كيف أنسى

جزء ١٢

الحلقه ١٢

اتت جيهان بعد ان اخبرها ادم ان حاله سهي ليست علي مايرام وصلت جيهان الي المنزل و دقت جرس الباب لتفتح لها احدي الخادمات سألتها جيهان عن مكان سهي فأخبرتها انها تجلس في الحديقه توجهت جيهان الي هناك لتجد سهي في حاله يرثي لها بدت وكأنها ذبلت توجهت جيهان نحوها بسرعه اما سهي فما ان رأت جيهان حتي بكت كالطفل الذي ضاعت لعبته ظلت جيهان تهدئها الي ان هدأت تماما فقالت لها:

جيهان:ها يا ستي احكي مالك

سهي:آدم

جيهان(باستغراب):ماله آدم

سهي:مش عارفه اقولك ازاي

جيهان(محاوله تلطيف الجو):طب خلاص مش مهم دلوقتي احكيلي ايه حكايتك مع موضوع الحمل ده

سهي:ماهو ده نفس الموضوع

جيهان:يييه مافيش مفر قولي بقي

سهي:ادم عايز يخلف

جيهان(باستغراب):طب و ايه المشكله

سهي:المشكله مش في آدم المشكله فيا انا

جيهان:ازاي يعني

سهي(وهي تبتلع ريقها بصعوبه):جيهان انا باخد مانع حمل

جيهان(بشهقه):انتي تعملي كده يا سهي ليه يا بنتي

سهي(وهي تتنفس بصعوبه):جيهان كفايه اللي انا فيه و انا حاسه اني بخون ثقه ادم فيا

جيهان:سهي انتي لازم تقوليله

سهي(بتهكم):اقوله ايه معلش يا حبيبي مش عايزه اخلف منك عشان مش واثقه فيك

جيهان:انتي مش واثقه في ادم نفسه ولا لو كان اي حد مكانه كنتي هتعملي كده بردو؟

سهي:لو اي حد كنت هعمل كده (ثم استطردت قائله)جيهان انا بثق في ادم في اي حاجه في الدنيا لكن الموضوع ده بذات مقدرش

جيهان:مفيش حل غير انك تقوليله

سهي:ربنا يسهل ان شاء الله
•••••••••••••••••••••••••••••••••
كان ادم يقف في الشرفه عندما رأي جيهان قادمه ظل واقفا الي ان هدأت سهي فقرر النزول للاطمئنان عليها و ليسلم علي جيهان كاد ان يفتح باب الحديقه و يدخل منه الا انه سمع سهي وهي تقول لجيهان "اقوله ايه معلش يا حبيبي مش عايزه اخلف منك عشان مش واثقه فيك" دلو ماء بارد سكب علي رأس ادم لا تثق به لماذا بدا و كأنه قد صم فلم يستطع سماع باقي حديث سهي و صديقتها لا يدري كيف صعد السلم او دخل الغرفه لكنه ظل جالسا علي السرير حتي استوعب ما سمعه منذ قليل قام بالبحث بين جميع اغراض سهي و كانه يتمني ان لا يجد شيئا يثبت كلامها لكن خاب ظنه عندما وجد علبه دواء مكتوب عليها انها لمنع الحمل ظل ينظر اليها كأنه لا يصدق ما يحدث لا يصدق انها تخدعه بل انها تخونه تخون ثقته بها
كان يجلس علي السرير و لا يزال في صدمته عندما سمع صوت اغلاق الفيلا فعلم ان جيهان قد رحلت مرت بضع دقائق الي ان سمع دقا علي الباب لم يرد بل لم يكن يقوي علي الرد فصدمته في سهي كانت اقوي من ان يتحملها قلبه دخلت سهي وهي تحاول رسم ابتسامه نجح ادم في كشف زيفها بسهوله فظل ينظر اليها بانكسار فقالت له سهي:

سهي(وهي تجلس علي السرير بجانبه):مالك

ادم(وهو يتوجه الي خارج الغرفه):مفيش انا نازل

سهي(وهي تلحق به):طيب بس متتأخرش

ادم:حاجه متخصكيش (ثم قال وهو خارج من باب الفيلا)سلام

سهي(باستغراب من طريقته):مع السلامه
•••••••••••••••••••••••••••••••••
خرج ادم وهو لا يري امامه من فرط عصبيته ظل يجول و يصول بالسياره الي ان هدأ قليلاً ثم قام بمهاتفه جيهان:

ادم:الو

جيهان:ادم ازيك عامل ايه

ادم:الحمدلله يا جيجي انتي عامله ايه

جيهان:ايه يا ابني انا مش كنت لسه من شويه عندكو و بعدين مال صوتك سهي حصلها حاجه

ادم:لا سهي كويسه (ثم تابع بحرج)انا بس كنت عايز اشوفك

جيهان(بمرح):ايه يا ادم عايز تتجوزني ولا ايه

ادم(ضاحكا):هههههه لا انا بس عايز اسألك علي حاجه كده

جيهان:طيب نتقابل في كوستا كمان نص ساعه كده اوك؟

ادم:طيب ماشي اوك سلام بقي

جيهان:مع السلامه
•••••••••••••••••••••••••••••••••
وصل ادم الي المكان المنشود ليجد جيهان تنتظره فتوجه اليها قائلا:

ادم:اتأخرت؟

جيهان:لا عادي انا لسه واصله اساسا ها بقي عايز تسأل علي ايه؟

ادم:علي طول كده طب تشربي ايه الاول

جيهان:يا سيدي انجز انت من ساعه ما قولتلي انك عايز تسال علي حاجه و انا علي اعصابي ها في ايه

ادم(بعبوس):هي سهي بتعمل كده ليه

جيهان(بحزن):انت عرفت

ادم:اه و مش لاقيلها مبرر

جيهان:بص يا ادم العيب مش منك انت سهي هي اللي فقدت الثقه في كل اللي حوليها بسبب تجربه باباها و مامتها هي خايفه انك تسيبها مع بنتها او ابنها و تعيش نفس الظروف دي و عارف ايه اللي مخوفها اكتر؟

ادم:ايه؟

جيهان:سهي بتحبك اوي يا ادم هي عمرها ما بينت اللي جواها لاي حد حتي انا فكون ان هي تقولك انها بتحبك دي في حد ذاتها حاجه كبيره جدا

ادم:جيهان انا بحب سهي اوي بس متعرفيش اد ايه اللي هي عملته ده صدمني فيها ولا اللي هي قالته يعني بعد كل ده تقول انها مش بتثق فيا

جيهان:يا ابني مين اللي قالك كده سهي بتثق فيك جدا بس هي موضوع الخلفه ده سواء انت او غيرك (ثم استطردت قائله)سهي كانت فاكره ان مامتها مكانتش بتحب باباها عشان كده هي بعد الطلاق مبانش عليها اي حاجه لكن سهي بتحبك و انت لو سبتها دي ممكن تروح فيها و اديك شوفت المره اللي فاتت قبل ما تتخطبوا ايه اللي حصل

ادم:ولا انا اقدر اعيش من غيرها اصلا (ثم قال وهو يتنهد)طب اتصرف ازاي دلوقتي

جيهان:مفيش غير انك تواجهها

ادم:انا فعلا ناوي اعمل كده

جيهان(وهي تقوم):انا لازم امشي بقي عشان عندي مستشفي مش فاضيه زيك

ادم(وهو يقف هو الاخر):طب تعالي اوصلك

جيهان:لا ميرسي معايا عربيتي يلا باي بقي

ادم(وهو يغادر هو الاخر):سلام
•••••••••••••••••••••••••••••••••
دخل ادم الي منزله ليجد سهي تتفحص اللاب توب الخاص بها فقال لها:

ادم:مساء الخير

سهي:مساء النور تتغدي؟

ادم:لا شكرا بس عايز اتكلم معاكي

سهي(وهي تنظر الي شاشه اللاب توب):معلش يا ادم والله بس اعصابي تعبانه و مش قادره اتكلم

