Territorial Men 1: Colton Altaraza (Published under LIB Bare)

8 ~ Yes...

Umiling siya. Hindi na nasundan pa ang pananakit sa kanya ng babae at hindi niya hahayaan na masundan pa iyon.

Ang malapad at mainit na kamay ng binata ay bahagyang umangat sa braso niya na mas lalo lamang dumadagdag sa init na gumuguhit sa bawat ugat niya sa katawan.

"H-hindi ko hahayaan na saktan ulit ako ng fiance mo." Hindi niya naitago ang pait sa boses niya.

Nang mag-angat siya ng tingin sa binata ay napansin niya na amuse siya nitong tinitignan ngunit nando'n pa din ang bigat.

"Sabihin mo sa akin kapag tinangka ka niyang saktan. Okey?"

Gamit ang hinlalaki nito ay binaybay ang may kahabaang kalmot ni Gail sa braso niya. Halos matuyo na iyon dahil ilang araw na ang nakalipas pero halata pa din lalo at apat na mahahabang kalmot iyon.

"Kaya kong ipagtanggol ang sarili ko. Baka nga unahan niya pa akong magsumbong sa iyo." Tinarayan niya ito pero mahina lang itong natawa sa inasta niya.

"That's my girl! Palaban!"

Napanguso siya. Bakit ba nagawa pa siya nitong angkinin samantalang malinaw naman na...walang batayan 'yon.

"I am not your girl," She whispered.

Walang sabi-sabi na marahan siyang hinila ni Colton palabas ng silid, sa siko niya ito nakahawak. Hanggang sa makalabas sila ng elevator ay hindi siya nito binibitiwan.

Naaalarma na siya dahil iilang kasambahay na ang nakakita sa kanila at sa kamay nito na marahan na nakahawak sa braso niya, tila hindi hahayaan na makalayo siya dito.

"Colton, bitiwan mo ako." Mahina ang boses niya, tanaw niya na ang kusina.

Hindi sinunod ng binata ang pakiusap niya hanggang sa makarating sila sa hapag-kainan.

Ang magulang nito ay naroon na pati si Carter. Si Gail naman ay matalim ang tingin sa kanya, napayuko siya sa hiya sa mga sandaling iyon.

Ang lalaking ito, gusto yata na mapahamak pa siya!

"Colton, maupo na kayo." Sabi ni Mr. Altaraza.

Dinala siya ni Colton sa kabilang panig kung saan may dalawang bakanteng upuan sa tabi ni Carter. Ipinaghila siya nito ng upuan dahilan kung bakit ang mga pares ng mata na naroon ay bumaling sa kanya dahil sa ginawa nito.

Nakakahiya man ay hindi na siya makagalaw pa at alam niyang kabastusan kung aalis siya.

Colton seated beside Gail, where he belong. The sight of him getting close to that woman makes her heart pound in so much jealousy.

Ngayon na nasa hapag kainan siya kasama ang mga Altaraza...ngayon niya labis natanto na sobrang layo ng agwat nila ni Colton...

Na hindi na dapat siyang umasa pa...

Na hindi siya nababagay sa lalaki...

At higit sa lahat ay natanto niya na napakalayo ng agwat ng pamumuhay nilang dalawa kaya hindi talaga pwede ang munting damdamin na namumuo sa puso niya.

Malungkot at masakit isipin pero iyon ang katotohanan na dapat niyang tanggapin. Hindi sila bagay ni Colton. Hindi siya ang babaeng para dito.

Sana isiniksik niya na iyon sa utak niya unang lapag pa lang ng mga paa niya sa Villa Altaraza. Ngunit sadyang makulit ang puso niya, pigilan niya man ay umaalpas pa din ang damdamin para sa lalaki.

"Karen," Tawag pansin sa kanya ni Mr. Altaraza.

"P-po?"

"Ano sa palagay mo ang dahilan ng mabilisang paglalakad ulit ni Colton?"