Chapter 22
Francis' POV
-FLASHBACK- (Chapter 20)
Pagkatapos nung klase , agad akong nagtungo sa may faculty na malapit sa cafeteria. Bago kasi ako kausapin ni ma'am, ipinatawag muna ako ng coach namin sa basketball team dahil malapit na raw ang sportsfest namin at ako ang gagawing captain ball. Kaya sabi ni ma'am Villianueva, pumunta nalang daw ako sa faculty ng mga high school teachers. Sanay na ko sa ganito. Ako lagi ang kinukuhang captain ball. Hindi naman sa pag mamayabang pero maalam talaga ako maglaro dahil simula pagkabata, hilig ko na ang magbasketball.
Kinakabahan ako baka bawasan ni ma'am yung grade ko. Hay. May problema pa nga ako tapos madadagdagan pa. Kainis. Eto na malapit na ko. Hindi matigil sa pagkabog ang dibdib ko. Bakit ba kinakabahan ako ng sobra?
*tok *tok Kumatok ako sa pinto dahil nakasara ito. Bakit ganon? Hindi naman nila 'to sinasara dati a?
Binuksan ni ma'am ang pinto. Ngumiti ito sa akin. Kahit sino naman siguro nagagandahan sa kanya. Mga classmate ko nga crush na crush si ma'am e. Pero kahit ganoon hindi ko mafeel yung sinasabi nilang "Isang ngiti lang ni ma'am maiinlove ka na" kasi para sa akin isa lang ang ngiti na hinahanap-hanap ko. Haaay. Namimiss ko na siya.
"So Francis" Pagsisimula ni Ma'am. Lumabas siya at hinarap ako.
"Yes po ma'am?" tanong ko. Biglang nanlamig ang paligid. Hindi ko maipaliwanang ang nararamdaman ko pero ang alam ko lang ay kinakabahan ako.
"Anong problema? Napansin ko nitong mga nakaraan hindi ka nakikinig sa lessons ko." hayy.
"May problema lang po kasi ako." sabi ko.
Nakita kong tumango-tango ito.
"Alam mo, ang problema huwag mo na lang dalhin sa loob ng room. Paano ka makakapagfocus sa studies kung may nagiging distraction 'di ba?" So ibig sabihin makipagbati na ko?
Tama nga. Dapat makipag-ayos na ko.
"Thank you ma'am. Hindi na po mauulit." Nagusap lang kami ni ma'am at pinayuhan pa ako. Agad naman akong nagpasalamat at umalis.
-END OF FLASHBACK-
Pagkatapos namin mag-usap ni ma'am ay dumiretso muna ako sa C.R. Narinig kong nagbell pero okay lang kasi panigurado late na naman yung teacher namin sa Mapeh. Papasok na sana ako pero may marinig akong umiiyak sa kabilang C.R. Kilala ko kung sino yun. Iyak pa lang kilala ko na. S-Si Gayle yun. Agad akong pumasok sa loob at hinanap kung saan nanggagaling ang iyak. May kumulbit sa akin at laking gulat ko nung hinalikan ako ni Gayle.
"Mmmm" Duda akong siya 'to. Kaya pinilit kong makawala sa kanya. Tama nga ako. Hindi ito si Gayle pero bago pa man ako makawala,
"F-Francis" Nakita ko ang babaeng mahal ko, umiiyak habang nakatingin sa akin at sa babaeng hindi ko kilala.
Umalis siya habang umiiyak. Susundan ko sana siya pero pinigilan ako nitong babaeng 'to.
"F-Francis sorry" Naiiyak ito. Aba? Ikaw pa ngayon ang umiyak a?
"Tignan mo ang nangyari sa ginawa mo. Nagalit sa akin ang girlfriend ko!" Hindi ko na napigilan ang sarili ko na mapasigaw.
"H-Hindi ko alam. T-Transferee lang ako at napag-utusan" Sabi niya. Ano raw? Napag-utusan?
"Hindi pa tayo tapos" Pagbabanta ko sa kanya. At sinundan si Gayle. Magka-cutting na lang ako bahala na.
Gayle's POV
Naglalakad na kami papuntang classroom pero kailangan ko muna mag-C.R
"Daniel, Nhice, C.R lang muna ako ha? Sasabog na pantog ko" Kaya natawa naman sila. Tumango na lang sila bilang sagot at dumiretso na ako ng C.R.
Shete naiihi na ko.
"Mmmm" Ano 'yun? Dali-dali akong pumasok sa loob ng C.R. Pero nagulat nalang ako at hindi ko inaasahang makita s-si
"F-Francis"
Halatang nagulat siya ng makita ako. A-Ang sakit. Bakit? Bakit mo nagawa sa akin 'to?
Dali-dali akong umalis at tumakbo. Hindi ko inaasahang makikita siya na may -- hinahalikan na ibang babae. Shete, talagang sa C.R pa ng mga babae? Alam kong may klase na pero hindi ko magawang bumalik sa room. Hindi ko alam kung nasaan na ba ko. Pero ang alam ko lang, niloko niya ko.
----------
A/n: Hi guys! :) Kamusta? Nakakamiss mag-update. By the way, may bago akong story! *sabog confetti* basahin niyo siya if you have time ⇨ Secrets of Last Summer. Another horror story. :) Thank you!
Oh yeah, 3 chapters to gooooo!