ادم(بعصبيه):طبعا اعصابك تعبانه من كتر الموانع اللي بتبلبعيها

سهي(وهي تزيح اللاب توب من علي قدمها و قالت وهي مندهشه):موانع ايه

ادم(وهو يخرج العلبه من جيبه و يقوم بوضعها امامها بعصبيه):ده ياختي قولي بقي مش عارفه ايه ده

سكتت سهي فلم تجد ما تقوله له

ادم(وهو يمسك ذراعها بقوه):تعملي معايا انا كده ليه؟مش واثقه فيا كل ده ليه؟بقالنا سنه نعرف بعض و متجوزين بقالنا اسبوعين و بتعملي كده اومال بقي لما يعدي علينا سنه منجوزين هتعملي ايه هتخونيني

سهي(بصوت خافت و قد اغرورقت عيناها بالدموع):انا اسفه

ادم(و يقف امامها):اعمل بيها ايه انا اسفه دي (ثم هدأ قليلاً وهو يقول)ليه يا سهي ليه ليه تعملي معايا كده

سهي(بنفس نبرتها و قد بدأت دموعها بالنزول بغزاره):عشان خايفه

ادم(بعصبيه):انتي مش خايفه انتي غبيه شايفه الناس كلها واحد شيفاني زي باباكي هتخلي عنك انتي و بنتي او ابني انتي اللي معندكيش تمييز باباكي و مامتك مكانوش متفاهمين من الاول

سهي(وهي تنظر له):و انت شايف ان احنا متفاهمين

ادم:تصرفاتك الغبيه هي اللي بتخليني اعمل كده هي اللي بتخليني ابقي عصبي

سهي(وهي تمسك بطرف قميصه و تسند رأسها علي صدره):انا خايفه خايفه اوي انت لو سيبتني انا ممكن اموت

ادم(بهدوء):مين قالك اني هسيبك (ثم استطرد قائلا)سهي انا بحبك اوي و ابني و بنتي ده هيبقي حته مني مش هسيبه و اروح اعيش في محافظه تانيه لمجرد هروب من المسئوليه و خلاص

سهي(وهي تنظر له):يعني مش هتسيبنا يا ادم

ادم(وهي ينظر لها هو الاخر):لا مش هسيبك خالص ولا انتي ولا الكوكو اللي هيجي ان شاء الله

سهي:و انا اوعدك اني مش هعمل كده تاني و مش هخبي عليك حاجه تاني ابدا

ادم:وعد؟

سهي:وعد

ادم(وهو يقبلها):بحبك

سهي:و انا بموت فيك
•••••••••••••••••••••••••••••••••
استيقظت سهي من النوم وهي في حاله نشاط فاستحمت
و تركت شعرها الحريري منسدلا علي كتفها ظلت جالسه علي السرير تعبث باللاب توب الي ان استيقظ ادم و قال لها:

ادم(بصوت نائم):صباح الخير

سهي(وهي تقبله):صباح النور يا حبيبي

ادم:مصحتينيش ليه طيب

سهي:قلت اسيبك نايم شويه

ادم(بخبث):اول مره تعمليها و اول مره تقوليلي يا حبيبي من ساعه ما اتجوزنا ها انطقي عايزه ايه

سهي(ضاحكه):ههههه علي طول فاقسني كده

ادم:شوفتي ها قولي عايزه ايه

سهي(وهي تضع راسها علي صدره و تقول بسرعه):العيال صحابي هيتقابلوا كلهم النهارده الساعه سته في لاتينو و انا عايزه اروح

ادم(ضاحكا):ههههههه كل الفيلم الهندي ده عشان تنزلي

سهي:اعمل ايه بقي ما انا عايزه اروح اوووووي

ادم(بتكبر):طب اتحايلي عليا شويه

سهي:يا ادم بقي عشان خاطري

ادم(بابتسامه):موافق بس بشرط

سهي:ايه هو

ادم:هاتي بوسه

سهي:بس كده (وهي تقبله)اتفضل يا سيدي مرضي كده

ادم(بخبث):لو كنت اعرف انك هتوافقي كده علي طول كنت طلبت حاجه تانيه

سهي(وهي تقوم من علي السرير لتذهب الي الدولاب):طيب انت جي معايا علي فكره

آدم:لا لا خليكي انتي مع صحابك انا مش عايز انزل النهارده

سهي(بعبوس):ما تيجي حتي مروان و حازم و عمر عايزينك

ادم:معلش يا سهي والله ما قادر

سهي:طيب as you like
•••••••••••••••••••••••••••••••••
دقت الساعه الخامسه مساءا لتنزل سهي من الفيلا وهي ترتدي

