كيف أنسى

جزء ١٠

الحلقه ١٠

توجه ادم مع سهي الي الشرفه ظلوا ينظرون امامهم دون اي حديث حتي قطع هذا الصمت صوت ادم وهو يقول:
ادم(وهو ينظر اليها بعمق):وحشتيني
ظرت سهي اليه لتصطدم بنظراته المصوبه اتجاهها ادركت عندها كم اشتاقت اليه فقالت له:

سهي:و انت كمان

ادم:ياااه اخيرا يا شيخه بقينا مخطوبين ده انا كان ناقص ابوس رجلك عشان توافقي (ثم استطرد قائلا)ها يا ستي اختاري اي مكان يعجبك في اي حته في الدنيا نعمل فيه خطوبتنا

سهي:لا انا مش عايزه اعمل خطوبه

ادم:ليه كده

سهي(بمرح طفولي):اصلي بحب اوي ان الناس كده تشوف الدبله و يفتكروا اني معزمتهومش و يزعلوا و كده (ثم نظرت اليه وهي تقول بنفس لهجتها)بعدين بيني و بينك يعني انا حابه كده عشان اغيظ صحابي بقي و البنات اللي منطورين حواليك دول و بنات عمك و خالتك و الناس دي كلها

انفجر ادم ضاحكا من طريقه سهي و تفكيرها حيال هذا الموضوع فقال لها:

ادم(وهو يضحك):ههههههه يعني انتي مش عايزه خطوبه عشان تغيظي صحابك و البنات اللي في عيلتي

سهي(وهي تومئ برأسها):امم

ادم(بنبره حانيه):ليه بس دول حتي غلبانين

سهي(وهي تتقدم نحوه رافعه سبابتها امام وجهه):لو سمعتك بتتكلم عن اي واحده قدامي هموتك

ادم:ماشي يا ستي بس انتي صحيح ايه اللي خلاكي توافقي ان كتب الكتاب يبقي بعد شهر

سهي:امم كلام باباك اقنعني بصراحه

ادم:ماشي يا ستي

سهي(متسائله):صحيح يا ادم انتوا البنات في عيليتكوا كلها كده؟

ادم:كده ازاي يعني

سهي:يعني كلهم بهوت شورت و كده

ادم:اهه تقريبا كلهم كده معادا علا بنت عمتي ثريا
سهي(متعجبه):اشمعنا يعني؟

ادم:يا ستي هي و بابا كانوا اكبر اتنين بعدين جه عبدالله و حسين وهما كانوا مش متجوزين مصريات يعني مرات عمي عبدالله اسمها جاكلين دي بريطانيه عمي حسين بقي مراتو ايناس دي من ام فرنسيه و اب لبناني و عاشت طول عمرها في فرنسا عرفتي ليه بقي يا ستي

سهي:اممم اومال سالي دي مين؟

ادم:سالي يا ستي بنت خالتي فريده دي خالتي الوحيده وكانوا عايشين في ايطاليا طول عمرها هي اتجوزت و خلفت عمرو و سالي هناك كمان

سهي:تمام

ادم:مافيش حاجه تانيه فضولك هيموتك و تعرفيها
سهي:هههههه لا مفيش

ادم:طب يلا ندخل

سهي:يلا
•••••••••••••••••••••••••••••••••
مر اسبوع منذ ان تمت خطبه سهي و ادم كان ادم يحدثها باستمرار مما ازال من عندها ذلك الشعور في التسرع توجهت الي الشركه كعادتها و

دخلت الي مكتبها وتابعت عملها الي ان قاربت الساعه علي الثالثه و النصف عصرا توجهت الي الخارج لتجد ادم وهو يغادر مكتبه و قال لها في سرعه:

ادم(بسرعه):يلا يلا تعالي معايا بسرعه

سهي(باندهاش):اجي معاك فين

ادم(وهو يقف امامها):ماما عازماكي علي الغدا عندنا

سهي(وهي تخرج هاتفها):طب استني هكلم بابا اقوله

ادم(وهو ياخذ منها هاتفها و يضعه في جيبه):عيب عليكي اكيد يعني اتصلت استئذنت منه

سهي:مش عارفه ليه مش مرتاحالك

ادم:يلا بس يلا هنتاخر

سهي(وهي تسرع في خطواتها لتلحق به):طب هات الموب طيب

ادم:و ده وقته بالذمه يلا انجزي

خرجا معا الي خارج الشركه توجه ادم الي سيارته بينما توجهت سهي الي سيارتها فقال لها ادم:

ادم(بسرعه):ايه ده ايه ده لا تعالي اركبي معايا

سهي(و قد استغربت توتره):لا انا هركب في عربيتي عشان احفظ الطريق

ادم(بنفس سرعته في الكلام):اه طيب ماشي يلا

كاد ادم ان يركب سيارته الا ان اوقفه صوت سهي و هي تناديه:

سهي:ادم

ادم:نعمم

سهي:الموبايل

ادم(باستغراب):ماله؟

سهي:معاك هاته

ادم:عايزه موبايلي يعني

سهي:يا ادم ركز معايا موبايلي معاك

ادم(وهو يمد يده في جيب بنطاله):اه ايه ده ايه اللي جابو هنا

سهي(وهي تاخذ هاتفها منه):معرفش

ادم(وهو يتوجه الي سيارته):طب يلا بسرعه بسرعه

سهي(بصوت خافت):ده انت مش طبيعي خالص النهارده
•••••••••••••••••••••••••••••••••
وصل سهي و ادم الي القصر لاقت سهي ترحيبا كبيرا فهي تعتبر اول زوجه لاحد من ابناء محمود الشاذلي كما ان معاملتها الطيبه مع الجميع جعلت الجميع يحبها سلمت عليها ليلي بحبور قائله:

ليلي(وهي تقبلها):اهلا اهلا ازيك يا سهي عامله ايه يا حبيبتي

سهي:الحمدلله يا طنط ازي حضرتك

ليلي:لا طنط ايه بقي دي كلها كام يوم و تبقي مراة ابني يعني تقوليلي ليلي لولا ماما اي حاجه تعجبك

سهي:تمام اوك

ليلي:طب عنئذنك بقي هروح اشوف الاكل وجيليك تاني

سهي:براحتك يا طنط

ليلي(وهي متوجهه الي المطبخ):تاني طنط

سهي:ههههه معلش معلش

اسر(وهو ينزل من علي السلم الداخلي):اهلا اهلا وانا اقول البيت نوّر كده ليه اتاري سهي هانم ال..(ثم تابع قائلا)صحيح اسم عيلتكو ايه

سهي(ضاحكه):الشافعي

اسر(وهو يجلس علي الكرسي المجاور):تمام ماشي عامله ايه بقي

سهي(بابتسامه):تمام الحمدلله انت عامل ايه

اسر:الحمدالله بس ايه ده انتي في الشركه حماده و بره الشركه حماده تاني

سهي:عادي يعني بس الشغل شغل

اسر:احب انا الستات اللي بتعرف تفصل كده

ادم(من خلف سهي):طب لم نفسك بقي يا حبيب
اسر:ايه يا عم اللي انتا لابسه ده

ادم(وهو يعدل هندامه بطريقه مسرحيه):ايه حلو

اسر:يعني اول يوم خطيبتك اللي كلها كام يوم هتبقي حرم ادم الشاذلي اول مره تيجي فيها القصر تلاقيك بالمنظر ده

سهي(وهي تنظر الي ادم الذي كان يرتدي بيجاما قطنيه بالون الاسود و بنطالها من الكاروهات البيضاء و السوداء و الكحلي):لا والله شكلك كيوت

اسر:كيوت مين بس بطلي بقي المجاملات اللي هتوديكي في داهيه دي

آدم:مالكش فيه واحد و خطيبتو متدخلش بينهم تعالي يا بنتي نتمشي شويه

سهي:يلا
•••••••••••••••••••••••••••••••••
اجتمع الجميع علي مائده الطعام التي كانت ليلي قد اعدتها خصيصا من أجل سهي التي كانت تزورهم لاول مره و بينما هم جالسين علي مائده الطعام:

سهي:سلم ايدك يا طنط

ليلي:الله يسلمك يا....

