Territorial Men 1: Colton Altaraza (Published under LIB Bare)

16 ~ Elope

Chapter Sixteen

PANAY ang punas ni Karen sa walang humpay na pag-agos ng luha sa pisngi niya. Napapatakan ng luha ang mga damit na sinasalansan niya sa maleta. Bago pa siya maabutan ni Colton sa silid niya ay kailangan niya nang umalis.

Sa isang maleta nagkasya ang mga damit at personal na gamit niya. Dahan-dahan na binuksan niya ang pinto at sumilip sa magkabilang bahagi ng pasilyo bago tuluyang lumabas.

Sa likod ng mansion napili niyang dumaan dahil do'n ay hindi tanaw ang kusina kung saan ay palagay niya naroon na ang mga bisita.

"Miss Karen!" Napahinto siya sa paglalakad at nilingon si Wenna. Galing ito sa swimming pool area.

"Sshh!" Inilagay niya ang hintuturo sa ilong.

"Saan ka pupunta?" Mahina ang boses ni Wenna habang palinga-linga sa paligid.

"Aalis ako. May emergency k-kasi sa bahay." Pagsisinungaling niya na mukhang hindi bumenta sa babae.

"Iyon ba talaga ang dahilan?"

"Oo."

"Eh, bakit ka umiiyak?"

Napakurap-kurap siya at wala sa sariling pinahid niya ang luha sa pisngi saka malungkot itong nginitian.

"Basta, huwag ka na lang maingay."

"Tatakas ka."

"Kailangan kong umuwi sa amin, Wenna. Naghihintay sa akin ang mga kapatid ko."

"Bakit hindi ka magpaalam muna kay boss Colton?"

Mapait siyang ngumiti dito. "Tatawagan ko na lang si C-Colton mamaya kapag hindi na siya busy." As if na gagawin niya ang bagay na iyon.

"Hmm sige. Mag-iingat ka. Bumalik ka kaagad ha."

Isang tango lang ang isinukli niya kay Wenna bago mabibigat ang mga paa na nagpatuloy na sa paglalakad, palabas ng Villa.

This is the right thing to do, to stay away from Colton. To set him free and let him marry the woman she loves. Sa huli, matatanggap niya din naman ang kapalaran niya, hindi ba? Matatanggap niya na minsan sa buhay niya, may isang Colton Altaraza na nagpangiti sa kanya at nagpatibok ng puso niya.

Isang malungkot at mapait na ngiti ang rumehistro sa labi niya, kasabay niyon ay ang isa pang patak ng luha na bumagsak sa pisngi niya.

Bago tuluyang makalabas sa malaking gate ng Villa Altaraza, sinulyapan niya ang mansion sa huling pagkakataon. Masagana ang ilaw na nakapaligid ro'n. Hindi man tanaw ang loob, pero batid niyang may mga taong nagdidiwang sa saya sa mga sandaling iyon.

"Goodbye... Colton." She whispered painfully before she continue walking away... Away from the man she truly loves.

HANDA na sana niyang salubungin ng ngiti ang babaeng pumasok sa silid niya ngunit kaagad napawi iyon nang hindi si Karen, kundi si Gail ang sumundo sa kanya.

"What are you doing here?" He asked coldly. Inaayos niya ang pagkakatupi sa siko ng navy blue longsleeve na suot.

"Sinusundo ka?" Gail answered sweetly. She walks towards him and about to give him a kiss but he titled his head back to avoid her red lips. Nakita niya ang galit na rumehistro sa mukha nito. "Avoiding my kiss now? Why Colton? May iba na bang humahalik sa iyo?"

"Hmm," He smirked.

"How dare you!" Lalapit sana ito sa kanya ngunit napigil mismo nito ang sarili. "Sino?! Huh?! Ang malanding nurse mo ba!?"

Mariin na napapikit si Colton upang kalmahin ang sarili. Pagdilat niya ay matalim niya itong tinignan.

"Say that word again to K and you'll see."