نزلت و توجهت بسيارتها الي المكان المقصود لمقابله اصدقائها
•••••••••••••••••••••••••••••••••
كان ادم يعمل علي اللاب توب الخاص به التفت الي الساعه ليجدها قاربت علي التاسعه شعر بانقباض في قلبه فلم تذكر سهي انها ستتأخر الي هذه الدرجه حتي انها لم تهاتفه لتخبره انها ستتأخر التفت الي هاتفه ليجده يرن باسم سهي فرد عليه قائلا:

ادم(بلهفه):الو

ليأتيه صوت شخص اخر ليقول له:

الشخص:استاذ ادم معايا

ادم(وقد شعر بنغزه في قلبه):ايوه انا مين حضرتك و ايه اللي جاب موبايل مراتي لحضرتك

الشخص:احنا من مستشفي......و مراة حضرتك عملت حادثه و احنا نقلناها علي هنا

ادم(بسرعه):انا جاي حالا
•••••••••••••••••••••••••••••••••
كان ادم يسوق سيارته بسرعه جنونيه وصل الي المشفي دخل بسرعه ليسأل عنها علم انها لا تزال بغرفه العمليات توجه بسرعه الي الطابق الواقعه به غرفه العمليات ظل جالسا امام الباب في انتظار خروج الطبيب ما هي الا دقائق حتي حضرت عائله ادم و سهي و ما ان رأوا ادم بهذه الحاله حتي اصابهم الفزع فقالت له ليلي:

ليلي(بخوف):في ايه يا ادم سهي مالها

ادم(بعجز):معرفش اتصلوا بيا قالولي انها عملت حادثه جيت علي هنا جري و عرفت انها لسه في العمليات

احمد(وهو يربت علي ظهر اخيه):هتبقي كويسه يا ادم متقلقش

ادم(وهو يجهش في البكاء):يا رب يا احمد انا ممكن اموت لو حصلها حاجه

وما هي الا دقائق حتي خرج الطبيب من غرفه العمليات هب الجميع واقفين فذهب ادم اليه. وهو يقول له:

ادم(بلهفه):خير يا دكتور سهي عامله ايه؟

الدكتور:هي حالتها الحمدالله كويسه و هتتنقل اوضه عادي و بعد ساعه ولا حاجه هتفوق من تأثير البنج بس هي للاسف فقدت الجنين

ادم(باستغراب):جنين ايه يا دكتور دي كانت بتاخد موانع

الدكتور:انت بتصدق مفيش حاجه في الدنيا تقدر تمنع اراده ربنا يلا هدي نفسك انتا بس هي بقت كويسه و هتفوق كمان مفيش داعي للقلق ده كله

ادم(وهو يصافح الدكتور):شكرا يا دكتور

الدكتور:علي ايه يا ابني ده شغلي استنوا انتوا شويه كده علي ما تفوق و اول ما هي تفوق انا هدخلكوا ليها علي طول

ادم:تمام و ميرسي مره تانيه يا دكتور

الدكتور(وهو يغادر):العفو يا ابني
•••••••••••••••••••••••••••••••••
مرت ساعه منذ ان نقلت سهي الي غرفه عاديه كانت اصعب ساعه تمر علي الجميع و بينما هم جالسون لاح امام ادم طيف اخر شخص كان يتمني ان يراه امامه سالي التي جاءت و وقفت امام ادم وهي تقول له:

سالي(متصنعه الحزن):so sorry for her يا ادم get well soon ان شاء الله

ادم:كان لازم اعرف ان انتي اللي عملتي كده

سالي(ضاحكه):ههههههههه انا قولتلك من الاول يا فيها يا اخفيها و يا تتجوزني يا اما المره اللي جايه هتبقي في عداد الموتي (ثم قالت وهي تغادر)و انا حذرتك يا ادم قدامك شهر بالظبط لو معملتش اللي بقولك عليه مراتك اللي انت زعلان عليها اوي دي هتزورها في المقابر

