الحلقه ٢٨
توجه آدم مسرعا الي الفيلا التي تقيم بها سهي و لوجين بعد ان هاتف امه و اخبرها عن اخر مكالمه بينهما صف سيارته بسرعه و دق جرس الفيلا بعنف و سرعه وجد احدي الخادمات تفتح له الباب فقال لها:
آدم(بعصبيه):ساعه عشان تفتحي (ثم استطرد قائلا)سهي فين
لم يكد يكمل الجمله حتي سمع صوت بكاء اتّ من غرفه الصالون توجه الي هناك وجد سهي جالسه و وجهها لا يري من كثره الدموع توجه لها قائلا:
آدم:في ايه يا سهي لوجي مالها؟
ليلي(وهي تدخل الغرفه مسرعه):في ايه يا آدم في ايه يا سهي
سهي(وهي تقف في مواجهه آدم):بنتي ضاعت مني بسببك يا بشمهندس
آدم(و قد بدأ يفقد اعصابه):ايه التخريف اللي انتي بتقوليه ده (ثم قال بهدوء)لوجي فين يا سهي
سهي(وهي تنظر له بعينين محمرتين من شده البكاء):لوجي اتخطفت يا آدم
آدم و ليلي(بصدمه):اييييييييه؟
سهي:زي ما سمعتوا كده (ثم قالت ببطئ وهي تقترب من آدم)لوجي اتخطفت بسببك يا بشمهندس
آدم(بعصبيه):بسببي انا و انتي كنتي فين ان شاء الله
سهي(و قد رسمت ابتسامه ساخره علي شفتيها):اكيد مكنتش في حضن واحد تاني زي ما انت بتعمل معايا
آدم(وهو يصفعها صفعه قويه):اخرسي
سهي(و هي تضع يدها مكان الصفعه):ما هو ده اخرك (ثم مدت اليه يدها بورقه)شوف اقرا عشان تعرف ان انت السبب
آدم(وهو يأخذ الورقه و يقرأها):بنتك مش هترجعلك غير لو عملت اللي احنا عايزينه استني اتصال
ليلي(وهي تجلس علي احد الكراسي):يا دي المصيبه
آدم(وهو يخرج هاتفه):انا هتصرف
كاد ان يطلب احدي الارقام لولا ان وجد اتصالا علي هاتفه من رقم مجهول فرد قائلا:
آدم:الو
المتصل:لو عايز بنتك ترجعلك تنفذ اللي هنقولك عليه دلوقتي
آدم(بعصبيه):لو حد لمس شعره منها و الله لوديه ورا الشمس
المتصل(بضحكه مستفزه):هههههههه حيلك حيلك ده انت متوصي عليك من فوق اوي يا ابن الباشا
آدم:عايزين ايه
المتصل:دلوقتي مش عايزين حاجه هنخليك كده علي اعصابك انت و الاموره بتاعتك لحد ما نشوف احنا عايزين منك ايه سلام ياا دومه اه صحيح لو فكرت تتصل بالبوليس ساعتها مش هتشوف بنتك تاني
سهي(بعد ان اغلق آدم الخط):ايه قالولك ايه
آدم:و لا حاجه
سهي(بعصبيه):يعني ايه و لا حاجه اومال كل ده ايه بتدردشوا مع بعض
آدم:قالي هنسيبكوا علي اعصابكوا و بعدين نبقي نشوف انا عايزين ايه
سهي(وهي تنظر له برجاء):آدم احنا هنعمل اي حاجه عشان لوجي ترجع لنا صح
آدم(وهو ينظر لها بحزن):انا مستعد اعمل اي حاجه في الدنيا بس هي ترجع
ليلي:متقولوش كده ان شاء الله هترجع و تعيش في وسطكوا تاني
سهي:يا رب يا طنط يا رب
•••••••••••••••••••••••••••••••••