سالي(مقاطعه كلام ليلي):هااااااي

احمد:اهلا

سالي(وقد لاحظت وجود سهي):ايه ده هو انتوا بقيتوا تخلوا اللي بيشتغلوا عندكوا يتغدوا معاكو و عادي كده يعني

محمود:لا يا سالي سهي مش بتشتغل عندنا سهي.....

سهي(مقاطعه كلام محمود):بصي يا لولو (مدت اليها سهي يدها اليمني لتنظر سالي الي الدبله)

سالي:ايه ده؟

سهي(بفخر):انا و ادم اتخطبنا

سالي:نعم؟

سهي:زي ما سمعتي كده يا لولو

سالي(بعصبيه):انا ماشيه

سهي(باسلوب مستفز):باااااااااي

رحلت سالي و انفجر ادم ضاحكا بينما نظر ليلي و محمود الي بعضهم نظرات اعجاب مما فعلته سهي اما اسر فقد قال لها:

اسر(بمرح):ايه يا جامده اللي انتي عملتيه ده

سهي(بغرور):اقل حاجه عندي

اسر:انتي عملتي اللي محدش من العيله دي عرف يعمله

سهي:ليه يعني

اسر:انتي مش متخيله ده احنا كنا بنعاني منها لما تيجي كانت بتفضل مبلطه هنا بالايام

احمد:اهو جالكو اللي يريحكو منها

اسر(بمرح):انا عايز واحده فول اوبشنز زي سهي كده يا ادم

ادم:امشي العب بعيد

اسر:ماشي ماشي (ثم تابع قائلا بمرح)طب ماتفكك يا سهي من ادم و تيجي نتجوز انا و انتي احنا حتي لايقين علي بعض

سهي(مفكره):اممم

ادم:هتفكري في ايه حضرتك

سهي:الله مش يمكن اوافق

ادم:براحتك انا قايم بقي لو حد عايز حاجه انا في مكتبي

اسر:تصحبك السلامه

ادم:حد يحوشني عن الواد ده بدل ما اقتله

سهي:ادم انا همشي بقي

ليلي:ليه كده يا سهي ما لسه الدنيا بدري

سهي:معلش بقي يا طنط علي ما الحق اروح و كده بقي

ادم:طب استني هوصلك

سهي:لا لا انت ناسي اني جايه بعربيتي و مش عايزه اتعبك معايا

ادم:يلا قدامي بلاش دلع انا هوصلك

سهي:ماشي

ليلي:صحيح انتوا خلاص كده كله تمام يعني و الفرح مع كتب الكتاب

ادم:اه خلاص كله تمام

ليلي:طيب مش محتاجه اي مساعده في اي حاجه يا سهي

سهي:لا ميرسي يا طنط انا تقريبا خلصت كل حاجه

ليلي:ربنا يكملكوا علي خير يا رب

ادم:يا رب يلا بقي قبل ما الدنيا تليل وانا بخاف امشي في الشارع بليل

سهي:ههههههه ماشي يلا
•••••••••••••••••

جاء اليوم الموعود يوم عقد قران سهي و ادم كانا يشعران بمشاعر مختلفه من التوتر و الارتباك و ربما بعض التسرع.
كان ادم مستيقظا من ليله امس فهو لم يستطع النوم من فرط سعادته فهو الي الان لا يصدق ان هذه الفتاه التي عشقها من كل قلبه ستكون زوجته له وحده شعر انه اشتاق اليها كثيرا فقام بمهاتفتها
•••••••••••••••••••••••••••••••••
كانت الساعه تشير الي الثانيه عشر ظهرا كانت سهي نائمه عندما دق جرس هاتفها ردت وهي لازالت مغلقه العينين و قالت:

سهي(بنعاس):الو

ادم(بابتسامه):انتي لسه نايمه

سهي(بنفس النبره النائمه):اممم في حاجه يا ادم

ادم:لا ابدا انا بس كنت.......