ادم:والله يا سالي لو حصل اللي بتقولي عليه ده لكون قاتلك بايدي

سالي(وهي تغادر):سلام يا دومه

ادم:في داهيه
•••••••••••••••••••••••••••••••••
مرت نصف ساعه اخري الي ان اتت الممرضه بسرعه وهي تقول لهم:

الممرضه:المريضه فاقت

الجميع:الحمدلله

محمد:طب ممكن نشوفها؟

الممرضه:اه ممكن بس يفضل واحد بس اللي يدخلها

محمد:ادخلها انت يا ادم

ادم:طيب ماشي اوك

الممرضه:اتفضل من هنا
•••••••••••••••••••••••••••••••••
دخل ادم ليجد سهي جالسه علي السرير فتوجه اليها و قال لها:

ادم(بلهفه و هو يحتضنها):سهي حبيبتي انتي كويسه

سهي(بصوت خافت وهي تحتضنه هي الاخري):اه الحمدلله

ادم:الحمدلله يا رب الحمدلله

سهي(وهي تتشبث بملابسه بقوه):كنت هموت يا ادم

ادم(بسرعه):بعد الشر عليكي يا روحي ده انا كنت مت بعدك علي طول

سهي(بصوت خافت):كنت خايفه اوي

ادم(وهو يحتضن وجهها بين كفيه):طول ما انا جنبك متخافيش

سهي:ربنا يخليك ليا

ادم(وهو يقبل رأسها):و يخليكي ليا يا قلبي
•••••••••••••••••••••••••••••••••
خرجت سهي بعد مرور خمس ايام من بقائها بالمشفي كانت ماكثه في المنزل و كان ادم لا يدعها تفعل اي شئ حتي انه مد اجازته شهرا اخر ليكون بجانبها الي ان تماثلت بالشفاء تماما كما كان يفكر دائما في كلام سالي فقد كان خائفا من ان تقوم بقتل سهي بالفعل فوقتها لن يهمه ان يقتلها هو بيديه لكن علي الناحيه الاخري فبامكانه الزواج منها تفاديا لكل هذه الحوادث فعزم علي ان يفعل ما تريده سالي منه حتي لا يكون قلقا علي سهي و في احد الايام استيقظت سهي لتجد ادم لايزال نائمه اخذت دشا و ارتدت

و قامت برفع شعرها علي هيئه ذيل حصان
خرجت من الحمام لتجد ادم قد استيقظ فقالت له:

سهي:صباح الخير

ادم(وهو يقبلها):صباح النور

سهي:رايح جاي في الاوضه كده ليه مالك؟

ادم:مفيش بس كنت مستنيكي تطلعي عشان اقولك ان ماما عايزانا نروحلها نقعد عندها كام يوم كده

سهي(بفرحه اطفال):بجد الله انا عايزه اروح هنروح امتي

ادم:من دلوقتي لو عايزه

سهي:طيب يلا يلا

ادم:طيب البسي و انا مستنيكي تحت

سهي:اوك
•••••••••••••••••••••••••••••••••
ركبت سهي السياره بجوار ادم متوجهين الي قصر عائله الشاذلي اوقف ادم سيارته امام القصر بعد حوالي ساعه و نصف نزل هو و سهي من السياره ليجدا ليلي في انتظارهما و ما ان رأتهما حتي قامت من مكانها و رحبت بهم ترحيبا حارا امضوا بعض الوقت بصحبتها الي ان استئذنت سهي للصعود الي الغرفه المخصصه لها و لادم بسبب بعض شعورها بالم في اسفل بطنها و ما ان صعدت حتي قالت ليلي لابنها:

ليلي:هتروح امتي يا ادم

ادم:كمان شويه كده

ليلي:كويس انك جبتها عشان متبقاش لوحدها

ادم:انا خايف لا يحصلها حاجه

ليلي:متخافش سهي قويه و انت عارفها اكتر مني و بتحبك يعني مش هتعمل اللي في دماغك ده

