Secret Nights [RATED SPG / COMPLETED]

Secret Nights - 31

“Thirty minutes?” huling hirit ni Samuel.

“Fine,” pag sang-ayon ko na lang para hindi na niya ako kulitin. At talagang na-shocked ako nang matapos ang thirty minutes at nagpaalam ulit ako kay Samuel ay bigla siyang humirit na kung pwede ay maghati kami sa bill.

Seriously? Isang martini lang ang nainom ko samantalang ilang bucket ng red horse ang nalaklak niya kasama ang mga kaibigan niya tapos kalahati ang hihingin niyang share sa akin?

I was so disgusted! Pero para hindi na lang humaba ang usapan at makaalis na ako ay nagbigay ako sa kanya ng dalawang libo.

After giving him the money ay mabilis na lumabas na ako ng bar. Nagngingitngit ang loob ko habang nagda-drive ako. Sa sobrang inis ko ay halos hindi ko na nakita ang isang sasakyan na sobrang tulin ng takbo at tinutumbok ang kotse ko. Mabuti na lang ay mabilis kong nakabig ang manibela at hindi iyon tuluyang sumalpok sa kotseng dina-drive ko.

Abot-abot ang paghingal ko habang pinapakalma ko ang sarili ko. After five minutes ay muli kong binuhay ang makina ng kotse. Hindi ko na itinuloy ang plano kong pagkakape dahil baka madagdagan lang ang nerbiyos ko dahil sa nangyari kanina kaya dumiretso na ako sa hotel ko.

Pagkatapos maglinis ng katawan at magpalit ng damit pantulog ay sumampa na ako sa malambot na kama. Hindi agad ako nakatulog dahil naiinis pa rin ako kay Samuel. Kapal ng mukha!

Nasa ganoon akong pag-iisip nang maramdaman kong tila may tumunog mula sa labas ng kwarto ko. Bumaba ako sa kama at nakiramdam sa paligid. Nakarinig ako ng parang pagkikiskisan ng mga metal. Then it finally hit me, someone’s trying to open the door.

Mayamaya lang ay may narinig na akong yabag ng paa ng tao. Mabilis na hinanap ko ang bag ko at kinuha ang canister na pang self-defense ko. Hinugot ko sa saksakan ang lampshade at mahigpit iyong hinawakan.

Hinding-hindi ako magdadalawang isip na gamitin ang canister at lampshade na 'yon sa sinumang intruder na pumasok sa kwarto ko.

Abot-abot ang paghinga ko nang bumukas ang pinto at pumasok ang isang naka-bonnet tao. Dahil nasa likod ako ng pinto ay hindi niya nailagan ang paghataw ko sa kanya. Bagsak sa sahig ang kung sino mang pangahas na iyon.

Nang masigurong wala siyang kasama ay lumabas ako sa kwarto ko bitbit ang canister. At ganoon na lang ang gulat ko nang lalabas na sana ako sa main door ng hotel room ko nang bigla namang may humarang sa akin.

Pipindutin ko na sana ang teargas nang biglang nahawakan ng lalaki ang kamay ko.

“Hey! Hey!”

“Zach?” nakahinga ako ng maluwag nang makilala kong si Zach nga ang nasa harap ko. Hindi ko na napigilang yumakap sa kanya. Nang masiguro kong hindi na ako nag-iisa ay saka ko lang naramdaman ang panginginig ng tuhod ko.

“Are you okay? May narinig akong kumalabog.”

“May taong pumasok sa room ko. Hinataw ko siya sa ulo kaya nakalabas ako ng kwarto ko.”

Kinuha ni Zach ang canister sa kamay ko at inakay ako pabalik sa kwarto ko. Nandoon pa rin ang lalaking nakabulagta.

Agad na idinial ni Zach ang numero sa lobby at saka nagpaakyat ng security guards. “Someone break-in into the room of one of your guests,” inis na sabi ni Zach sa kausap sa telepono.

Mayamaya lang ay may mga security guards ngang dumating. Nang tanggalin ang bonnet sa mukha ng taong nakahandusay ay bahagya pa akong kinilabutan nang makita ang mukha ng may edad nang lalaki. He’s like one of those ex-convicts na napapanood ko sa mga movies lately.

Sinamahan ako ni Zach hanggang sa presinto at hindi niya binitawan ang kamay ko kahit na noong nagbibigay ako ng salaysay sa mga nangyari. Pagdating ni Atty. Yuan ay umalis na rin kami at ipinaubaya na sa abogado ang kaso.

“Thanks Zach,” sabi ko sa kanya habang pabalik na kami sa kinapaparadahan ng sasakyan niya.

“Are you sure na walang masakit sa 'yo?” concerned na tanong niya sa akin.

Umiling ako. “Bakit ka nga pala nasa hotel na pinag i-stay-han ko? At ang bilis mo pang nakapunta sa harap ng room ko.”

Iyon ang ipinagtataka ko kanina pa.

Hinawakan ni Zach ang isa kong kamay at marahan iyong pinisil. “I’ll explain everything later, okay?”

__________

Please don't forget to VOTE. :)