قطع حديثه صوت صريخ سهي و اغلاق الخط

ادم(بفزع):الو الو سهي
•••••••••••••••••••••••••••••••••
كانت سهي تتحدث مع ادم و لم تشعر بوجود ريم و جيهان معها في الغرفه وبينما هي تحادثه وهي نائمه إذا بدلو ماء بارد يلقي علي راسها فاخذت تصرخ من فزعها و اغلقت الهاتف مع ادم بسرعه وقامت و قالت:

سهي(وهي تجري وراء ريم و جيهان):يا كلاب يا جزم

ريم:يا بنتي هو فيه عروسه تنام لحد الظهر كده

راندا:قوليلها يا بنتي (ثم تابعت وهي تسأل سهي) كلمتي مامتك يا سهي

سهي(وهي تضرب يدها براسها):اخخ نسيت خالص (ثم توجهت الي غرفتها لتحضر هاتفها)ييييه الموبايل اتقفل من الوقعه مش هستني انا لما يفتح هاتي يا جيجي موبايلك

جيهان(وهي تناولها الهاتف):اتفضلي ياختي ده عشان طنط بس لكن لو عليا كنت سيبتك زي الكلبه

سهي(وهي تطلب والدتها):كلك زوق
•••••••••••••••••••••••••••••••••
حاول ادم الاتصال بسهي مرارا و تكرارا لكن في كل مره يكون الهاتف مغلقا تملك منه الخوف حاول الاتصال بجيهان ليجد هاتفها مشغولا فقام بمهاتفه مروان:

ادم:الو

مروان:ايه يا عريس مش المفروض تبقي مش فاضي بقي و كده

ادم:ونبي يا مروان انا مش ناقص خالص

مروان:في ايه يا ادم مالك

ادم:معاك رقم ريم

مروان:اه بس ليه؟

ادم:اصل سهي كانت قالتلي ان ريم و جيهان هيبقوا معاها النهارده و انا عايز رقم ريم انجز بقي

مروان:طيب استني اقفل و هبعتهولك في مسج

ادم:طيب تمام سلام

مروان(باستغراب):مع السلامه
•••••••••••••••••••••••••••••••••
اتصلت سهي بامها لترد والدتها علي الفور:

ماجده:الو

سهي(بفرحه):ماما ازيك عامله ايه وحشتيني اوي

ماجده(بفرحه):سهي ازيك انتي يا حبيبتي عامله ايه

سهي:انا الحمدلله كان نفسي تبقي معايا

ماجده:ربنا يكرمك يا بنتي ويهدي سرك يا رب

سهي:يا رب يا ماما يا رب انا اسبوع كده ولا حاجه وهجيلك عشان وحشتيني اوي انتي و شروق

ماجده:شروق زمانها في الطريق جيالك

سهي:ايه ده بجد طب ماجيتيش معاها ليه

ماجده:انتي عارفه يا بنتي مبقتش اقدر امشي زي الاول يلا بلاش نقلبها نكد اقفلي بقي انتي اكيد وراكي حاجات كتير

سهي:طيب اوك باي باي

ماجده:باي يا حبيبتي

اغلقت سهي مكالمتها مع امها لتجد ريم تقول لها:

ريم(وهي تمد يدها الي سهي بهاتفها الذي كان يرن):سهي ده ادم اكيد عايزك خدي ردي

سهي(وهي ترد علي الهاتف):الو

ادم(بفزع):سهي انتي كويسه

سهي:اه يا ادم كويسه متخافش

ادم(باطمئنان):مخافش ازاي بس دا انتي وقعتي قلبي

سهي:يا حبيبي مافيش حاجه والله

ادم(بابتسامه):يا ايه؟

سهي(بسرعه):يلا سلام سلام مش فاضيه

ادم:مع السلامه
•••••••••••••••••••••••••••••••••
دقت الساعه السابعه مساءا وفي احد فنادق ارقي فنادق الاسكندريه كان هناك حفل زفاف اسطوري وفي احدي غرف هذا الفندق كانت سهي تجلس مع جيهان بينما انشغلت ريم بالترحيب بالضيوف و توجيههم الي طاولاتهم.
كانت سهي تمرح مع جيهان عندما سمعت الفتاتان طرقا علي الباب فقالت سهي:

سهي:اتفضل

دخلت فتاه في اواسط العشرينات ترتدي ملابس ضيقه و قصيره للغايه و وجهها ملئ بمساحيق التجميل حزرت سهي انها واحده من بنات عم ادم الي ان قالت لها الفتاه وهي تمد يدها لتسلم عليها:

الفتاه(وهي تمد يدها):هاي انا جيرمين بنت عم ادم

سهي(وهي تصافحها):اه اهلا اتفضلي

جيرمين(وهي تنظر الي جيهان):انا بس كنت حابه اتكلم معاكي علي انفراد

سهي(بغلاسه):لا عادي اتكلمي مفيش حد غريب

جيرمين:ok as you like انا بس كنت جايه اوعيكي

سهي(و قد بدأت تفقد اعصابها):لخصي عايزه ايه
جيرمين(وهي تنظر لها بدهشه فلم تكن تتوقع ان تكون سهي بهذه الصلابه امامها):انا كنت جايه اقولك ان ادم مش بيحبك و ان جوازه منك ده كله عشان ياخد فلوس عمامه الاتنين (ثم مدت يدها الي حقيبتها لتخرج منها ورقتين ثم قالت)ادي وصيه عبدالله الشاذلي (ثم قرأت عليها ما هو مكتوب في الورقه)اوصي بجميع اموالي لابن اخي الاوسط "ادم محمود الشاذلي" في حال تزوج في مده لا تزيد عن سته اشهر
(ثم قالت وهي تنظر الي سهي)الوصيه دي اتفتحت يوم 30 اغسطس يعني قبل ما ادم يقابلك بيوم واحد (ثم تابعت وهي تقرا الورقه الثانيه)و دي بقي وصيه حسين الشاذلي بيقوا فيها اوصي بجميع اموالي و املاكي لابن اخي "ادم محمود الشاذلي" علي ان ينفذ وصيه اخي "عبدالله"الشاذلي اولا (ثم قالت وهي تلوح بالورقه في وجه سهي) الوصيه دي اتفتحت قبل ما ادم يجي يتقدملك باسبوعين ساعه ما رجعتوا من شرم

كانت سهي و جيهان ينظران الي بعضهما البعض في دهشه كانت سهي تشعر بقلبها وهو يتمزق اربا ثم قالت لجيرمين:

سهي(وهي تنظر الي جيرمين وقد مسحت علامات الانكسار من عينيها):و انا ايه المطلوب مني؟

جيرمين(وهي مندهشه من ان كلامها لم يؤثر عليها اطلاقا):المطلوب انك تساعديني

سهي:اساعدك في ايه بالظبط؟

جيرمين:تساعديني في اني ارجع فلوسي و فلوس بنات عمي عبدالله اللي ادم هياخدهم بمجرد انه يتجوزك و يزود بيهم راس مال الشركه بتاعتو و نترمي احنا بقي في الشارع و انتي اكيد مش هترضي ان احنا نتظلم كده ولا ان هو يعمل معانا كده

سهي(بقوه و صلابه ادهشت جيهان و جيرمين):ادم اللي بتتكلمي عنه ده بعد كام دقيقه هيبقي جوزي يعني مصلحته من مصلحتي و بما انه هيعمل اللي بتقولي عليه ده انه يزود راس مال الشركه و كده دي حاجه في مصلحته يعني من مصلحتي (ثم اكملت وهي تنظر الي جيرمين بسخريه) كنتي غبيه لما افتكرتي اني ممكن اساعدك بس مش مشكله انا عذراكي عشان مكنتيش تعرفيني كويس (ثم قالت بقوه)شرفتي
•••••••••••••••••••••••••••••••••
نزلت جيرمين وهي تجر ذيول الهزيمه ورائها فقد فشلت في عدم اتمام هذه الزيجه فقد كانت كباقي العائله يريدون ادم لهن لما يملكه من اموال اكثر من اخويه نزلت لتقابل اختها التي قالت لها:

كارمن(بلهفه):ها عملتي ايه

جيرمين(وهي تقص عليها ما حدث ثم قالت بحقد):بنت الذين طلعت مش سهله ابدا

كارمن(بابتسامه مكر):و ماله مصيرها تسيبوا غصب عنها او برضاها
•••••••••••••••••••••••••••••••••
اما في هذه الغرفه التي كانت ممتلئه بالفرحه و السعاده والضحك خيم عليها الان الحزن لم يقطع هذا الصمت سوي صوت جيهان وهي تقول:

جيهان(بذهول):ازاي؟يعني ادم مش بيحبك و عمل كل ده عشان ياخد ميراث اعمامه

سهي(وهي تنظر لها بجمود):كان عندها حق ماما لما قالتلي متأمنيش لراجل بس انا اللي عايزه ضرب الجزم اني صدقت انه بيحبني بالسهوله دي

