Secret Nights [RATED SPG / COMPLETED]

Secret Nights - 36

ZACH'S POV

Meeting Micah's parents wasn't easy. Pakiramdam ko ay haharap ako nang mag-isa sa isang batalyon ng mga sundalo not knowing if I could still leave the place dead or alive. Sa isang mamahaling restaurant somewhere in BGC kami nakatakdang magkita-kita.

 Habang lulan ako ng isang taxi papunta sa naturang restaurant ay lihim kong mine-memorize sa isip ko ang mga dapat kong sabihin sa kanila. Aminado akong may munti akong kaba na nararamdaman pero mas nangingibabaw sa puso ko ang kagustuhang matapos na ang lahat nang ito upang makasama ko na ulit si Amber.

 Pagkapasok ko sa restaurant ay agad kong namataan ang pamilya Gonzaga na nakaupo sa pinakasulok na mesa na medyo malayo sa karamihan. With them is my parents na sinadya pa talagang lumuwas para lang sa importanteng bagay na sasabihin ko.

 Nakita ko ang fiancée ko na si Micah na tumayo at masayang sumalubong sa akin. She raised her hands papunta sa leeg at akma sanang hahalikan ako sa labi pero mabilis na lumingon ako sa ibang direksiyon kaya sa pisngi ko nag-landing ang labi niya.

 Bago pa man siya makapag react ay hinila ko na siya papunta sa table kung saan naghihintay ang mga parents namin.

"Hi, everyone," bati ko sa kanilang lahat bago humalik sa parents ko at sa parents ni Micah.

 "Hijo, ano ba ang rason at bigla kang nagpatawag ng dinner na 'to?" usisa ng mommy ni Micah.

 "Oo nga, Zach. Ano ba ang rason at bigla mo kaming pinaluwas nitong daddy mo? Don't tell me buntis na itong si Micah?" susog naman ng mommy ko.

 "Oh my God! Magkakaapo na ako sa unica hija ko?" excited na tanong ulit ng mommy ni Micah.

 I cleared my throat para maagaw ang atensiyon nila. "Guys, I think it is best if kumain na muna tayo. I'm sure everyone's already hungry. Mamaya ko na sasabihin ang announcement na tinutukoy ko."

 Tumawag ako ng waiter at saka idinikta ang mga orders namin. Habang naghihintay ay saglit na nahati ang atensiyon. My father and Micah's father talked about business while our mothers talked about the latest issues faced by women like them who belongs to the elite society.

 Nang sulyapan ko si Micah ay nakita ko ang kalituhan sa mga mata. Kahit siya ay hindi alam ang rason kung bakit ko sila ipinatawag na lahat.