindi na rin siya nito sinusundo sa bahay dahil dapat itong maging maaga lagi sa pagpasok. Ganoon din kapag uwian. Late na ito nakakaalis ng school dahil maraming dapat tapusin. Bilang student council President ay marami itong ginagawa para sa kanilang paaralan. At iyon ang kinaiinisan niya ng mga sandaling iyon. Namimiss niya na kasi ang kaibigan.

"Okay." Sagot niya at tinalikuran ito.

"Clara, hey!!!" sigaw ni Lincoln at sinundan siya.

"Clara, wag ka nang magtampo. Please!" paki-usap ni Lincoln.

Patuloy lang siya sa paglalakad. Hindi niya pinansin ang paki-usap ng kaibigan. Bahala ito sa buhay nito. Halos isang linggo siya nitong hindi pinansin dahil sa mga school project and activities nito. Kahit text o tawag ay hindi nito ginagawa. Iyong weekend bonding nila ay wala na din. Kaya sobra ang pagtatampo niya dito. Sanay siyang kasama ito sa lahat ng bagay. Tanging ito lang ang kaibigan niya tapos hindi pa niya ito maka-usap o makasama man lang. Pakiramdam niya ay nawalan siya ng kaibigan na masasandalan.

Umupo siya sa isang mesa ng makarating sila sa canteen. Ngumiti sa kanya si Lincoln at iniwan siya. Ito ang bibili ng pagkain na para sa kanya. Ganoon naman silang dalawa lagi kapag kumakain. Nakasanayan na rin naman niya kaya hinahayaan nalang niya ang kaibigan. Hindi nagtagal ay bumalik si Lincoln na may hawak na isang tray ng pagkain. Inilapag nito sa harap niya ang isang plato na may lamang spaghetti at isang sandwich. Bigla siya natakam sa pagkain na nasa harap niya.

"I know you will love it." Sabi ni Lincoln.

Tumungo siya at nagsimula ng kumain. Magana ang bawat subo niya. Walang paki-alam kung magkalat ang sauce ng spaghetti sa mukha. Natigilan lang siya ng mapansin ang kakaibang ngiti ng kaibigan. Tuwang-tuwa ito habang nakatingin sa kanya. Nang mapansin nito na nakatingin siya ay kinuha nito ang isang tissue at pinunasan ang nagkalat na sauce sa gilid ng labi niya.