كيف أنسى

جزء ١٥

الحلقه ١٥

استيقظت سهي في صباح اليوم التالي علي صوت هاتف آدم نظرت بجانبها لتراه مازال نائما فقررت ايقاظه:

سهي(وهي تهزه):آدم

آدم(وهو نائم):هااه

سهي(وهي تهزه مره اخري):آدم قوم موبايلك بيرن

آدم(وهو يقوم بتكاسل):مين طيب

سهي(وهي تنظر الي شاشه هاتفه):مامتك

آدم(وهو يتوجه الي الحمام):طب ردي عليها علي ما افوق انا

سهي(وهي ترد علي الهاتف):طيب..الو

ليلي(باستغراب):الو مين معايا

سهي:مين معاكي ايه يا طنط انا سهي

ليلي(بخبث):و ايه اللي جاب موبايل آدم عندك

سهي:ما احنا اتصالحنا بقي يا طنط و خلاص

ليلي(بابتسامه):طيب يا حبيبتي انا بس حبيت اطمن عليه عشان مرجعش البيت

سهي(وهي تنظر الي آدم الذي خرج من الحمام لتوه):اه اهو معاكي يا طنط

آدم:الو

ليلي:ايوه يا آدم انا كنت بتصل بيك اطمن عليك يا حبيبي عشان عرفت من البواب انك مرجعتش البيت امبارح

آدم(بارتباك):اه ماهو كده يعني

ليلي(ضاحكه):هههههه فهمت فهمت المهم ان انتوا كويسين الحمدلله

آدم:اه الحمدلله يا ماما

ليلي:طيب سلام بقي

آدم:مع السلامه

سهي(وهي تقوم من علي السرير):تتغدي ايه النهارده

آدم(وهو يمسكها من يدها و يجلسها علي السرير):تعالي بس عايز اتكلم معاكي

سهي(وهي تجلس):ايه خير

آدم(وهو ينظر لها):بصي انا الكلام اللي هقولهولك ده قلته كتير بس المرادي هتبقي اخر مره اقوله و بعد كده مش هتسمعيه تاني تمام

سهي(و قد بدا عليها القلق):تمام

آدم:بصي لو انتي فعلا حابه ان احنا نكمل مع بعض لازم تبطلي عندك و لسانك الطويل ده عشان شوفتي اخر مره ايه اللي كان ممكن يحصل

سهي(وهي تنظر له):طب يا آدم ما انت كمان عصبي اوي بطريقه تخنق يعني

آدم:سهي انا بتعصب منك من تصرفاتك المستفزه اللي بتعمليها

سهي:طيب خلاص انا ابطل عند و لسان طويل و انت تبطل عصبيه تمام؟

آدم:تمام اوي و يلا بقي البسي عشان خارجين

سهي:رايحين فين؟

آدم(وهو يقوم من علي السرير):هتعرفي بس مش دلوقتي

سهي(وهي تتجه الي الحمام):طيب
•••••••••••••••••••••••••••••••••
كانت الساعه قد قاربت علي السادسه عندما اوقف آدم سيارته امام احدي الاماكن المشهوره برقيها نظرت سهي من شباك السياره لتجد المكان مظلما فقالت لادم:

سهي:آدم الدنيا ضلمه تلاقيهم قفلوا تعالي نروح مكان تاني

آدم(وهو ينزل من السياره):انزلي بس انتي

سهي(بعند):لا يا آدم بقي الدنيا ضلمه و انا بخاف
آدم(وهو ينظر لها):احنا مش قلنا تبطلي عند يلا انزلي

سهي(متاففه و هي تنزل من السياره):حاضر

ظلت سهي واقفه مكانها فنظر لها آدم و قال:

آدم(بعد ان مشي بضع خطوات):ايه يا بنتي ما تمشي

سهي(وهي تركض اليه و تتشبث بيده بقوه): خايفه

آدم(وهو يمسك يدها بقوه):قلتلك طول ما انتي معايا متخافيش من حاجه

سارت سهي خلف آدم بقليل فقد كان يمشي سريعا و كان ممسكا يدها بقوه فكانت تقريبا تركض لتلحق به و ما ان وصلا الي باب المطعم حتي توقف آدم و قال لها:

آدم(لسهي):بصي استني هنا ثانيه هجيب حاجه من العربيه و اجي

سهي(وهي تقف امامه لتسد عليه الطريق):لا هاجي معاك

كانت سهي اقل من آدم في الحجم و الطول فقال لها آدم:

آدم(بابتسامه ساخره):مش هعرف اعدي انا كده منك يعني

سهي(وهي تدبدب قدمها بالارض):يا آدم بقي

آدم(بابتسامه):طب يلا ادخلي و انا وراكي

سهي(وهي ترفع حاجبيها):نعم؟

آدم(وهو ينظر لها):معلش اصلي بخاف

سهي(بعند):طيب ماشي

دخلت سهي الي المطعم لتسمع صوت فرقعات كثيره فينتفض جسدها من الخصه و ترجع الي الوراء و ترتمي بحضن آدم و تقول له:

سهي(وهي تخفي رأسها بصدره و تقول بصوت مرتجف):يا حيوان يا حيوان

مروان(وهو يقترب منهما):اوبا بقي في واحده تقول كده لجوزها

آدم(وهو يحيط سهي بيديه ليطمئنها):ملكش دعوه انت

مروان(مخاطبا سهي):يعني اطلع انا منها يا سو

سهي(وهي تلتفت له):انا مش عايزه اعرفك تاني اصلا

ريم:والله كانت فكره آدم بس احييك فكره فظيعه افظع من المره اللي فاتت

سهي(وهي تضربه علي صدره بقبضتها الصغيره): يا حيوان

حازم(بمرح كعادته):عارف لو كانت جيهان كنت موتها

جيهان(وهي اتيه من بعيد):انا سامعه اسمي

حازم(بنفس المرح):لا يا روحي ده انا بكح بس

جيهان:اه بحسب

آدم(بمرح):حد يا جماعه يحوش الناس اللي عند التورته دول نسفوها يخرب بيوتهم

سهي(وهي تنظر الي ناحيه التورته و قالت بصوت عالي):آسر و عمر لا مش معقول ايه اللي جاب الاشكال دي هنا

آسر(وهو يمد يده ليسلم عليها):سو ازيك ايه اللي جابك هنا

سهي(بمرح و هي تسلم عليه):انا نفسي مش عارفه انا جايه هنا ليه

عمر(وهو يقترب من بعيد):عيد ميلادك يا سو

سهي(بذهول):ايه ده انا كنت ناسيه خالص

حازم(بمرح):و انتي امتي يعني افتكرتي

مروان(لادم):دي ذاكرتها في التواريخ ايه انسي

آدم(وهو ينظر الي سهي):اه ما انا خدت بالي

جيهان(بملل):احنا هنفضل نتكلم كتير كده انا جعت

مروان(وهو يشير الي عده طاولات متلاصقه موضوع عليها بعض الطعام و الشراب):طب يلا اتفضلوا

جلسوا يأكلون جميعا و كان جو المرح و السعاده هو الطاغي علي وجه الجميع الي ان قال مروان:

مروان(مخاطبا آدم):يلا اطلع غني

ريم(مشجعه):ايوه يلا يلا يلا

سهي(باندهاش):ايه ده انت بتعرف تغني

حازم:متجوزين بقالكوا تلت شهور و متعرفيش إذا كان بيغني و لا لأ

سهي(باندهاش):مسألتش اصلا و هو مقالش

عمر:ده غلبني يا حاجه

سهي(بحماس):لا ايه ده انا عايزه اسمع مليش دعوه

آدم(وهو ينظر لها):مصممه يعني

سهي(وهي تومئ برأسها):اه

آدم(وهو يقوم من علي كرسيه):طيب

توجه آدم الي المسرح و ما ان صعد حتي امسك الميكروفون و قام بغناء اغنيه تعشقها سهي كثيرا

