THE GIRL IN RED DRESS (Cousinhood Series 1)

CHAPTER ONE

"KANINA KA PA?" ang tanong na iyon ang nagpalingon kay Clara.

Nakita niyang nakatayo sa tabi niya ang best friend niyang si Lincoln Aries Cortez-Saavadra. Isang ngiti ang sumilay sa labi ni Clara. Biglang bumilis ang tibok ng puso niya. Bakit ba kasi ang gwapo ng best friend niya kahit napakasimple ng suot nitong damit? Lincoln o mas tinatawag nilang Cole ay nakasuot ng isang grey t-shirt at maong pants. Nakasuot ito ng salamin sa mata dahil nga sa malabo ang mga mata nito pero kahit ganoon ay hindi nabawasan ang kagwapuhan ng kaibigan. Hindi din noon matago ang ganda ng ma-itim nitong mga mata. Cole is very manly. Matangos ang ilong nito at hindi kakapalan ang kilay. Hindi mapula ang labi nito ngunit hindi din maputla. Kayumanggi ang kulay nito na alam niyang namana sa ina. Malago at may pagka- chestnut ang kulay ng buhok nito. Matangkad din ang kaibigan na talagang nakaka-agaw pansin dito. Sakto lang din ang build ng katawan nito na alam niyang alaga iyon ni Cole sa ehersisyo.

Maliban sa magandang katangian physical nito ay nakakahanga din ang taglay na talino ng kaibigan. Cole is very smart. Ito lagi ang pinapadala ng school nila sa bawat competition. Sa kahit anong subject ay nag-eexcel ito dahilan para maraming babaeng nagkakagusto sa binata. Hindi lang iyon galing din sa mayamang pamilya si Cole. May-ari ng isang kilalang alcohol at water distributor company ang ama ni Cole. Isa ang pamilya nito sa mayayamang pamilya sa bansa. Ang ina niyo ay galing din sa pamilya ng mayayaman kaya talagang nakaka-angat ito sa buhay pero hindi naging hadlang iyon para maging magkaibigan sila. Parehong grade four sila ni Cole ng unang magkakilala. Transfer student siya sa paaralan nito. Ito agad ang una niyang naging kaibigan at pahanggang ngayon ay magkaibigan pa rin sila. Marami na din silang pinagsamahan dalawa. Kilala na nila pareho ang kanilang kanya-kanyang pamilya. Mas malapit nga lang siya sa pamilya ni Cole habang si Cole ay hindi sa kanyang mga magulang.

Umiling siya sa kaibigan. "Hindi naman, Cole." Sagot niya.

"Tara! Gusto kong kumain ng ice cream." Inilahad ni Cole ang kamay nito sa harap niya na agad niyang tinanggap.

Naglakad si Clara at Cole sa paborito nilang ice cream shop hindi kalayuan sa park na lagi nilang pinagtatagpuan. Pagdating nila sa shop ay napansin niyang napatingin sa kanila ang ilang babae. Kitang-kita niya ang pagsibol ng paghanga sa mga mata nila. May nabuhay na inis sa puso niya. Agad niyang ipinalubot ang braso sa braso ng kaibigan. Tinitigan din niya ang mga babaeng nakatingin dito. Nakita niya ang pagguhit ng disappointment sa mukha ng bawat isa. May ilan pang mataray na nag-iwas ng tingin. At ilan pa dito ay nagtaas ng kilay. Ngumiti lang siya.

'Ma-inggit kayo. Ako ang best friend ng lalaking ito.' Pagmamalaki niya sa isip.

Nawala ang atensyon niya sa mga babae ng hinila na siya ni Cole papunta sa cashier area. Isang nakangiting babae ang sumalubong sa kanilang dalawa.

"May I take your order, ma'am, sir?" tanong ng babae.

"I want mango ice cream. How about you?" tumingin sa kanya si Cole.

Tumingin siya sa naka-display na mga flavor. Wala siyang napili. Lahat naman kasi iyon ay natikman na niya. Sa tuwing pupunta kasi sila sa park na iyon ay pumupunta din sila ni Cole sa ice cream shop na iyon. Kung tutuusin ay kilala na sila ng babaeng nasa harap nila. Sanay na nga ito sa kanila ni Cole.

"I want chocolate ice cream but I want to taste the ube ice cream." Sagot niya.

"Then we order mixed chocolate-"

"Cole..." sumimangot siya sa kaibigan. "I want chocolate and ube ice cream in two different cones."

"But it's not healthy, Clara. One ice cream per day, remember?" paalala ng kaibigan.