Chapter 18.
NANAGINIP ako kagabi. Nakita ko roon si Kenshin, masaya sa piling ni Chirae. Hanggang panaginip ba naman, hindi pa rin ako ang pipiliin niya? Ang sakit sakit lang.
Kahit naman kinakaya ko pa ring pakisamahan si Kenshin na parang walang nangyari, na para bang hindi ako nasasaktan, may times pa rin lalo na kapag mag isa ako na umiiyak na lang ako. Kasi sa paraang iyon, kahit papaano ay nababawasan iyong sakit sa dibdib ko.
Hanga nga ako sa sarili ko e. Paano ko ba nagagawang maging jolly sa harap ni Kenshin? Paano ko ba nababalewala iyong sakit na pinaparamdam niya sa akin? Paano ko hinaharap at tinatanggap ang mga masasakit na salita mula sa kaniya? Paano ko natatawanan iyong bawat pagpapamukha niya sa akin na hindi niya ako gusto?
Paano?
Paano ko nakakayang maging malakas kahit sobrang sakit na?
Muli akong nagsalin ng alak sa shot glass saka ko iyon ininom. Nasa bar ako pero wala ako sa Hashtag bar. Kung gusto kong uminom na walang makikialam, dapat sa ibang bar ako. Ayokong makita si Kenshin tapos paasahin na naman niya ako sa ipapakita niya.
"Cybel, tatlong bote na ang naubos mo? That's enough."
Tumingin ako sa lalaking kararating lang. Si shingshangshung. I called him and told him to be with me. Gusto ko kasing magpakalasing at gusto kong siguraduhin na may maghahatid sa akin pauwi. Well, gusto ko lang din talaga ng kasama. Iyong mapagsasabihan ko ng sama ng loob kasi ang bigat bigat na e.
Ngumiti ako. "Di ba pinapunta kita dito para samahan ako habang umiinom ako at hindi para pigilan?"
"Pero, Cybel..."
"Oopps, no buts! Kung pipigilan mo lang pala ako, iwan mo nalang ako dito."
"Sa tingin mo ba kaya kong iwan ka sa lagay mong 'yan? You're drunk. Babae ka kaya hindi ko hahayaang mag isa ka rito. Paano nalang kung may mambastos sa 'yo?"
I smiled. Muli akong tumungga ng alak. Kung ganito sana si Kenshin... e 'di sana masaya. Kaso hindi e.
Nagsimula na namang tumulo ang luha ko. "Shingshangshung..."
"It's Daryl. Masyadong mahaba iyang tawag mo sa akin." He chuckles.
Tumingin ako sa mga mata niya. Nakita ko pa kung paano siya nagulat dahil siguro may luhang tumutulo mula sa mga mata ko.
"Cybel..."
"Sa tingin mo, anong kulang sa akin? Alam kong hindi ako sobrang ganda o sobrang sexy pero hindi naman kahiya hiya ang itsura ko e. B-Bakit hindi ako magustuhan ni Kenshin?"
Lumambot ang ekspresyon ng mga mata niya.
"You're beautiful inside and out, Cybel. You're a wonderful woman. Bakit hindi ka niya magustuhan? Nasa kanya na ang mali. Hindi niya alam kung ano ang sinasayang niya. You're worth it. Hindi porke hindi ka niya gusto ay hindi ka na karapat dapat na gustuhin."
"Buti ka pa nakikita iyon. Buti ka pa..."
Nagsalin ako sa shot glass saka uminom ulit. Nakakaramdam na ako ng pagkahilo pero kaunti lang naman. Mataas naman ang alcohol tolerance ko. Isa pa, kaya naman talaga ako umiinom ay para magpakalasing. Para mamaya, diretso na akong makakatulog without thinking about him.
"Maybe I'm not enough for him to love me back." Sabi ko saka sinenyasan ang bartender na isang bote pa ng alak.
"Huwag mong isisi sa sarili mo kung bakit hindi ka niya mahal o gusto, Cybel. The thing is. You've always been good enough. You've just been giving the best part of you to the wrong person."
