الحلقه ٢٧
عندما قالت سهي كلماتها لم تكن تعلم ان هناك من يسمع كلماتها تلك من خلف الباب و يبدو عليه الذهول مما سمع.....آدم الذي ما ان انهت سهي كلامها حتي غادر مسرعا دون حتي ان يقول لابنته انه ذاهب ظل يجوب الشوارع بالسياره و عقله يكاد ينفجر من التفكير ظرف به جواب يخبرها انه يخونها..رساله علي هاتفه تجعلها تشك به..ظرف اخر به صور له مع عده فتيات انه بالتأكيد من تخطيط شخص ما لكن كيف سيثبت برائته اولا الصور تذكر انه سمعها تقول انها مع آسر فقاد سيارته الي القصر و بعد ان دخل سأل احد الخدم عن مكانه فقالوا له انه بغرفته فصعد له و ما ان دخل حتي قال له آسر:
آسر(بسخريه):اهلا اخويا الكبير القدوه مشرف هنا
آدم:آسر مش وقت ظرف انت في عندك حاجه انا عايزها
آسر(بنفس النبره):حاجه زي ايه كده (ثم قال وهو يخرج الصور من درج الكومود و يرميها بوجهه)زي دول كده يا أخويا يا محترم
آدم(وهو يأخذ الصور):ملكش دعوه انت مش فاهم حاجه
آسر:طب ماتفهمني
آدم(وهو يغادر الغرفه):مش وقته
•••••••••••••••••••••••••••••••••
توجه ادم بعد ذلك الي صديقه نور الذي كان يعمل مهندسا باحدي شركات الاتصالات و ما ان رآه نور حتي قال له:
نور:اهلا اهلا دومه باشا ازيك
آدم(وهو يجلس علي الكرسي المقابل له):تمام الحمدلله انت عامل ايه يا نور
نور:تمام اوي (ثم استطرد قائلا)بس ايه سر الزياره المفاجئه دي
آدم:بص يا سيدي انا قاصدك في خدمه
نور(بمرح):قول ما انا عارفك مصلحجي
آدم:بص انا من حوالي اسبوعين تلاته كده جاتلي رساله بس مراتي مسحتها المهم انا عايز اعرف بقي الرقم اللي بعتلي الرساله دي
نور(باستغراب):طب طلاما مسحتها انت عايز الرقم في ايه
آدم(بمرح):يا عم انت مالك انا عايز الرقم و خلاص
نور:بسيطه يا سيدي بس انت بتعمل save للرسايل اللي بتجيلك علي الSim Card ولا الموبايل
آدم:لأ علي الsim
نور:طيب تمام كده بقت بسيطه ان شاء الله
•••••••••••••••••••••••••••••••••بعد نصف ساعه.....
نور:اتفضل يا سيدي الرقم.......
آدم(وهو يسجل الرقم):طب ممكن طلب كمان بقي
نور(بمرح):اتفضل يا سيدي شكلنا مش هنخلص منك النهارده
آدم(بمرح هو الاخر):و انت تتطول لما آدم الشاذلي بنفسه يبقي عندك طول اليوم
نور:طب يا سيدي حصلي الشرف ها بقي عايز ايه؟
آدم:شوفلي الرقم ده متسجل باسم مين
نور(بعد خمس دقائق):اهو يا سيدي متسجل باسم واحده اسمها كارمن حسين الشاذلي (ثم استطرد قائلا)تعرفها دي يا آدم
آدم(وهو يغادر):للاسف بنت عمي (ثم تابع قائلا و هو يغادر)مع السلامه يا نور
نور:باي
•••••••••••••••••••••••••••••••••
كان آدم في طريقه عائدا الي القصر عندما رن هاتفه نظر له ليجدها سهي فرد عليها بلهفه قائلا:
آدم:الو
سهي(باكيه):آدم الحقني
آدم(بفزع):في ايه يا سهي مالك
سهي:لوجي
آدم(وهو يوقف سيارته محدثه صوتا عاليا):مالها لوجي (ثم قال بعصبيه بعد ان لاحظ سكوت سهي)مالها لوجي يا سهي
سهي(و قد زاد بكائها و نحيبها):انت لازم تيجي حالا تشوف المصيبه اللي انت حطتنا فيها دي و والله يا آدم لو لوجي حصلها حاجه لموتك
•••••••••••••••••••••••••••••••••