و ما ان انتهي من غنائها حتي صفق له الجميع بحراره فنزل آدم من علي المسرح و قال لسهي التي كانت عينها قد امتلئت بالعبرات:

آدم(وهو يجلس بجانبها):عجبتك؟

سهي(و قد هربت من عينها عبره):اه اوي

آدم(وهو يجفف لها عبراتها بيده):طب بتعيطي ليه طيب

سهي:عشان بحبك اوي

آدم(وهو يحتضنها):و انا بعشقك يا سو

مروان:الله الحب ولع في الدره

سهي:ملكش دعوه يا رخم

حازم:انتو جايين كتب الكتاب وش

آدم:هو امتي صحيح انا اللي اعرفه انه الاسبوع اللي جاي

حازم:اه يوم الجمعه

آدم:ربنا يتمملكوا علي خير باذن الله

سهي(بصوت متعب):آدم انا عايزه امشي

آدم(بخضه):مالك في حاجه تعباكي نروح للدكتور

مروان:لسه مشوفناش هديته هي فين

آدم(وهو ينظر الي ساعته):عند البيت المفروض (ثم استطرد قائلا لسهي)تعبانه اوي نمشي دلوقتي

سهي(بنفس النبره):اه ياريت

آدم(وهو يمسك يدها):طيب يلا
•••••••••••••••••••••••••••••••••

في صباح اليوم التالي استيقظ آدم علي صوت صراخ سهي فقام فزعا و نزل درجات السلم بسرعه كبيره ظل يبحث عنها الي ان هداه صوت صراخها الي المطبخ دخل ليجدها تجلس علي سطح طاوله المطبخ و هي تصرخ و تبكي فقال لها آدم:

آدم(وهو يقترب منها قائلا بفزع):ايه في ايه؟

سهي(وهي تبكي و تشير علي الارض):صرصار

آدم(و قد هدأ قليلاً):رعبتيني يا شيخه كل ده عشان صرصار

سهي(وهي لا تزال علي حالتها):بخاف منه يا آدم

آدم(وهو يقلدها):بخاف منه يا آدم (ثم استطردت قائلا)طب انزلي طيب

سهي:لا لما تموته الاول

آدم:خلاص انتي انزلي و انا هبقي اموته عشان لو هرب كده و لا كده

سهي(وهي تنظر حولها):طب هات الكرسي طيب مش عارفه انزل

آدم(وهو يحيط خصرها بيديه):طب انا هشيلك يلا

سهي:لا اخاف

آدم(وهي يحملها من خصرها):متخافيش اهو (ثم اكمل بعد ان انزلها) انتي رفيعه كده حتي و انتي حامل

سهي(و هي تضرب كتفه برفق):ملكش دعوه بيا انا و بنتي

آدم:طب يلا عشان اموت الصرصار اللي تاعبك ده (ثم قال محاولا اخافتها) ايه ده الصرصار اهو

سهي(وهي تتخفي وراء ظهره و تقول بصوت عال):اقتله بسرعه

آدم(ضاحكا وهو يلتفت اليها و يمسك يدها):ههههههه مافيش حاجه متخافيش اقعدي بس انتي و انا هموته و اجيلك

سهي(وهي تخرج من المطبخ):طيب بس اقتله بسرعه

آدم:حاضر يا ستي

بعد دقائق عاد آدم و جلس بجانب سهي التي قالت له:

سهي(وهي تنظر له باهتمام):ها موته

آدم(وهو يمط شفتيه):ملقتهوش

سهي:يوووه بقي كده يتمشي في الفيلا و يبقوا كتير مدورتش عليه كويس ليه

آدم(وهو ينظر لها من رأسها لاخمص قدميها):ايه يا هانم اللي انتي لابساه ده

سهي(وهي تنظر الي نفسها):ايه ماله اللي انا لابساه

آدم(وهو يقترب منها):زي القمر

سهي(وهي تقوم من علي الكنبه):تحب تتغدي ايه
آدم(وهو يقوم هو الاخر):لا محبش (ثم قال بهمس)بس احب اوي انك تيجي تشوفي هديتي