جيهان(بقلق علي صديقتها):هتعملي ايه يا سهي

سهي(بابتسامه تنم عن شئ ما داخلها):هعمله اللي هو عايزه

جيهان(بقلق):سهي متتهوريش افرضي كلام البنت دي طلع غلط هتبقي ساعتها ظلمتيه بجد

سهي:انا هتأكد من الموضوع ده بنفسي بس نكمل الفرح علي خير

جيهان(بعدم تصديق):لا انا مش مصدقه لما هو مش بيحبك و مش عايز حاجه غير فلوس عمه ايه اللي يخليه يجري وراكي كده و يتحايل عليكي عشان توافقي تتجوزيه ما كان اتجوز اي واحده بقي من بنات عمه او كان اتجوز اي واحده من الشركه و اداها قرشين و خلاص

سهي:انا مش قادره افكر في اي حاجه خالص (ثم استطردت سائله)هو قدامه قد ايه ويجي

جيهان(وهي تنظر الي ساعتها): خلاص حوالي خمس دقايق المفروض

ما ان انهت جيهان جملتها حتي سمعوا صوت طرق علي الباب اذنت سهي للطارق بالدخول فاستأذنت جيهان عندما وجدت والد سهي يدخل وهو يقول لها:

محمد:عقبالك يا جيهان

جيهان(بمرح في محاوله للتخيف عن سهي):تف من بقك يا عمو

محمد(ضاحكا):ماشي يا ستي يلا هوينا بقي شويه
جيهان(وهي تغلق الباب خلفها):خليك فاكرها يا عمو

محمد(وهو يخرج من خلف ظهره علب قطيفه كبيره):اتفضلي يا بنتي

سهي(وهي تفتح العلبه لتجد طقما من الالماس شديد الرقه فقالت لوالدها بانبهار):ايه يا بابا ده ده كتير اوي

محمد(وهو يقبل راس ابنته):مش كتير عليكي بعدين خلاص بقي دي اخر حاجه هجيبهالك و ربنا يخليلك ادم بقي

شعرت سهي بانقباض في قلبها عندما سمعت اسمه شردت في كل ذكرياتهما معا امن الممكن ان يكون كل هذا وهم هل من المعقول ان يتزوجني ادم فقط لانه يريد السطو علي اموال اعمامه افاقت من شرودها علي صوت ريم وهي تناديها قائله:

ريم(بصوت عال):سههييي

سهي(وقد افاقت من شرودها):هاه في ايه

ريم:بقالي ساعه عماله اقولك ادم تحت يلا

سهي(وهي تتأبط ذراعي والدها):يلا
•••••••••••••••••••••••••••••••••
كان ادم يقف اسفل السلم ينتظر نزول سهي و خلفه بعض من اصدقائه و اصدقاء سهي كان ينظر الي السلم الي ان رأي ريم و جيهان وهما ينزلان السلم

و ما هي الا دفائق حتي نزلت سهي وهي تتأبط يد والدها

ورغم بساطتها الا انها كانت تبدو كملكات الجمال بمكياجها الخفيف الرقيق
•••••••••••••••••••••••••••••••••
وصلت سهي مع والدها الي نهايه السلم نظرت الي ادم لتجد ابتسامته تزين وجهه وهو يمد يده اليها نظرت سهي الي يديه لتزيد من تمسكها بيد والدها فهمس والدها باذنها:

محمد(بهمس):مينفعش كده سيبي ايدي بقي

اضطرت سهي الي ترك يد والدها و الذهاب مع ادم الذي ما ان امسك يدها حتي قربها الي شفتيه و طبع عليهما قبله حانيه وسط تصفيق من جميع المعازيم وتوجهوا جميعا الي طاوله المأذون.

