Breakup Dictionary

Breakeven

Breakeven (n.)

Sa isang convenience store ako huminto para magpatila ng ulan. Basang-basa ang damit ko. Basa rin ang buhok ko. Pilit kong pinunasan at pinatuyo ang nabasang bahagi ng katawan ko. Mayamaya, naramdaman kong may tumutulong na magpunas ng damit ko. Tinapik ko palayo ang mga maiinit na kamay na iyon. Nabigla rin ako nang lumingon. 

Ikaw pala. Ikaw pala iyon. Sabi ko na nga ba at hindi mo rin ako matitiis na iwan. Sabi ko na nga ba, hindi mo ako iiwan sa ulan.