Breakup Dictionary

Friend

Friend (n.) 

"Sino 'yan?" tanong ko.

"Anong sino? Siyempre, kaibigan ko," sagot mo.

Tuwing alas-sais ng hapon, palagi kang nakatutok sa cellphone mo. Minsan, napapailing ka sa tuwing walang signal. Hindi mo kasi ma-send 'yung message mo. Sinusubukan kitang kausapin pero hindi ka maistorbo dahil seryoso ka sa paghahanap ng signal. Nagsisisi ka pa nga dahil sa food court ako nagyaya kumain, nasa basement kasi ng building kaya walang signal. Nagpaalam ka sandali para lumabas ng building. Pumayag ako. Ibang klase ka palang maging kaibigan, lahat hahamakin, magkaroon lang ng signal. Lahat hahamakin, makapag-reply lang.