سهي(وهي تتفحصه بابتسامه):هديه ايه؟

ادم(وهي يمسك يدها):هديه عيد ميلادك يا هبله

سهي(وهي تضربه علي صدره بخفه):بطل شتيمه (ثم قالت وهي تنظر وراء ظهر آدم و امامه)و بعدين هي فين الهديه دي مفيش حاجه

آدم(وهو يشير الي بطنها):مش عيب تضربيني قدام البنت كده و بعدين الهديه بره يا ستي

سهي(وهي تنظر له متسائله):بره فين

آدم(وهو يشير الي باب الفيلا):بره بره الفيلا

سهي(بتعجب):نعم؟

آدم(وهو يمسك يدها):يلا بس و انتي تفهمي

سهي(وهي تقف امامه):لا مش هنروح غير لما اعرف هي ايه

آدم(متاففا):اوففف انتي شكلك كده مش عايزاها خلاص خلينا قاعدين

سهي(وهي تمسك يده):لا يلا يلا انا بس عايزه اعرف هي ايه

آدم(وهو يمشي باتجاه باب الفيلا و يمد لها يديه): طيب يلا

سهي(وهي تمسك بيديه):يلا يلا

خرجت سهي وهي ممسكه بيد آدم الذي خرج من باب الفيلا و قال لها:

آدم:اهيه

سهي(و هي تلتفت يمينا و يسارا):فين دي انا اتعميت و لا ايه

آدم:اظاهر كده يا روحي (ثم اكمل وهو يشير الي احد السيارات)اهيه اهيه

سهي(بهبل):ايوه فين يعني

آدم(وهو يشير الي نفس السياره):اهيه يا سهي اومال لو مكنش في غيرها في الشارع يعني

سهي(و هي تشير الي مكان ما يشير آدم):انت بتهزر اكيد ايه ده؟

آدم:(بمرح):الهبل نزل عليكي مره واحده كده خلاص يا ستي هاخدها انا

نظرت سهي الي السياره و قد بدا عليها الشرود فقد كانت السياره من طراز Porsche مكشوفه السطح و التي حلمت سهي كثيرا باقتنائها لم يفقها من هذا الشرود غير جمله آدم الاخيره فقالت له:

سهي(وهي غير مصدقه):آدم ايه ده؟

آدم(بمرح):دي porsche يا روحي لو مش عايزاها اخدها انا معنديش مشاكل

سهي:ايوه واخده بالي انها porsche بس ليه؟

آدم:هو ايه اللي ليه عشان عيد ميلاد روح قلبي و مامت بنوتي

سهي(بجديه):طب مش ملاحظ انها كتير شويه علي روح قلبك و مامت بنوتك؟

آدم(وهو يحتضن وجهها بكفيه):لا مش كتير بعدين انتي مراتي يا هبله مش اي حد

سهي:ايوه بس كتير بردو

آدم(وهو يقبل رأسها):مش كتير عليكي يا سو

سهي(وهي تحتضنه):ربنا يخليك ليا يا دومه

آدم:و يخليكي ليا يا رب (ثم استطرد قائلا)ها بقي مش هتجربيها

سهي(بابتسامه واسعه):والله انا كان ممكن اجربها لو مكنتش حامل بس كده هيبقي في خطوره لو انت مضحي بينا انا معنديش مشاكل

آدم(وهو يقبل يديها):مضحي بيكوا ايه بس لا يلا قدامي علي البيت

سهي(وهي تدخل الي المنزل):اوكي
•••••••••••••••••••••••••••••••••

مرت اربعه اشهر لم تختلف كثيرا عن سابقها فقد اصبحت سهي شديده التعلق بادم كما كان آدم شديد التعلق به و بابنهما او ابنتهما فبعد حماس سهي علي معرفتها نوع الجنين الا انها رفضت بشده بعد ذلك و ارادت ان تترك هذا الامر ليوم الولاده

