High School Superstars [On-going]

5. Jeremiah

CJ's POV

Hay salamat. Unti unti nang bumalik sa dati si KC. Akala ko forever siyang mahihiya kay Stephen eh. Pero..

"CJ, tumingin na naman sa'kin si Stephen." Bulong niya sa'kin.

"Huwag mo kasing tignan." Sagot ko.

"Hindi ko kaya."

"Hoy." Singit ni Rachel. "Ano 'yang bulungan niyo na naman?" Oras ng klase ngayon. Pinapasulat kami.

"Wala." Sagot ni KC. "Magsulat ka na lang diyan." Tinulak ni Rachel ang mukha ni KC. "Aray naman."

"Dumating lang si CJ, may iba ka nang binubulungan ah." Natawa ako sa sinabi ni Rachel. Umpisa pa lang alam ko na ang ugali niya kahit medyo nag-alala ako. Nasanay na ako.

Pero kailangang makisakay. "Rachel, hindi niya binulong na tumingin din si Stephen sa kaniya?" Sabi ko kaya biglang nahiya si KC.

"CJ naman eh."

"Ganun? Huwag kang feeling KC." Tutol ni Rachel. "Sa isang libong beses na tumingin ka sa kaniya, isa lang ang kapalit kaya--"

"Ewan!" Sinimangutan siya ni KC. "Alam ko na 'yun." Kinurot niya si Rachel.

"Umayos ka KC ah. Kaya pala hiyang hiya ka."

Tumatawa lang ako. "Magsulat na kayo. Baka mapagalitan tayo, alam niyo naman si Ma'am, nagmamadali 'yan lagi. Ipapabura agad 'yan." Nakasulat kasi sa block board 'yung kinokopya namin.

Breaktime.

"Stephen." Bati ni KC sa kasama naming maglakad na si Stephen.

Tumingin ito sa kaniya at ngumiti. Kinurot ako ni KC. "Aray ko naman!" Bulyaw ko para ipahalata rin kay Stephen na kinurot ako.

"Huwag kang maingay." Kilig na kilig siya.

"Huwag ka ngang ganiyan KC. Crush is crush. Huwag kang masyadong fangirl diyan."

Nagsalita na naman si Rachel. "Damasco, date daw kayo ni KC!"

"Hoy ano ba Rachel." Hiyang hiya uli si KC.

Pero diretso lang sa paglalakad si Stephen. "Gustong gusto mo naman." Pang-asar ni Rachel.

Ngayon lang ba talaga kinilig si KC sa lalaki. Kasi kailangan niyang matuto. Kaya pala miski Teacher nanibago na sa kaniya. "KC, hinay hinay lang ah. At pwede bang huwag mo siyang binabati." Advice ko. "Hindi naman kasi siya celebrity na kailangan kang pagbigyan. Paano kung hindi ka niya type? Maiinis siya sa'yo."

Napansin kong napasimangot siya. "Wait lang, huwag mo munang isipin 'yang babaing 'yan." Umupo kami. Hinila kami ni KC malapit sa mga lalaki kung nasaan si Stephen. Pinagbigyan na namin. "Mamaya, mag-gala tayo sa AI."

"Saan 'yun?" Tanong ko kay Rachel.

"Diyan lang sa kabilang school."

"Ayoko!" Tanggi ni KC.

"Ikaw susuntukin kita, ayaw mo! Ayaw mo?" Inambaan ni Rachel ng suntok si KC.

Willing naman akong sumama pero mukhang magkakaproblema kay KC. "Eh." Reklamo nito.

"Bakit aber?"

"Uuwi ako ng maaga."

Ewan. Parang nonsense ng dahilan ni KC. Ayun, ang gulo na naman ng dalawang kasama ko. Ano naman kaya ang meron sa AI?

Biglang may naramdaman akong presensya ng isang lalaki sa tabi ko. "Kuya Reggie!" Bati agad ni KC.

"Hoy, Kuya Reggie bakit nandito ka?" Tanong naman ni Rachel.