The Rebel's Heart (BLACK SLAYERS Vol. 3) (COMPLETE)

Father and daughter

Kating's POV

     Naroon na sa loob ng conference si Mr. Alba ng dumating kami ni Sir Lee sa office ng LES construction.  Nakita kong napasimangot ang mukha ni Mr. Alba ng makitang kasama ako ni Sir Lee.

     "Lester.  What is this?  Bakit kailangan na kasama pa ang walanghiyang lalaki na iyan dito?  I want to talk to my daughter," galit na sabi ni Mr. Alba.

     Nakita kong masamang tiningnan ni Sir Les ang kapatid niya.

    "Ako ang may gusto na kasama siya dito.  Asawa niya ang sinasabi mong kapatid ko.  Siguro karapatan niya na nandito siya," ako na ang sumagot noon.

     Alam kong naguluhan si Sir Les sa sinabi ko.

    "Anong asawa?  What the hell is this?" Naguguluhang tanong niya.

    "Hindi mo alam?  Si Sir Lee ang asawa ng namatay na anak ni Mr. Alba," sabi ko.

    Napailing si Sir Lee.  "This is fucking nonsense.  I can't stay here," sabi niya at tinungo ang pinto pero mabilis ko siyang hinabol.

    "Sir.  Please.  Huwag mo naman akong iwan dito.  Hindi ko siya kilala," nagmamakaawa ako sa kanya.

    "He is your father, Katrina.  You'll be fine here," sabi niya sa akin at iniwan na ako doon.

     Parang gusto kong umiyak.  Hindi ko ito kayang mag - isa.

     "Sit down, Katrina." Utos ni Sir Les sa akin.

    Kahit masama ang loob ko ay ginawa ko ang sinabi niya.

    "Kamusta ka?  Mukha kang puyat.  Kumain ka na ba?" Punong - puno ng pag - aalala ang boses ni Mr. Alba.

     Hindi ako sumagot at tumingin lang ako kay Sir Les.  Nahuli ko siyang nakatitig sa akin pero mabilis din siyang nag - iba ng tingin.

     "Iha, kamusta na si Gildo?  May kailangan pa ba siyang gamot?  May kailangan pa bang bayaran sa ospital?" Tanong pa ni Mr. Alba.

     "Ano hong kailangan 'nyo sa akin?" Balik - tanong ko sa kanya.

      Parang gustong umiyak ang itsura ni Mr. Alba.

     "We lost Louraine.  Sa totoo lang, kahit sa panaginip hindi ko akalain na posibleng mangyari ang ganito.  I haven't seen my wife happy after your sister died.  But when your mom saw you, ang saya - saya niya.  Kahit na nga ipinagtabuyan mo kami sa ospital," sabi niya sa akin.

     Hindi ako sumagot.

     "Hindi namin alam kung anong nangyari sa iyo.  Hindi namin alam na may kapatid pa si Louraine.  Kaya namin inampon si Eunice ay para magkaroon siya ng kapatid.  Pero nandito ka.  Totoong anak namin," nangingilid ang luha ni Mr. Alba.

     "Katrina, I'll do everything you ask me just let me be your father.  Mahal na mahal namin si Louraine and we will give you that same love that you truly deserve," tuluyan ng nahulog ang mga luha ni Mr. Alba.

     Parang kinurot naman ang puso ko sa sinabing iyon ni Mr. Alba.  Katulad ni Sir Lee, parang ang lungkot - lungkot din niya.

     "I'll let the two of you talk.  Just call me when you're done," paalam ni Sir Les at lumabas na ito.  Iniwan kami doon ni Mr. Alba.

     "Sa totoo lang.  Nagagalit ako kay Gildo.  Kasi ninakaw ka niya sa amin.  Hindi ka niya ibinalik.  We lost that twenty seven years to be with you.  Pero sabi nga ng mommy mo, ang mahalaga nandito ka.  Nakita ka namin.  At babawi kami sa iyo," sabi ni Mr. Alba ng makaalis si Sir Les.