Secret Nights [RATED SPG / COMPLETED]

Secret Nights - 31

 

Nasundan pa nang nasundan ang pagkikita namin ni Samuel. Actually, sa ilang beses na paglabas-labas namin ay napagtanto kong wala akong definite plan kong paano maghihiganti sa kanya. Yes, he still has his family pero hindi ko naman kayang ipapatay ang alinman sa mga magulang niya. I’m not a murderer.

Kaya ang naiisip ko na lang ay pasakayin siya na tutulungan ko talaga siya sa pangangampanya niya. At kapag oras na ng eleksiyon ay bigla na lang akong magdi-disappearing act.

I’ve learned from Yuan na hindi na maganda ang estado ng mga negosyo ng mga Ortega. Naibenta na ang halos kalahati ng lupaing pinagkukuhanan nila ng mga palay na ibenebenta naman sa merkado.

Hindi rin daw maganda ang lagay ng coconut farm nina Samuel dahil hanggang ngayon ay hindi pa lubusang nakakabangon ang industriya ng niyog simula nang humagupit ang bagyong Yolanda.

So basically, alam kong ginagamit lang ako ni Samuel para sa pansarili niyang interes. Kailangan niya lang ako para may magluwal ng pondo sa kandidatura niya.

But too bad, I’m not that naïve. Hindi ako makakapayag na mahuthutan niya ako. Kapag asang-asa na siyang maglalabas talaga ako ng pera ay basta na lang akong hindi magpapakita sa kanya. Ewan ko na lang kung hindi sumakit ang tumbong niya 'pag nagkataon.

Ngayon nga ay magkikita ulit kami ni Samuel dahil inimbitahan niya akong gumimik. Huling labas daw namin dahil next week na ang filing of candidacy. Hindi na nga naman siya pwedeng pumunta-punta ng mga bar dahil makakasira sa image niya.

Pagdating ko sa Leyte Part ay agad na naghanap ng ako mapa-parking-an. Naghihintay na sa akin sa loob ng isang bagong bagong bar sina Samuel. May kasama raw kasi siyang mga kaibigan.

Pagpasok ko nga doon ay agad ko silang nakita. They were about ten to fifteen. Mukhang marami na rin silang na-order at ang iba nga sa kanila ay mukhang lasing na.

“Hey! Mabuti nakahabol ka!” malakas na sigaw niya sa akin dahil malakas ang tugtog sa loob.

Kasi nga pilit ka nang pilit na sumunod ako, gusto ko sanang isigaw iyon sa kanya.

Pero sa halip ay ngumiti na lang ako at kumaway sa mga kasama niya. It seems to me like parang mga yuppies pa ang mga kasama ni Samuel. Parang mga college students na hindi ko maintindihan.

Given his status in life, I was expecting na ka-level rin niya ang mga nasa circle of friends niya.

Umorder ako ng sarili kong drinks dahil ayokong maki-share sa mga iniinom nila. Paranoid talaga ako pagdating sa mga ganitong lugar. Baka kasi mamaya ay may pampa-high na pala ang mga inuming inorder nila bago pa man ako dumating.