و في احد الايام استيقظ سهي و آدم معا علي صوت الهاتف فقال آدم:

آدم(بنعاس وهو ينظر الي سهي):ده مين الرخم ده

سهي(وهي تنظر له وهي لا تزال نائمه هي الاخري):مش عارفه

آدم(وهو يغطي نفسه مره اخري):طب قومي ردي

سهي(وهي تغطي نفسها هي الاخري):مليش دعوه انا تعبانه و بعدين هتقوم اتنين عشان تليفون ماتقوم انت

آدم(وهو يغمض عينيه):اهو قفل اهو احسن

سهي(بعدها بثواني):يييييه اهو بيرن تاني قوم رد بقي يا آدم

آدم(وهو يزيح الغطاء من عليه):طيب طيب اهو

نزل آدم الي الدور السفلي ليجيب علي هاتف المنزل فقال:

آدم(بصوت ناعس):الو

ليلي(بقلق):ايه يا آدم كل ده عشان ترد علي التيليفون

آدم:معلش يا ماما كنت نايم

ليلي:نايم لحد دلوقتي ده الساعه قربت علي تلاته

آدم:معلش كان عندي شغل لحد متأخر

ليلي:طب اديني سهي طيب

آدم:سهي نايمه هي كمان كانت بتشتغل هي كمان

ليلي(معاتبه):ليه كده يا آدم ما قلنا بلاش شغل طول ما هي حامل كده

آدم:قلتلها بس هي اما بتزهق بديها حاجات خفيفه كده تعملها

ليلي:طيب ماشي يا حبيبي هبقي اتصل بيكو بليل بقي تكونوا فايقين

آدم:طيب اوكي

ليلي:يلا مع السلامه

آدم(وهو يضع سماعه الهاتف):مع السلامه

صعد آدم الي الغرفه و ما ان تدثر بالغطاء حتي قالت له سهي:

سهي(وهو نائمه علي بطنها و وجهها علي الوساده):مين اللي كان بيتصل

آدم(بخضه):بسم الله الرحمن الرحيم انتي مش كنتي نايمه يا بنتي

سهي(وهي تلتفت اليه):كنت بقي بس مش عارفه انام تاني

آدم(وهو يلتفت ليصبح في مقابلتها قائلا بلهفه):ايه ليه في حاجه وجعاكي اتصل بجيجي

سهي:ايه كل الخوف ده متقلقش اوي كده

آدم:يا بنتي انتي في نص السابع يعني ممكن تولدي في اي لحظه دلوقتي

سهي:لا متقلقش هي عماله ترفص بس فمش عارفه انام

آدم:ترفص اه و ليه ميكونش يرفص

سهي:صحيح انا عمري ما سألتك انت عايز بنت و لا ولد

آدم(مفكرا):و الله كل اللي يجيبه ربنا كويس بس لو بنت هتبقي حاجه تحفه كده

سهي(مستغربه):اشمعنا يعني؟

آدم:يعني يبقي عندي اتنين زي القمر كده واحده كبيره و واحده صغنونه بقي كده نلعب بيها و نجيبلها الدولاب البينك ده و نملاهولها فساتين بينك بردو و نسرح لها شعرها و نحطلها منيكير و نجيبلها الشرابات البيضه ام كرانيش دي........