ادم(وهو يقف):يا رب يا ماما يا رب انا همشي بقي اخلص المشوار المنيل ده و هاجي علي طول

ليلي:هتقولها امتي يا ادم

ادم(بتنهيده):النهارده برضو عشان اخلص كله و اعملها اللي هي عيزاه

ليلي(بحزن):ربنا يعينك علي ما ابتلاك يا ابني

ادم(وهو يغادر):يا رب
•••••••••••••••••••••••••••••••••
استيقظت سهي من نومها لتشعر بنفس الالام باسفل بطنها ظلت تفكر في سبب ذلك الالم حتي ارشدها عقلها الي شئ واحد انها "حامل" اتصلت بالصيدليه ليقوموا بعد ربع ساعه بارسال جهاز كشف حمل منزلي لتأخذه سهي خفيه خشيه ان تراه ليلي صعدت الي غرفتها بسرعه وتوجهت الي الحمام ظلت تنظر نحو الجهاز لتجحظ عيناها في دهشه فقد كانت النتيجه ايجابيه شعرت سهي بخفقان قلبها ما بين الدهشه و الخوف و الفرح امسكت بهاتفها و قامت بمهاتفه جيهان قائله:

جيهان:سهي ازيك عامله ايه وحشاني

سهي(وهي لا تزال غير مصدقه):انا حامل

جيهان:ايه؟

سهي:بقولك انا حامل

جيهان(بفرحه):مبرووووك يا سوس الف مبروك يا حبيبتي انا كمان عندي ليكي مفاجأه

سهي:ايه

جيهان:كتب كتابي الاسبوع اللي جاي

سهي(بحزن من أجل حازم):بجد مبروك يا جيجي الف مبروك

جيهان:طب مش عايزه تعرفي مين؟

سهي:اممم مين؟

جيهان:حازم

سهي:يا ابن اللذين يا حازم ولا قالي الواطي

جيهان(ضاحكه):ههههههههه معلش معلش المهم الفرح هيبقي في القاهره و شروق اختك و يوسف جايين حازم عزم يوسف و باسم كمان

سهي(باستغراب):باسم مين

جيهان:باسم اخو يوسف ركزي شويه

سهي(باستغراب):و ده يجي الفرح بصفته ايه؟

جيهان:انتي ناسيه انه كان صاحب حازم اوي قبل ما يجي اليكس؟

سهي:اهه صحيح معلش نسيت

جيهان:طيب المهم انك معزومه انا كنت ناويه اهد حيلك معايا و ننزل نلف و كده بس لازم تفضلي في البيت و متعمليش اي حاجه عشان الحمل يثبت

سهي(وكأنها تذكرت شيئا):اه صحيح انا هبقي اجيلك العياده بقي و كده

جيهان(بمرح):من غير ما تقولي انا كنت هجيبك من شعرك عندي

سهي:يخربيت الفاظك سلام بقي عشان الحق اقول لآدم

جيهان(بخبث):ايوه بقي يا عم الليله ليلتك

سهي:اخرسي يا بت يلا سلام

جيهان:مع السلامه
•••••••••••••••••••••••••••••••••
عاد ادم الي المنزل بعد نصف ساعه من خروجه توجه الي الصالون ليجد والدته جالسه به فقال لها:

ادم:سلامو عليكو

ليلي:عليكم السلام عملت ايه يا حبيبي

ادم:خلاص خلصت

ليلي:المهم سهي دلوقتي هتقولها ازاي

ادم:انا خايف اوي مش عارف هقولها ازاي و لا ايه اللي هيحصلها

ليلي:خليها تعرف منك بدل ما الحقيره دي تعرفها
ادم:منا لازم انا اللي اقولها بس ربنا يستر بقي

ليلي(بقلق):يارب
•••••••••••••••••••••••••••••••••
نزلت سهي درجات السلم بسرعه و

نزلت لتجد ادم يجلس مع ليلي و قد بدا علي كلاهما التوتر و القلق كانا يتحدثان الي ان رأيا سهي فصمتا عن الكلام فقالت لهم:

سهي:ايه مالكو سكتوا ليه

ليلي(بتوتر):مافيش يا حبيبتي (ثم قالت وهي تنظر الي ادم)ادم بس كان عايز يقولك حاجه

سهي(وهي تنظر الي ادم بقلق):في ايه يا ادم

ادم(وهو ينظر الي امه كأنه يقول لها ماهذه الورطه التي اوقعتني بها):مفيش بس كنت عايز اقولك حاجه و بجد يا سهي بجد كان غصب عني والله العظيم

سهي(بخوف):في ايه قول بابا حصاه حاجه؟

ادم(بسرعه):لا لا الحمدلله باباكي كويس

سهي(بتنهيده):طب الحمدلله في ايه بقي

ادم(وهو يغمض عينه):سهي انا اتجوزت

دخلت سهي في نوبه ضحك كأن احدا قال لها نكته لم تتوقف عن الضحك الا عندما شعرت بالم في بطنها فقالت له :

سهي(وقد توقفت عن الضحك و امتلئت عيناها بالدموع):قلت ايه؟

ادم(وهو يقترب منها و يمسك يدها):سهي انا اسف والله غصب عني و حياة ربنا

سهي(بصراخ):ابعد عني متلمسنيش انت واحد خاين و حقير

احمد(وقد نزل علي صوت صراخ سهي):في ايه يا جماعه مالكو

سهي(وهي تنظر اليه و قد امتلئت عيناها بالعبرات):اخوك اتجوز عليا

احمد(بصدمه):ايييييه

سهي(بتهكم وهي تصعد السلم):شوف ازاي

احمد:انت بجد اتجوزت عليها

ادم(بحزن):غصب عني يا احمد والله هي اللي قالتلي إذا متجوزتهاش هقتلها و ان الحادثه دي كانت قرصه ودن بس

احمد(باندهاش):هي مين دي

ليلي:سالي

احمد:و انت ايه يضمنلك يا خفيف انها مش هتتعرض لسهي اصلا

ادم:مضيتها علي تعهد

احمد:يا حلاوتك

ليلي:مش وقت الكلام ده يا ادم اطلع شوف مراتك بسرعه

ادم(وهو يصعد السلم):حاضر
•••••••••••••••••••••••••••••••••
صعدت سهي الي غرفتها وهي لا تري من دموعها المنهمره بغزاره فتحت الدولاب و اخرجت منه حقيبه كبيره شرعت في وضع ملابسها بها بسرعه لكنها احست بدوار يكاد يفتك بها و سرعان ما سقطت علي الارض مغشيا عليها
•••••••••••••••••••••••••••••••••
طرق ادم باب الغرفه عده طرقات لكنه لم يجد اجابه فتح الباب و دخل ليجد سهي ملقاه علي الارض حملها و وضعها علي السرير و قام باحضار احدي عطوره ذو الرائحه النفاذه في محاوله منه لافاقتها لكنها لم تقم فازداد قلقه عليها و قام بمهاتفه طبيب العائله ليأتي علي الفور و ما هي الا دقائق حتي وصل الطبيب و بدأ في ممارسه عمله و ما ان انتهي من تعليق بعض المحاليل لها حتي سأله ادم قائلا:

ادم(بقلق):خير يا دكتور مالها

الدكتور(وهو يربت علي كتف ادم):متخافش يا سيدي بس ولي العهد بيدلع شويه

ادم(ببلاهه):مش فاهم حضرتك تقصد ايه؟

الدكتور:مبروك يا ادم المدام حامل انا بس علقتلها محاليل فيها فيتامينات عشان هي ضعيفه و محتاجه تتغذي كويس (ثم نظر الي ليلي وهو يقول)اهتمي بأكلها شويه يا مدام ليلي

ليلي:حاضر يا دكتور بس هي هتفوق امتي؟

الدكتور:يعني كمان ربع ساعه كده باذن الله بس متخلوهاش تقوم ولا تشيل اي حاجه لحد ما اول شهرين بس يعدوا عشان الحمل يثبت

