MAKE ME YOURS (Book 2: Hiroki Kress and Amia Flores)

Chapter 18: All Are Mine

[AMIA'S POV]

Ang akala ni Amia ay may magbabago sa kanila mula nang dumating ang Tiya niya sa kanila. Pero imbes na lumayo si Samuel sa kanya gaya ng inaasahan niya naging kabaligtaran. Mas binabantayan siya nito. Gusto niyang itanong kung ayos na ba ito ngunit lagi siya nitong inuunahan ng sagot.

Magtatatlong buwan na mula nang sumakit ang ulo nito sa harap nila. Ayaw niyang alamin kung may naalala na ba ito dahil natatakot siya. Natatakot siya na meron dahil baka iwan na siya nito. Lumungkot ang buong sistema niya.

Parang bangungot na rin sa kanya ang mga sinabi ng Tiyang niya tungkol kay Samuel. Tinawag ng Tiyang niya ito ng Hiroki Kress. Hindi siya pinapatulog nito. Paano kung tama ang tiya niya? Kung totoong galing ito sa mayamang pamilya at isa itong doktor, lalo siyang nanliit. Wala na nga siyang maipagmamalaki ay nanloko pa siya ng tao. Nagsinungaling siya rito.

Hinawakan niya ang tiyan niya. Humingi siya ng patawad sa baby niya dahil baka pati ito ay naaapektuhan sa mga iniisip niya.

“Hey, ang lalim yata ng iniisip mo.”

Yumakap mula sa likuran niya ang mister. “Natatakot pa rin ako na baka bumalik ang Tiyang ko. Mamaya anong gawin niya. Natatakot ako...”

“Hinding hindi na siya makakalapit sa’yo, Misis. Huwag ka ng mag-alala. Huwag mo na siyang isipin, okay?”

“Samuel, wala ka bang naaalala?”

“Wala.Talagang sumakit lang ang ulo ko noon. Pagod din siguro. Anyway, okay lang talaga ako.”

Mukhang nagsasabi ito ng totoo. Pero hindi pa rin siya mapalagay. Niyakap niya ang asawa ng mahigpit. “Asus! Naglambing pa...”

“I love you...”

“I love you more, Sweetheart.”

Pinanatag niya ang loob sa mga bisig nito. Marahil ay ayos naman talaga ito. Siya lang talaga siguro ang nagiisip ng kung ano ano. “Tara na? Ready ka na ba?”

“Of course!”

“Tara.”

Ngayon ang schedule ng check up niya sa doktor. Si Samuel ang nagpumilit na magpacheck-up siya buwan-buwan para raw sigurado na healthy si baby. Kayod marino si Samuel para sa mga gastusin niya. Lalo siyang humahanga rito dahil likas na matalino ito sa mga bagay bagay. Alam na alam nito kung ano ang tamang gawin. Napakatalino nito. Parang lahat ng sabihin at gawin nito ay tama at ang nararapat.

“Aba Misis lumalaki na si Baby, ah. Ang ganda n’yo namang buntis.”

Ngumiti nalang siya sa Doctor. Kanina pa niya napapansing tumitingin ito sa kanya. Bata pa ito at masasabing gwapo rin.