سهي(مقاطعه):ايه يا ابني هتعمل فيها كل ده

آدم(مبتسما):طب بذمتك انا مش اب عسليه

سهي(وهي تقبل وجنته):و احلي اب في الدنيا

آدم(مداعبا بطنها المنتفخ):شوفتي بابي بيحبك ازاي و هيعملك كل اللي انتي عايزاه بس انتي تعالي بس

سهي(و هي تتحسس بطنها المنتفخ):و مامي كمان بتحبك بس لو بطلتي ترفصي هتبقي كيوت اوي

آدم(ممازحا):لا انا بنوتي تعمل اللي هي عايزاه (ثم قال وهو يداعب بطنها)رفصي براحتك يا روحي

سهي(قائله بألم وهي تغمض عينيها بقوه):اه

اد(بذعر):ايه ايه في ايه في حاجه وجعاكي

سهي(وهي تقوم بتكاسل):لا مفيش بس هي نفذت كلامك بزياده

و ما ان وقفت سهي حتي سمعت خرير ماء نظرت تحتها لتجد ماء الرأس ينزل منها فوقفت تنظر الي آدم الذي كان ينظر لها و علامات الدهشه و الخوف مرسومه علي وجهه الي ان صرخت سهي صرخه مدويه لتفيق آدم من حالته فركض بسرعه متوجها الي الهاتف قام بالاتصال بجيهان ليجد حازم يرد عليه:

حازم(بمرح):ايه يا برنس مختفي فين كل ده

آدم(بسرعه):حازم هات جيهان بسرعه سهي بتولد

حازم(بذعر):يا نهار ازرق دي ايه اللي ولدها بدري اوي كده (ثم استطرد قائلا)ثانيه واحده هنادي جيهان تقولك تعمل ايه

آدم(بقلق):بسرعه الله يخليك

جيهان(بسرعه و قلق):ادم بسرعه انزل وديها المستشفي و انا هحصلكوا علي هناك

آدم(بسرعه):طيب ماشي

و في غضون دقائق وصل آدم الي المستشفي و حملت سهي علي نقاله و دخلوا بها الي غرفه العمليات مرت ساعه كانت اسوء ساعه في حياه آدم فلم يكن يعلم هل يفرح بأنه سيرزق بمولود من سهي ام يحزن لانها راقده بغرفه العمليات بين الحياه و الموت و ما هي الا دقائق حتي وجد احدي الممرضات تهرول ناحيتهم فقال لها والد سهي:

محمد(مخاطبا الممرضه):خير يا بنتي هي كويسه

الممرضه(بسرعه):نزفت كتير اوي و عايزين حد يتبرعلها بالدم

محمد(بسرعه):انا خدي مني انا انا نفس فصيلتها بالظبط و باباها يعني في تطابق

الممرضه:لا مينفعش انت راجل كبير و منضمنش ايه اللي ممكن يحصلك بعد كده

آدم(بنبره حزينه بعد ان خرج من صمته الذي اقلق الجميع):هي فصيلتها ايه؟

الممرضه:A+

آدم(بسرعه):انا نفس الفصيله دي خدي الدم اللي انتي عايزاه

الممرصه:عندك اي امراض معديه

آدم:لا الحمدلله

الممرضه(وهي تسير ناحيه احدي الغرف):طيب اتفضل معايا

و بعد مرور ساعه اخري خرجت ممرضه اخري من العمليات و هرولت ناحيه عائله آدم و سهي و قالت لهم:

الممرضه(وهي تنظر اليهم بتساؤل):مين والد الطفل؟

آدم(بقلق):انا خير في ايه

الممرضه(مبتسمه):مبروك جالك بنت

آدم(بسرعه):مش مهم المهم سهي كويسه

الممرضه:اه المدام كويسه اوي و شويه كده ترتاح من الولاده و هننقلها اوضه عاديه باذن الله

آدم:طب انا ممكن ادخلها

الممرضه:لا معلش خليها ترتاح دلوقتي لأن الولاده كانت صعبه عليها اوي و شويه كده لما تتنقل اوضه عاديه ابقي اقعد معاها براحتكوا

احمد:طب هي البنت فين

الممرضه:في الحضانه

ليلي(وهي تضرب علي صدرها):الحضانه ليه؟

الممرضه:لا متقلقيش ده مجرد اجراء روتيني عشان نتأكد من صحه الجنين

محمد:متشكرين يا بنتي تعبناكي معانا

الممرضه(وهي تغادر):علي ايه ده واجبي
•••••••••••••••••••••••••••••••••