ما ان انهي المأذون اجرائات الزواج حتي هبطت من عين سهي دمعه حاره عندما سمعت صوت ادم وهو يقول "قبلت زواجها" لم يلحظ احد هذه الدمعه سوي جيهان التي كانت تتالم من أجل صديقتها
•••••••••••••••••••••••••••••••••
انتهت مراسم هذا الزواج الاسطوري ودع العروسان جميع الاهل و الاصدقاء ثم استقلا سيارتهما الي منزلهما الواقع بحي لوران.
كانت سهي ترسم طوال الحفل ابتسامه مزيفه نجحت في جعلها حقيقيه ببراعه فلم يشك احد في ان هناك شئ ما يدور بداخلها فقد كانت سهي بارعه في اخفاء ما تشعر به لكن ازالت تلك الابتسامه التي اشعرتها بزيف شخصيتها عندما ركبت بجوار ادم.
بعد قرابه النصف ساعه اوقف ادم سيارته امام احدي الفلل الواقعه بحي لوران نزل من سيارته مسرعا وتوجه الي باب سهي وقام بفتحه لها نزلت وهي تشعر بانها لا تطيق ان تبقي معه لوهله قام بفتح باب الفله و وقف عند الباب وهو يقول لها:

ادم(بابتسامه):اتفضلي

دخلت سهي دون ان تنظر الي ادم ظلت تتفحص الفله الي ان ناداها ادم قائلا:

ادم:سهي

سهي(وهي تلتفت اليه):نعم

ادم(وهو يقترب منها): بحبك

غلي الدم في عروق سهي و اخذت تتسائل الازال يكذب حتي الان ياله من انسان وقح و لم تشعر بنفسها الا وهي تصفعه وتقول له:

سهي(بعصبيه):انت كداب

وضع ادم يده علي وجهه في مكان ما صفعته سهي وقال لها:

ادم(بصوت عال):انتي مجنونه ايه اللي عملتيه ده ان شاء الله

سهي(بعصبيه):انا فعلا مجنونه عشان اتجوزت واحد زيك

ادم(بسخريه):ليه مش قد المقام ولا ايه

سهي(بصوت عال وقد زادت عصبيتها):عشان اوهمتني انك بتحبني عشان نتجوز بسرعه و تاخد انت ميراث اعمامك صح ولا انا غلطانه

صمت ادم فقد الجمته كلماتها المتهمه له اخذ يتسائل كيف علمت بأمر الوصيه من اخبرها بها بل ومن اين جائت بفكره اني تزوجتها من أجل الحصول علي الميراث طال صمته فقالت سهي:

سهي(و قد بدأت تهدأ قليلاً):سكوتك ملهوش غير معني واحد اني معايا حق في اللي قولته (ثم اقتربت منه وهي تقول)انا بكرهك يا ادم واول ما تاخد الفلوس اللي اتجوزتني عشانها كل واحد مننا يروح في طريق

لم يقوي ادم علي سماع المزيد منها فاخذ هاتفه ومفاتيحه و خرج من الفيلا بينما بقيت سهي واقفه حتي ادركت ما حدث فصعدت الي الغرفه التي يوجد بها ثيابها و ثياب ادم فاخذت ثيابها و جميع اغراضها و نقلتهم الي غرفه اخري و ظلت جالسه فوق السرير و قد تجمعت العبرات في عينيها لكنها ابت ان تنزل
•••••••••••••••••••••••••••••••••
ظل ادم يدور بسيارته وهو يفكر في ما حدث منذ قليل فقال في نفسه:"هل حقا كرهتيني يا سهي هل من الممكن ان تكرهيني لمجرد موقف لم تعلمي حقيقته حتي أإلي الان لم تعرفيني جيدا لم تستطيعي معرفه اني لست من هذا النوع الذي يخدع الفتيات بكلمه حب ابلفعل تظنين انني لا احبك؟ابعد كل ما فعلته معها وجريي ورائها تظن ان كل هذا من اجل المال" ظل يدور قرابه الساعتين الي ان عاد الي منزله
•••••••••••••••••••••••••••••••••
عاد ادم الي منزله ليجد المنزل هادئا حزر ان سهي نائمه توجه الي غرفته و فتح الدولاب ليبدل ملابسه ليجد سهي قد نقلت جميع اغراضها الي غرفه اخري احس بوخز في قلبه كان يريد الاطمئنان عليها بشده لكن كيف ذلك تنهد تنهيده حاره ثم ابدل ملابسه و دخل الي فرشه املا في النوم لكنه لم يستطع
•••••••••••••••••••••••••••••••••