ليلي:حاضر يا دكتور

ادم(وهو يوصل الطبيب):شكرا يا دكتور

الدكتور(وهي يخرج من الغرفه):العفو يا ابني ده واجبي
•••••••••••••••••••••••••••••••••
بعد نصف ساعه افاقت سهي و اخذت تنظر حولها لتجد ليلي جالسه بجانبها و التي ما ان افاقت سهي حتي قالت لها:

ليلي(وهي تجلس امامها علي السرير و تقبل رأسها):حمدلله علي السلامه يا قمر

سهي(دون ان تنظر اليها):الله يسلمك

ليلي(وهي تمسح بيدها علي رأس سهي):متزعليش يا سهي ادم عمل كده عشانك ولو عرفتي اتجوز مين هتعرفي ان كان في سبب قوي يخليه يتجوزها بالطريقه دي

سهي(و قد اغرورقت عيناها):طنط انا عايزه اتطلق انا لا يمكن اخلي واحد زي ده هو اللي يربي ابني او بنتي

ليلي(باستغراب):انتي كنتي عارفه انك حامل

سهي:اها و كنت نازله عشان اقولكو بس ابنك بوظ الدنيا

ليلي(بتنهيده):بصي يا سهي انا معاكي في اي حاجه انتي عايزاها الا موضوع الطلاق ده

سهي(وهي تنظر لها):يعني يا طنط يرضيكي اعيش مع واحد زي ده

ليلي(وهي تنظر الي سهي):سهي هو ادم وحش؟

سهي(بتلقائيه):لا مش وحش و لو كان كده مكنتش فضلت معاه كل الفتره دي

ليلي:اومال ليه عايزه تطلقي؟

سهي(و قد بدأت دموعها تملئ وجهها):عشان هو عمل اللي مفيش اي واحده تستحمله في الدنيا

ليلي(وقد كانت تعلم كم سهي عنيده):عارفه ادم اتجوز مين؟

سهي(وهي تنظر امامها):اين كانت خليها تشبع بيه
ليلي:سالي..ادم اتجوز سالي

كانت ليلي تعلم مدي كره سهي للفتيات المحيطات بعائله الشاذلي و كانت تعلم ايضا انها تتعمد مضايقتهن بقوتها و صلابتها امام المواقف الصعبه فتعمدت اللعب علي هذا الوتر

ليلي(مستكمله كلامها):شوفي بقي انتي لما سالي تعرف انك اتطلقتي من ادم ساعتها بقي صورة البنت القويه المتماسكه اللي انتي رسماها قدامهم دي هتطير في الهوا و اوعي تفتكري انك لو اطلقتي منه هيسيبوكي في حالك لو فكرتي كده تبقي لسه متعرفيش اي حد من عيله الشاذلي (ثم تابعت وهي تنظر لها بعمق)ها لسه عايزه تطلقي من ادم

سهي(بمرح علي غير ما تشعر به):من دول اللي هيتطلقوا يا لولا

ليلي(ضاحكه):ههههه كنت عارفه انك مش هتليني غير بالطريقه دي

سهي:ههههه ماشي ماشي بس معاكي حق بس ابنك ده لازم يتربي

ليلي(وهي تضربها بخفه في كتفها):ابني متربي يا حبيبتي

سهي(وهي تنظر الي بطنها):شايفه يا حبيبتي نانه بتضرب مامي ازاي؟خليكي شاهده عشان لما اقول لبابي

ليلي:هههههه ده انتي مصيبه (ثم تابعت بجديه)ها اخلي ادم يطلع ولا لأ؟

سهي(بتنهيده):مش هقدر اشوفو يا لولا مش قادره اتخيل انه عمل معايا كده

ليلي:طب اسمعيه طيب

سهي(وهي تومئ برأسها):طيب خليه يجي

ليلي(وهي تتوجه ناحيه الباب):طيب انا نازله بقي و هخليه يطلعلك مش عايزه حاجه

سهي:لا ميرسي يا لولا ربنا يخليكي

ليلي(وهي تغلق الباب خلفها):طيب يا حبيبتي لو عوزتي حاجه قوليلي

سهي:اوك يا طنط
•••••••••••••••••••••••••••••••••