ثلاثه ايام دون جديد لم يتصل المختطفون مره اخري و لم يترك آدم او ليلي سهي طوال الثلاثه ايام حتي جاء مساء اليوم الرابع كانوا جالسين جلستهم المعتاده في غرفه الصالون آملين ان يتصل احد من المختطفين مره اخري حتي دق جرس هاتف آدم انتفض الجميع و هم يترقبون ما سيقال نظر آدم لهم و قال:
آدم:رقم غريب
سهي(بلهفه):مستني ايه طيب ما ترد
آدم(وهو يرد علي الهاتف):الو
المتصل:ايه يا دومه ازيك
آدم(بعصبيه):انت هتصاحبني
المتصل(باستفزاز):توء توء توء مش عيب كده و انا اللي كنت هعمل فيك جميله و اقولك احنا عايزين ايه و نرجعلك بنتك
آدم:عايزين ايه
المتصل(متصنعا التفكير):امممم 30 مليون جنيه مش كتير علي بنت آدم الشاذلي
آدم:موجودين عايزينهم فين
المتصل:هتيجي انت و لوحدك تحطهم في شنطه و المكالمه اللي جايه هديك العنوان
سهي(بعد ان اغلق آدم الهاتف):ها قالك ايه
آدم(وهو يمط شفتيه):عايزين تلاتين مليون جنيه
سهي:مش مهم المهم هنعمل ايه دلوقتي
آدم:مش عارف
سهي:بص انا هكلم عمرو اقله بطريقه وديه و لا منها بلغنا البوليس و في نفس الوقت نبقي عرفنا هنعمل ايه
آدم(بحيره):مش عارف خايف
ليلي:ان شاء الله خير
آدم(وهو يخرج من الغرفه):سهي تعالي عايزك ثانيه
سهي(و هي تقف في مواجهته):نعم؟
آدم:عايزك تعرفي اني عمري مخنتك و لا حتي فكرت اخونك
سهي(مقاطعه):تفتكر ده وقت نتكلم فيه عن مشاكلنا؟
آدم:انا عارف انه مش وقته بس لازم اقولك (ثم قال وهو يمد يده اليها بورقه)ده تقرير يثبت ان الصور دي متفبركه و الرساله الرقم طلع متسجل باسم كارمن
سهي:يعني هي كارمن غبيه لدرجه انها تسجل الخط باسمها
آدم(بسخريه):اظاهر كان عندك حق لما قلتي ان البنات في عيلتنا كلهم اغبيه
سهي:يعني هي اللي عملت الفيلم الهندي ده و هي اللي بعتت الظرف اللي كان فيه المعاد اللي هتقابلها فيه عشان اروح و افتكر ان انت بتخوني
آدم:غالبا
سهي(بتفكير):يعني مش بعيد تكون عرفت ان انت عرفت كل ده و تكون هي اللي خطفت لوجي
آدم:تصدقي صح
سهي(وهي تخرج هاتفها):انا لازم اكلم عمرو (ثم قالت بعد ان رد عمرو علي الهاتف)الو
عمرو:الو ازيك يا سو عامله ايه
سهي(بتنهيده):زي الزفت
عمرو:ليه مالك؟
سهي(بعد ان قصت عليه سهي ما حدث):بس يا سيدي و مش عارفين نعمل ايه
عمرو:بصي انتوا لازم تجاروه و تعرفيني اول بأول ايه اللي هيحصل و يوم التسليم هبلغ القسم و نلحق الموضوع قبل ما يحصل اي حاجه
سهي:طيب تمام ميرسي يا عمرو
عمرو:علي ايه يا بنتي ده لوجي زي بنتي
سهي:ربنا يخليك يا رب يلا سلام بقي
عمرو:سلام
آدم(وهو ينظر لها نظره ناريه):ميرسي و ربنا يخليك ما تنجزي كده
سهي:هو ده اللي همك يعني
آدم(زافرا):قالك ايه؟
سهي:قالي لازم نجاريه و لما يجي معاد اللي هيحددوه ده هو هيبلغ القسم و يبقوا موجودين
آدم(متأففا):اوففف علي اخر الزمن هنبقي تحت رحمه شويه ناس قذره
سهي(وهي تربت علي كتفه):معلش
••••••••••••••••••••••••••••••••
